ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵖⴻⵍⵍⴰ ⵓⵏⵏⵉⴳ ⵏ ⵢⵉⵖⴰⵍⵍⴻⵏ ⵓⵎⵔⵉⴳⴻⵏ, ⴷ ⵓⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⵢⴻⵙⵙⴻⵍⵡⵉ ⴰⵙⵙ ⵏ ⴰⵙⵉⴹⵢⴰⵙ (ⵙⵙⴻⴱⵜ), ⴷⴻⴳ ⵓⴳⴻⵎⵎⵉⵡ ⴰⵖⴻⴼⴰⵏ, ⵢⵉⵡⴻⵜ ⵏ ⵜⴼⵓⴳⵍⴰ ⵏ ⵜⵓⴽⵛⵉ ⵏ ⵜⵣⴰⵍⵖⵉⵡⵉⵏ ⵉ ⵎⴻⵏⵏⴰⵡ ⵏ ⵢⵉⵊⵉⵏⵉⵕⴰⵍⴻⵏ ⵜⵉⴼⴻⵙⵢⴰⵏⴻⵏ ⴷ ⵢⵉⴽⵏⵓⵏⴰⵔ, ⵉⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 71 ⵏ ⵜⵏⵓⴽⵔⵉ ⵏ ⵜⴻⴳⵔⴰⵡⵍⴰ ⵏ ⵓⵎⵏⴻⵣⵓ ⵏ ⵡⴰⵎⴱⴻⵔ ⵜⴰⵎⵏⴰⴳⴰⵏⵜ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵓⵎⵣⴰⵖ ⴰⵖⴻⵍⵏⴰⵡ.
ⴷⴻⴳ ⵜⴰⵣⵡⴰⵔⴰ ⵏ ⵜⴼⵓⴳⵍⴰ-ⴰ, « ⵢⴻⵙⵉⴳⴳ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⴷ ⵏ ⵓⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵖⴻⵔ ⵓⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⴰⵖⴻⵍⵍⴰ ⵏ ⵓⵎⴰⴷⴷⴰⴷ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵊⵉⵏⵉⵕⴰⵍ ⵙⴰïⴷ ⵛⵀⴻⵏⴳⵔⵉⵀⴰ, ⴷ ⵢⵉⵎⴰⵙⴰⵢⴻⵏ ⵓⵏⵏⵉⴳⴻⵏ ⵏ ⵓⵡⴰⵏⴰⴽ, ⵜⵉⴽⵛⵉ ⵏ ⵜⵣⴰⵍⵖⵉⵡⵉⵏ ⵉ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵎⴰⵀⴰⵍⴻⵏ ⵉⵔⴻⴷⵙⴰⵏⴻⵏ, ⵖⴻⴼ ⵜⴳⴰⵔⴰ ⵏ ⵓⵙⵎⴻⵎⵎⵉ ⵏ ⵓⴳⵔⴰⵡ ⵙ ⵙⵏⴰⵜ ⵏ ⵜⴻⵅⵅⴰⵎⵉⵏ-ⵏⵏⴻⵙ ⵏ ⵙⵉⵏ ⵉⵙⵓⴹⴰⴼ ⵉⴷⴻⴳ ⵢⴻⵍⵍⴰ ⵓⵙⴻⵖⵏⴻⵡ ⵏ (19) ⵏ ⵜⵣⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ », ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵙⵙⴻⴳⵣⴰ ⵓⵖⴱⴰⵍⵓ-ⴰ.
ⴷⴻⴳ ⵓⴽⴰⵜⴰⵔ-ⴰ, ⵢⴻⵏⵏⴰ-ⴷ ⵓⵍⵖⵓ-ⴰ ⴷⴰⴽⴽⴻⵏ « ⵜⴰⵣⴰⵍⵖⵉ ⵏ ⵓⵏⵥⴰⴹ ⴰⵎⵙⴻⴽⵔⴰⵏ, ⵜⴰⵣⴰⵍⵖⵉ ⵏ « ⵓⵎⴻⵏⵏⵓⵖ ⵎⴳⴰⵍ ⵜⵔⴻⵎⵖⴰ ⴷ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ, ⴷ ⵜⵣⴰⵍⵖⵉ ⵏ « ⵓⴼⴰⵣⵉ ⵓⵙⵙⵏⴰⵏ » ⵜⵜⵓⵏⴻⴽⴼⴻⵏ ⵉ ⵓⵊⵉⵏⵉⵕⴰⵍ ⵙⴰïⴷ ⵛⵀⴻⵏⴳⵔⵉⵀⴰ, ⴰⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵖⴻⵔ ⵓⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ ⴷ ⵓⵖⴻⵍⵍⴰ ⵏ ⵓⵎⴰⴷⴷⴰⴷ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵜ, ⴷ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵏⵥⴰⴹⴻⵏ ⵉⵔⴻⴷⵙⴰⵏⴻⵏ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵍⵖⵓ-ⴰ.
ⵉⵍⵎⴻⵏⴷ ⵏ ⵜⴻⴳⵏⵉⵜ-ⴰ, ⵢⴻⵖⵔⴰ-ⴷ ⵓⵊⵉⵏⵉⵕⴰⵍ ⵙⴰïⴷ ⵛⵀⴻⵏⴳⵔⵉⵀⴰ ⵢⵉⵡⴻⵏ ⵏ ⵢⵉⵏⴰⵡ ⵎⴰⵏⵉ ⵉ ⴷ-ⵢⴻⵙⵙⵏⴻⵎⵎⴻⵔ ⴷⴻⴳ ⵜⴰⵣⵡⴰⵔ-ⵏⵏⴻⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵎⵉ ⴰⵢ ⵢⴻⵙⵙⴻⵍⵡⵉ ⵜⴰⴼⵓⴳⵍⴰ-ⴰ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵙⴻⵖⵏⴻⵡ ⵏ ⵜⵣⴰⵍⵖⵉⵡⵉⵏ-ⴰ ⵢⴻⵙɛⴰ ⵉⵙⵡⵉ ⵏ « ⵓⵙⵙⴻⵔⵙⵉ ⵏ ⵓⵏⴰⴳⵔⴰⵡ ⵏ ⵜⴻⴽⵍⴰⵍⵉⵜ ⵏ ⵜⴰⵔⴻⴷⵙⴰⵏⵜ ⵉ ⵢⴻⴼⴽⴰⵏ ⴰⵣⴰⵍ ⵉ ⵜⵖⴻⵔⵙⴰⵡⵉⵏ, ⵉ ⵜⵉⵙⵙⵓⴳⵔⵉⵡⵉⵏ ».
ⵢⴻⵏⵏⴰ-ⴷ: « ⴷⴻⴳ ⵜⴻⴳⵏⵉⵜ-ⴰ ⵜⴰⵖⴻⵍⵏⴰⵡⵜ ⵜⴰⵎⴻⵇⵇⵔⴰⵏⵜ, ⵉ ⴷ-ⵢⴻⵙⵙⴽⴰⵏⴰⵢⴻⵏ ⴰⵎⵉⵔⴻⵡ-ⵏⵏⴻⵖ ⵖⴻⴼ ⵢⵉⵎⴻⵏⵣⴰⵢⴻⵏ, ⴰⵣⴰⵍⴻⵏ, ⴷ ⵢⵉⵣⴰⵎⵓⵍⴻⵏ ⵏ ⵜⴻⴳⵔⴰⵡⵍⴰ ⵏ ⵡⴰⵎⴱⴻⵔ ⵜⴰⵎⵏⴰⴳⴰⵏⵜ, , ⴱⵖⵉⵖ ⴰⵡⴻⵏ-ⴷ-ⵉⵏⵉⵖ, ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵖⴻⵍⵍⴰ ⵓⵏⵏⵉⴳ ⵏ ⵢⵉⵖⴰⵍⵍⴻⵏ ⵓⵎⵔⵉⴳⴻⵏ, ⴷ ⴰⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⵙ ⵢⵉⵙⴻⵎ-ⵉⵏⵓ ⴷ ⵓⴷⴻⴳ ⵏ ⵡⴰⴽⴽ ⵉⵎⴰⵀⴰⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⵙ ⵜⵓⵎⴻⵔⵜ ⴷ ⵓⴳⴻⵎⵎⵉⵔ ⴰⵎⴻⵇⵇⵔⴰⵏ ⵉⵎⵉ ⴰⵢ ⵜⴻⵙⵙⴻⵍⵡⵉⴷ ⵜⴰⴼⵓⴳⵍⴰ ⵏ ⵜⵓⴽⵛⵉ ⵏ ⵜⵣⴰⵍⵖⵉⵡⵉⵏ-ⴰ ⵉ ⵜⴻⴳⵔⴰⵡⵜ ⵏ ⵢⵉⴽⴰⵜⴰⵔⴻⵏ ⴷ ⵢⵉⵎⴰⵀⴰⵍⴻⵏ, ⴷⴻⴼⴼⵉⵔ ⵏ ⵓⵙⴻⵖⵏⴻⵡ ⵏ (19) ⵏ ⵜⵣⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ».
ⴷⴻⴳ ⵡⴰⵢⴰ, ⵢⴻⵔⵏⴰ-ⴷ ⵓⵊⵉⵏⵉⵕⴰⵍ ⵛⵀⴻⵏⴳⵔⵉⵀⴰ : « ⴰⵙⴻⵖⵏⴻⵡ ⵏ ⵜⵣⴰⵍⵖⵉⵡⵉⵏ-ⴰ ⵢⴻⵜⵜⵉⵍⵉ-ⴷ ⴷⴻⴳ ⵓⵙⴻⴹⵔⵓ ⵏ ⵢⵉⵙⴻⵏⴷⴰⵀ ⵏ ⵓⴷⴰⴱⵓ-ⵏⵡⴻⵏ ⵓⵏⵏⵉⴳ, ⵉⵙⵡⵉ-ⵏⵙⴻⵏⵜ ⴷ ⴰⴽⴻⵎⵎⴻⵍ ⵏ ⵡⵓⵙⵙⵉⵙⴻⵏ ⵉ ⵓⵙⵙⴻǧⵀⴻⴷ ⵏ ⵢⵉⴽⴻⵜⵜⵓⵔⴻⵏ ⵉⵏⴻⴳⵡⴰ, ⵉⵙⵏⵓⴷⴷⵙⴰⵏⴻⵏ, ⴷ ⵢⵉⵎⴷⴰⵏⴻⵏ ⵉ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵍⵀⵓ ⵏ ⵜⵖⴰⵔⴰ ⴷ ⵓⵙⵙⴻⴱⵖⴻⵙ ⵏ ⵓⵎⵍⴰⵣⵎⴰⵔ ⵏ ⵓⴼⴻⵔⴷⵉⵙ ⴰⵍⵙⴰⵏ, ⵢⴻⵍⵍⴰⵏ ⴷ ⴰⵥⵔⵓ ⵏ ⵜⵖⴻⵔⵖⴻⵔⵜ ⵏ ⵢⴰⵍ ⴰⵙⴻⵏⴼⴰⵔ ⵏ ⵓⵙⵏⴻⴳⵎⵓ, ⴰⵢⴰ ⴰⴽⴽ ⴰⴽⴽⴻⵏ ⴰⴷ ⵜⴻⵇⵇⵉⵎ ⵜⴰⵔⴻⴷⵙⴰ-ⵏⵏⴻⵖ ⵜⴻⴽⵀⴻⴷ ⴷⵉⵎⴰ, ⴷ ⵜⵉⵖⵔⴻⵎⵜ ⵉ ⵃⴻⵔⵣⴻⵏ ⵜⴰⵎⵓⵔⵜ-ⵏⵏⴻⵖ, ⴷ ⵓⵎⵃⴰⴷⴷⵉ ⵜⵎⴻⴽⴷⵉⵜ ⵏ ⵡⴰⵣⴰⵍⴻⵏ ⵉⴳⴷⵓⴷⴰⵏⴻⵏ ⴷ ⵡⴰⵢⴻⵏ ⵉ ⴷ-ⵢⴻⵡⵡⵉ ⵡⴻⵖⵔⴻⴼ-ⵏⵏⴻⵖ ⵓⴱⵖⵉⵙ ».
ⵉⴽⴻⵎⵎⴻⵍ ⵢⴻⵏⵏⴰ-ⴷ : « ⵙ ⵓⵙⴻⵖⵏⴻⵡ ⵏ ⵜⵣⴰⵍⵖⵉⵡⵉⵏ-ⴰ, ⵏⴻⵜⵜⵏⴰⴷⵉ ⴷⴰⵖⴻⵏ ⴰⴷ ⵏⴻⵙⵙⴱⴻⴹ ⴰⵏⴰⴳⵔⴰⵡ ⴰⵎⴰⴽⵍⴰⵍ ⴰⵔⴻⴷⵙⴰⵏ ⴷ ⵓⵙⵙⵓⵜⴻⴳ ⵏ ⵜⵖⴻⵔⵙⵉⵡⵉⵏ ⵙ ⵎⴰⵜⵜⴰ ⵢⴻⵜⵜⴻⴷⴷⵓⵏ ⴷ ⵡⴰⴽⵔⵓⵙⴻⵏ ⵏ ⵜⵓⵖⴷⴰⴹⵉⵏ ⴷ ⵓⵏⴻⵔⵏⵉ ⵏ ⵢⵉⵎⵉⵀⵉⵜⴻⵏ ⴷ ⵓⵙⴻⵎⵖⴻⵔ-ⵏⵙⴻⵏⵜ, ⴷⴷⴰⵡ ⵏ ⵢⵉⵡⴻⵏ ⵏ ⵡⴰⵜⵜⵜⴰⵍ ⴰⴳⵔⴰⵖⵍⴰⵏ ⵉⵏⵉⵎⵉⵔ.
