ⵜⵓⵔⵣⵉ ⵜⴰⵏⴻⵖⵍⴰⴼⵜ ⵏ ⵢⴻⴷⵍⴻⵙ ⴷ ⵜⵥⵓⵔⵉ, ⵎⴰⵙⵙⴰ ⵎⴰⵍⵉⴽⴰ ⴱⴻⵏⴷoⵓⴷⴰ, ⴰⵙⵙ ⵏ ⵓⵙⵉⴹⵢⴰⵙ (ⵙⵙⴻⴱⵜ), ⴷⴻⴳ Lⵇⴰⵀⵉⵔⴰ, ⵎⴰⵚⴻⵔ, ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵢⵓⵏⵉⵙⴽⵓ, ⵎⴰⵙⵙ ⵅⵀⴰⵍⴻⴷ Eⵍ-ⴰⵏⴰⵏⵢ, ⵖⴻⴼ ⵡⴰⵎⵎⴻⴽⴻⵏ ⵏ ⵓⵙⴻⵊⵀⴻⴷ ⵏ ⵓⴱⵍⴰⴳ ⴷ ⵓⵏⵎⵉⵔⴻⴳ ⴳⴰⵔ ⴹⵣⴰⵢⴻⵔ ⴷ ⵢⵓⵏⵉⵙⴽⵓ ⴷⴻⴳ ⵜⵖⵓⵍⵜ ⵏ ⵓⵃⵔⴰⵣ ⵏ ⵜⴳⴻⵎⵎⵉ ⴷ ⵓⵙⴷⵓⵙⵓ ⵏ ⵉⴽⴰⵜⴰⵔⴻⵏ ⵓⵙⴹⵉⴼⴻⵏ ⵢⴻⵔⵣⴰⵏ ⴰⵎⴻⵙⵜⴻⵏ ⴷ ⵓⵙⵎⴰⵍ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.
ⵖⴻⵙⵙⴻⴳⵣⴰ-ⴷ ⵓⵖⴱⴰⵍⵓⵜ-ⴰ ⴷⴰⴽⴽⴻⵏ ⵎⴰⵙⵙⴰ ⴱⴻⵏⴷⵓⴷⴰ, ⴷⴻⴳ ⵢⵉⵊⵉⴼⴻⵕ ⵏ ⵓⴷⵔⴰⵡ-ⵏⵏⴻⵙ ⴷⴻⴳ ⵜⴼⵓⴳⵍⴰ ⵏ ⵓⵔⵥⴰⵎ ⵏ « ⵓⵙⴰⵍⴰⵢ ⴰⵎⴰⵚⵔⵉ ⴰⵎⴻⵇⵔⴰⵏ » ⴷⴻⴳ Lⵇⴰⵀⵉⵔⴰ, ⵜⴻⵎⵍⴰⵍ ⴷ ⵎⴰⵙⵙ ⴰⵍ-ⴰⵏⴰⵏⵢ, ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⵖⴻⴼ « ⵡⴰⵎⵎⴰⴽⴻⵏ ⵏ ⵓⵙⴻⵊⵀⴻⴷ ⵏ ⵓⴱⵍⴰⴳ ⴷ ⵓⵏⵎⵉⵔⴻⴳ ⴳⴰⵔ ⴹⵣⴰⵢⴻⵔ ⴷ ⵓⵏⵉⵙⴽⵓ ⴷⴻⴳ ⵜⵖⵓⵍⴰ ⵏ ⵓⵎⴻⵙⵜⴻⵏ ⵏ ⵜⵉⴷⴻⴳⴳⴻⵏ ⵉⵙⴻⵏⵣⵉⴽⴰⵏⴻⵏ ⴷ ⵢⵉⴷⴻⵍⵙⴰⵏⴻⵏ, ⴰⵃⵔⴰⵣ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵜⴰⵏⴳⴰⵏⵜ ⴷ ⵜⴰⵔⴰⵏⴳⴰⵏⵜ, ⴷ ⵓⵙⵏⴻⴳⵎⵓ ⵏ ⵢⵉⴽⴻⵜⵜⵓⵔⴻⵏ ⵉⵖⵍⴻⵏⴰⵡⴻⵏ », ⵔⵏⵓ-ⴰⵙ« ⴰⵙⴻⵊⵀⴻⴷ ⵏ ⵢⵉⴽⴰⵜⴰⵔⴻⵏ ⵓⵙⴹⵉⴼⴻⵏ ⵉ ⵣⴻⵎⵔⴻⵏ ⴰⴷ ⵃⴻⵔⵣⴻⵏ ⴷ ⴰⴷ ⵙⴻⵎⵍⴻⵏ ⵜⵉⵙⴻⴱⴳⴰⵏ ⵜⵉⴷⴻⵍⵙⴰⵏⵉⵏ ⴷ ⵜⴳⴻⵎⵎⵉⵢⵉⵏ ⵜⵉⵖⴻⵍⵏⴰⵡⵉⵏ ».
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵏⵉⵙⴽⵓⵉⴱⴻⴳⴳⴻⵏ-ⴷ « ⵜⴰⵎⵓⵖⵍⵉ-ⵏⵏⴻⵙ ⵏ ⵜⴰⵣⵉⵜⴰⵍⵜ » ⵉⵍⵎⴻⵏⴷ ⵏ « ⵓⵙⵉⴳⴳⴻⵡ ⵏ ⵜⴰⵎⵍⵉⵍⵜ ⵏ ⵜⵓⴷⴷⵙⴰ-ⴰ ⴷ ⴰⴽⴰⵜⴰⵔ ⴰⵙⴷⵓⴽⴽⵍⴰⵏ ⵉ ⵓⵙⵙⴻⴱⵖⴻⵙ ⵏ ⵓⵎⵙⴻⴳⵣⵓ ⴷ ⵓⵏⵎⵉⵔⴻⴳ ⴰⴳⵔⴰⵖⵍⴰⵏ ⴷ ⵓⴳⵔⵉⴳⴻⵡ ⵓⵎⵏⵉⴳ ⴳⴰⵔ ⵢⵉⵡⴰⵏⴰⴽⴻⵏ ⵉⵎⴰⵙⵍⴰⴹⴻⵏ », ⴰⵎ ⵡⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ « ⴰⵎⵉⵔⴻⵡ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵙⵙⵎⵓⴽⴻⵏ ⵉⴽⴰⵔⴰⵎⴻⵏ ⵉⵎⴳⴻⵔⵔⴰⴷⴻⵏ ⵉ ⵜⴻⵔⵣⴰ ⵜⴻⵎⵙⴰⵍⵜ, ⵙ ⵢⵉⵡⴻⵜ ⵏ ⵜⵎⴰⵙⵉⵜ ⴷ ⵜⴻⴼⵔⴰⵡⴻⵏⵜ ⴷ ⵓⵎⵉⵔⴻⵡ ⵙ ⵢⵉⵙⵡⴰⵏ ⵏ ⵜⵓⴷⴷⵙⴰ-ⴰ ».
ⴷⴻⴳ ⵏ ⵓⵏⵎⵓⴳⴻⵔ-ⴰ, ⵜⵓⵍⴻⵙ ⵜⵏⴻⵖⵍⴰⴼⵜ ⴰⵙⵔⵓⵖⴻⴷ-ⵏⵏⴻⵙ ⵉ ⵓⴷⵓⴽⵜⵓⵔ ⴷⵍ-ⵄⵏⴰⵏⵉ ⵖⴻⴼ ⵡⴻⴼⵔⴰⵏ-ⵏⵏⴻⵙ ⴷ ⴰⵖⴻⵍⵍⴰ ⵏ ⵟⵓⴷⴷⵙⴰ ⵏ ⵢⵓⵏⵉⵙⴽⵓ, ⴰⵎ ⵡⴰⴽⴽⴻⵏ ⵉ ⴷ-ⵜⵡⴻⴽⴽⴻⴷ « ⴰⴷⵀⴰⵍ ⵓⵎⵎⵉⴷ ⵏ ⴹⵣⴰⵢⴻⵔ ⴷⴻⴳ ⵓⵙⴻⵍⴽⴻⵎ ⵏ ⵜⵓⵖⴷⴰⴹⵉⵏ-ⵏⵏⴻⵙ ».
ⴰⵔⵏⵓ ⵖⴻⵔ
