ⵉⵡⴻⴽⴽⴻⴷ ⵓⵏⴻⵖⵍⴰⴼ ⵏ ⵓⴳⴻⵏⵙⵓ ⴷ ⵜⴻⵏⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ ⴷ ⵓⵎⴻⵙⵏⵉ, ⵎⴰⵙⵙ ⵙⴰⵉⴷ ⵙⴰⵄⵢⵓⴷ, ⴷⴻⴳ ⵡⴰⵙⵙ ⵏ ⵓⵙⵉⴹⵢⴰⵙ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵎⵉⵔⴻⵡ ⵏ ⵓⵡⴰⵏⴰⴽ ⵙ ⵓⴷⵀⴰⵍ ⵏ ⵜⴼⴻⴽⴽⵉⵡⵉⵏ ⵜⵉⵖⴻⵍⵍⵉⵙⴰⵏⵉⵏ ⴷ ⵜⴼⴻⴽⴽⴰ ⵏ ⵓⵎⴻⵙⵜⴻⵏ ⴰⵖⴰⵔⵉⵎ, ⵖⴻⴼ ⵓⴹⵎⴰⵏ ⵏ ⵜⵖⴻⵍⵍⵉⵙⵜ ⵏ ⵓⵖⵔⴻⵎⴰⵏ ⴷ ⵜⴰⵍⵡⵉⵜ-ⵏⵏⴻⵙ.
ⴷⴻⴳ ⵉ ⴷ-ⵢⴻⵙⵙⵉⴳ ⵖⴻⴼ ⵜⴰⴼⵓⴳⵍⴰ ⵏ ⵓⵙⵎⴰⵍ ⵏ ⵢⵉⵙⴻⵍⵍⵓⵏⴻⵏ ⵏ 42 ⵏ ⵢⵉⵎⴰⵙⵍⴰⴹⴻⵏ ⵙⴻⴳ ⵓⵎⴻⵙⵜⴻⵏ ⴰⵖⴰⵔⵉⵎ, ⴷⴻⴳ ⵡⴰⵜⵜⴰⵍ ⵏ ⵜⴻⴼⵓⴳⵍⴰ ⵙ ⵜⴽⴰⵜⵓⵜ ⵜⵉⵙ 71 ⵏ ⵜⵏⵓⴽⵔⵉ ⵏ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ ⵜⴰⵎⴰⵏⴳⴰⵏⵜ, ⵉⵡⴻⴽⴽⴻⴷ ⵎⴰⵙⵙ ⵙⴰⵄⵢⵓⴷ, ⵖⴻⴼ ⵓⵙⴻⵎⵔⴻⵙ ⵏ ⵓⴽⴽ ⴰⵍⵍⴰⵍⴻⵏ ⵖⴻⴼ ⵓⵎⴻⵙⵜⴻⵏ ⵏ ⵢⵉⵖⴻⵔⵎⴰⵏⴻⵏ, ⴷ ⵜⵖⴰⵡⵙⴰ ⵢⴻⵍⵍⴰ ⵙⴻⴳ ⵜⵓⵣⵡⵉⵔⵉⵏ.
ⴷⴻⴳ ⵜⵉⵅⵅⵓⵜⴻⵔⵜ ⵏ ⵜⴼⴻⴽⴽⴰ-ⴰⵢⴰ ⵏ ⵓⵎⴻⵙⵜⴰⵏ ⴰⵖⴰⵔⵉⵎ, ⴷⴻⴳ ⵉ ⴷ-ⵢⴻⵍⵍⴰ ⴷ ⴰⴼⵚⵉⵍ ⵏ ⵓⵎⴻⵙⵜⴻⵏ ⵖⴻⴼ ⵢⵓⴷⴰⵏ ⴷ ⵡⴰⴳⴻⵍ, ⵉⴱⴻⵢⵢⴻⵏ-ⴷ ⵓⵏⴻⵖⵍⴰⴼ ⵍⴻⵄⵏⴰⵢⴰ ⵏ ⵢⵉⴷⵓⴱⴰ ⵓⵏⵏⵉⴳⴻⵏ, ⴷⴻⴳ ⵓⵎⴻⵣⵡⴰⵔⵓ-ⵏⵙⴻⵏ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵓⵙⴻⴳⴼⴻⵔ ⵏ ⵓⴷⵀⴰⵍ ⵢⴻⵜⵜⴽⴻⵎⵎⴰⵍⴻⵏ ⴷ ⵓⵙⴻⵎⵀⴻⵣ ⵏ ⵜⴼⴻⴽⴽⴰ-ⴰⵢⴰ, ⵙ ⵓⵙⴻⴱⴳⴻⵙ ⵏⵜⵣⴻⵎⵎⴰⵔ-ⵏⵏⴻⵙ, ⴷ ⵓⵙⴻⵍⵀⵓ ⵏ ⵜⵉⵙⴻⵎⵙⴻⴷⴷⴰ ⵏ ⵓⵙⴻⵎⵢⵓⴷⴷⴻⵙ ⵜⴳⴰⵔⴰ ⵏ ⵢⵉⵏⴻⴱⴰⵍⴳⴻⵏ-ⵏⵏⴻⵙ.
ⴷⴻⴳ ⵜⴰⵎⴰ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵎⴻⵙⵜⴻⵏ ⴰⵖⴰⵔⵉⵎ, ⴰⴽⵏⴰⵏⴻⵔ ⴱⵓⵄⵍⴰⵎ ⴱⵓⵖⵍⴰⴼ, ⴱⴻⵍⵍⵉ ⵎⴰⵜⵜⴰ ⵉ ⴷ-ⵢⴻⵜⵜⵡⴰⵙⴹⵔⵓⵏ ⴷⴻⴳ ⵜⵖⵓⵍⵉⵏ ⵏ ⵓⵙⵉⵍⴻⵖ ⴷ ⵓⵙⴻⵜⵔⴻⵔ ⵏ ⵜⴼⴻⴽⴽⴰ ⵏ ⵓⵎⴻⵙⵜⴻⵏ ⴰⵖⴰⵔⵉⵎ , ⵢⵓⵙ-ⴷ ⵙⴻⴳ ⵍⴻⵄⵏⴰⵢⴰ ⵏ ⵢⵉⴷⵓⴱⴰ ⵓⵏⵏⵉⴳⴻⵏ ⵏ ⵜⵎⵓⵔⵜ, ⵢⴻⵔⵏⵉ ⵢⴻⵙⵙⴻⵔⵙ-ⴰⵏⴻⵖ ⵙⴷⴰⵜ ⵏ ⵜⵎⴰⵙⵉⵜ ⵜⴰⵎⴻⵇⵇⵕⴰⵏⵜ ⵢⴻⵅⵙⴻⵏ ⵙ ⵖⴻⵔ-ⵏⴻⵖ ⴰⴷ ⵏⴻⴷⴷⵓⴽⴻⵍ ⴷⴻⴳ ⵓⴽⴰⵎⵎⴻⵍ ⵏ ⵡⵓⵙⵙⵉⵙⴻⵏ ⵏ ⵓⵙⵎⴰⵍ ⵏ ⵜⴼⴻⵍⵖⴰ, ⴱⴰⵛ ⴰⴷ ⵏⵉⵍⵉ ⴷⴻⴳ ⵓⵙⵡⵉⵔ ⵏ ⵜⵎⵓⵖⵍⵉⵡⵉⵏ ⵏ ⵓⵖⴻⵔⵎⴰⵏ ⴷ ⵢⵉⵛⵇⵉⵔⵔⵉⵡⴻⵏ ⵏ ⵢⵉⵎⴰⵍ.
ⴰⵙⵎⴰⵍ-ⴰⵢⴰ ⴷⴻⴳ ⵢⵉⵙⴻⵍⵍⵓⵏⴻⵏ, ⵢⵓⵙ-ⴷ ⴷⴻⴳ ⵓⴽⴰⴰⵔ ⵏ ⵓⵙⵎⴰⵍ ⴰⵙⵓⵔⴼⴰⵏ ⵏ ⵢⵉⵖⴰⵍⵍⴻⵏ ⵏ ⵓⵎⴻⵙⵜⴻⵏ ⴰⵖⴰⵔⵉⵎ, ⵢⴻⵙⵄⴰⵏ ⵜⴰⵎⴻⵍⵍⵉⵜ ⵜⴰⵎⴻⵇⵇⵔⴰⵏⵜ ⵙⴻⴳ ⵓⵙⴻⵖⵙⵉ ⵏ ⵍⵄⴰⴼⵉⵜ ⵏ ⵓⵏⴻⴱⴷⵓ ⵉⵄⴻⴷⴷⴰⵏ, ⴰⵙⵓⴽⴽⴻⴷ ⵏ ⵢⵓⴷⴰⵏ ⵉ ⴷ-ⵢⴻⴳⴹⵓⵏ ⴷⴻⴳ ⵡⴰⵏⵓ, ⴷⴻⴳ ⴱⴻⵛⵛⴰⵔ ⴷ ⵎⴷⵉⵢⴰ, ⴰⵙⵓⴽⴽⴻⵙ ⵏ ⵢⵉⵛⵜ ⴷⴻⴳ ⵍⵖⴰⵔ ⴷⴻⴳ ⵇⵙⴻⵏⵟⵉⵏⴰ, ⴷ ⵢⵉⵛⵜ ⴷⴻⴳ ⵢⵉⵍⴻⵍ ⴷⴻⴳ ⵊⵉⵊⴻⵍ, ⵎⴻⴱⵍⴰ ⵎⴰ ⴰⴷ ⵏⴻⵜⵜⵓ ⴰⵎⴰⵀⵉⵍ-ⵏⵙⴻⵏ ⴷⴻⴳ ⴰⵙⴻⵀⵡⵓ ⵏ ⵜⴳⴻⵟⵟⵓⵜ ⵏ ⵓⵙⴰⴽⴻⵍ ⴷⴻⴳ ⵓⵙⵓⴼ ⵏ ⵍⵃⴻⵔⵔⴰⵛ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ.
ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜ, ⵜⵜⵡⴰⵙⴻⵔⵀⵓⵏ ⴷⴰⵖ ⵜⴰⵔⴱⴰⵄⵜ ⵏ ⵢⵉⴼⴻⵙⵢⴰⵏⴻⵏ ⵉ ⴷ-ⵢⴻⵡⵡⵉⵏ ⴰⵙⵜⴰⵖ ⴷⴻⴳ ⵓⵙⴻⴳⴳⴰⵙ ⵏ 2025, ⴷ ⴰⵙⵎⴻⴽⵜⵉ ⵏ ⵜⵎⴻⴷⴷⵓⵔⵜ-ⵏⵙⴻⵏ ⵏ ⵓⵅⴻⴷⴷⵉⵎ ⵉ ⴷ-ⴳⵉⵏ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵎⴻⵥⵍⵓ ⵏ ⵜⴼⴻⴽⴽⴰ ⵏ ⵓⵎⴻⵙⵜⴻⵏ ⴰⵖⴰⵔⵉⵎ.
ⵜⴰⵎⴰⵡⵜ ⴱⴻⵍⵍⵉ ⵜⴰⴼⵓⴳⵍⴰ-ⴰⵢⴰ ⵢⴻⵎⵎⵓⴳⴻⵏ ⵙ ⵜⵉⵀⴰⵡⵜ ⵏ ⵓⵏⴻⵖⵍⴰⴼ ⴷ ⵍⵡⴰⵍⵉ ⵏ ⵜⵡⵉⵍⴰⵢⵜ ⵏ ⴷⵣⴰⵢⴻⵔ, ⴰⴱⴷⴻⵏⵏⵓⵔ ⵔⴰⴱⵀⵉ, ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙ ⵜⴰⵖⴻⵍⵏⴰⵡⵜ, ⴰⵍⵉ ⴱⴰⴷⴰⵡⵉ, ⵜⴻⵎⵎⵓⴳ ⵙ ⵓⵙⴻⵔⵀⵓ ⵏ ⵓⵏⴻⵖⵍⴰⴼ ⵏ ⵓⴳⴻⵏⵙⵓ ⴷ ⵜⴻⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ ⴷ ⵓⵎⴻⵙⵏⵉ.
ⴰⵔⵏⵓ ⵖⴻⵔ
