ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⵎⴰⵙⵙ ⵎⵓⵓⵔⴰⴷ ⴰⴷⵊⴰⵍ, ⴰⵙⵙ-ⴰ ⵏ ⵜⵜⵍⴰⵜⴰ, ⵉ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉ ⵏ ⵜⴻⴳⴷⵓⴷⴰ ⵏ ⵏⵏⵉⴶⴻⵔ, ⵜⴰⵎⴰⵙ ⴰⵎⴰⴷⵓⵓ ⵀⴰⵓⵓⴰ. ⵙⵉⵏ ⵏ ⵢⵉⴽⵓⴱⴰⵔ-ⴰⴳⵉ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴷ ⵓⵙⵙⴻⵎⵖⴻⵔ ⵏ ⵜⵎⵓⵖⵍⵉⵡⵉⵏ ⵏ ⵜⴷⵓⴽⵍⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵓⵏⵏⴰⵔ ⵏ ⵜⵎⴻⵔⵔⵉ.
ⴰⴷⵊⴰⵍ ⵉⵙⵙⴻⴼⵀⴻⵎ-ⴷ ⴷⴻⴳ ⵜⴰⵍⵍⵉⵜ ⵏ ⵜⴻⵎⵍⵉⵍⵉⵜ-ⴰⴳⵉ ⴰⴷⴷⴰⴷ ⵏ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ, ⴷ ⵢⵉⵙⵓⵔⵉⴼⴻⵏ ⵉⵕⴻⵙⵙⴰⵏⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⵓⵙⴻⵏⴼⴰⵔ ⵏ ⵜⵃⵉⵛⴻⵜ ⵏ ⵓⴼⴰⵔⵉⵙ ⵏ ⵜⵔⵉⵙⵉⵜⵉ ⵉ ⵜⴻⵜⵜⴻⴳⴳⴻⵏ ⵜⴻⴳⵔⵓⵎⵎⴰ ⵏ "ⵙⵓⵏⴻⵍⴳⴰⵣ" ⵉ ⵏⴼⴰⵄ ⵏ ⵏⵏⵉⴶⴻⵔ. ⴰⵢⴰⴷ ⴰⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵢⴻⴱⵖⴰⵏ ⴰⵙⴷⴻⴳⴳⴻⵔ ⴷ ⵓⵙⵏⴻⵔⵏⵉ ⵏ ⵓⵡⴻⵣⵣⵉ ⵏ ⵜⵎⴻⵔⵔⵉ ⵜⴰⵙⵉⵍⵉⴽⵜⵔⴰⵏⵜ ⴷⴻⴳ ⵜⵎⵓⵔⵜ-ⴰⴳⵉ ⵜⵉⵙⵏⵉⵜ.
ⴰⵏⴻⵖⵍⴰⴼ ⵉⵙⵙⴻⴽⵏⴻⴷ ⴱⴻⵍⵍⵉ ⵓⵏⵏⴰⵔ ⵏ ⵜⵎⴻⵔⵔⵉ ⴷ ⵢⵉⵡⴻⵏ ⵏ ⵢⵉⵏⵏⴰⵔⴻⵏ ⵉⵎⴻⵣⵡⵓⵔⴰ ⵉ ⴷ-ⵢⴻⵔⵔⴰⵏ ⵉ ⵜⵜⴻⴶⴶⴰⵜ-ⵉⵙ ⴷⴻⴳ ⵓⵙⴻⵏⴼⴰⵔ-ⴰⴳⵉ ⵉⵕⴻⵙⵙⴰⵏ, ⵉ ⴷ-ⵢⵓⵙⴰⵏ "ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ" ⵉⵡⴰⵍⴰ ⴱⴻⵍⵍⵉ ⴰⴳⴻⵎⵓ-ⴰⴳⵉ ⴷ ⴰⵙⵓⵔⵉⴼ ⴰⵙⵔⴰⵜⵉⴷⵊⵉ ⵉⵕⴻⵙⵙⴰⵏ ⴷⴻⴳ ⵓⴱⵔⵉⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ.
ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⵉ ⴷ-ⵉⵣⴻⵡⵡⵉⵔⴻⵏ ⴷⴻⴳ ⵓⴱⵔⵉⴷ ⵏ ⵓⵎⵢⴻⵛⵛⴻⵔ, ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⵓⵄⴰⵡⴻⴷ ⵏ ⵓⵣⵉⵣⵣⴻⴷ ⵏ ⵓⵣⴻⵟⵟⴰ , ⴷ ⵓⵄⴰⵡⴻⴷ ⵏ ⵓⵙⵓⴷⴷⴻⵙ ⵏ ⵓⵏⴰⴳⵔⴰⵡ ⵏ ⵜⵎⴻⵔⵔⵉ ⴷⴻⴳ ⵜⴻⴳⴷⵓⴷⴰ ⵏ ⵏⵏⵉⴶⴻⵔ, ⵙ ⵓⵙⴻⵎⵔⴻⵙ ⵏ ⵡⴰⵍⵍⴰⵍⴻⵏ ⵜⵓⵔⴰⵇⵎⵉⵢⵉⵏ ⵉⵎⴰⵢⵏⵓⵜⴻⵏ.
ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⴷⴰⵖⴻⵏ ⵖⴻⴼ ⵡⴰⵣⴰⵍ ⵏ ⵓⵎⴰⵀⵉⵍ ⵉ ⵓⵙⵏⴻⵔⵏⵉ ⴷ ⵓⴷⴻⴳⴳⴻⵔ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ ⴷ ⵜⵎⵓⵙⵏⵉⵡⵉⵏ ⵏ ⵏⵏⵉⴶⴻⵔ ⵉⵅⴻⴷⴷⵎⴻⵏ ⴷⴻⴳ ⵓⵙⴱⴻⴷⴷⵉ ⵏ ⵜⵓⴷⴷⵙⵉⵡⵉⵏ ⵏ ⵜⵎⴻⵔⵔⵉ, ⴰⵢⴰⴳⵉ ⵙ ⵡⴰⵀⵉⵍⴻⵏ ⵏ ⵓⵙⵉⵍⴻⵖ ⵓⴼⵔⵉⵏⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ ⵏ ⵓⵙⵉⵍⴻⵖ ⵏ ⵙⵓⵏⴻⵍⴳⴰⵣ.
ⵙⴻⴳ ⵜⴰⵎⴰ-ⵙ, ⵜⴰⵎⴰⵙ ⴰⵎⴰⴷⵓⵓ ⵜⴻⵙⵙⴻⴽⵏⴻⴷ ⵍⴼⴻⵕⵃ-ⵉⵙ ⴰⵎⴻⵇⵇⵔⴰⵏ ⵙ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⵢⴻⵍⵍⴰⵏ ⴳⴰⵔ ⵢⵉⵏⵏⴰⵔⴻⵏ ⵏ ⵜⵎⴻⵔⵔⵉ ⵏ ⵙⵏⴰⵜ ⵏ ⵜⵎⵓⵔⴰ, ⵜⴻⵙⵙⴻⵏⴽⴰⴷ (valued) ⵡⴰⴽⵓⴷ ⴰⵎⵉⵣⵢⴰⵏ ⵉ ⴷⴻⴳ ⵢⴻⴼⵓⴽⴽ ⵓⵙⴻⵏⴼⴰⵔ ⵏ ⵜⵃⵉⵛⴻⵜ ⵏ ⵓⴼⴰⵔⵉⵙ ⵏ ⵜⵔⵉⵙⵉⵜⵉ ⴷⴻⴳ ⵏⵢⴰⵎⴻⵢ.
ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵜⵉⵍⵉⵜ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⴼⵔⵉⵇⵜ ⴷ ⵓⴷⴻⴳⴳⴻⵔ ⵏ ⵓⵙⵏⴻⴼⵍⵉ ⴷ ⵓⵙⵉⴷⵔⴻⵡ ⵏ ⵜⴻⴼⵔⵉⵇⵜ.
ⴰⵔⵏⵓ ⵖⴻⵔ
