ⵍⵣⵣⴰⵢⴻⵔ ⵜⴰⵎⴰⵏⴻⵯⵜ – ⵢⴻⵍⴷⴰ ⵓⵙⵙⴻⵏⴹⵓⵇ ⴰⵖⴻⵍⵏⴰⵡ ⵏ ⵓⴼⵔⴰⵢ ⴰⵎⴻⵜⵜⵉ ⵉ ⵢⵉⴻⴷⴷⴰⵎⴻⵏ ⵢⴻⵜⵜⵓⴼⵔⴰⵢⴻⵏ (CNAS) ⵢⵉⵡⴻⵏ ⵍⴻⵇⴷⵉⵛ ⴰⵎⴹⴰⵏ ⴰⵎⴰⵢⵏⵓ. ⵍⴻⵇⴷⵉⵛ-ⴰⴳⵉ ⵢⴻⵔⵣⴰ ⴰⴹⴰⴼⴻⵔ ⴷ ⵓⵙⵙⴻⵔⵙ ⵏ ⵜⵓⴳⴳⴰ ⵏ ⵢⵉⴼⵔⴰⵢⴻⵏ ⵉ ⴷ-ⵢⴻⵊⴻⵔⵔⴻⴷ ⴱⴰⴱ ⵏ ⵓⵎⴰⵀⵉⵍ . ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵯⵓ ⵏ ⵜⵎⴻⵔⵙⴻⵍⵜ ⴰⵙⵙ-ⴰ ⵏ ⵜⵜⵍⴰⵜⴰ.
ⵢⴻⵙⴼⴻⵔⵔⴻⵯ-ⴷ ⵡⴰⵍⵯⵓ-ⵏⵏⵉ ⴱⴻⵍⵍⵉ ⴰⵙⵓⵔ-ⴰⴳⵉ ⵢⵓⵙⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⴻⴷⵎⴻⵔ ⵏ ⵜⵖⴻⵔⵜ ⵏ ⵓⵡⴰⵏⴰⴽ ⵉ ⵢⴻⴱⵯⴰⵏ ⴰⵙⵎⴰⵢⵏⵓ ⵏ ⵍⴻⵇⴷⵉⵛ ⴰⴳⴷⵓⴷⴰⵏ. ⵉⵙⵡⵉ-ⵙ ⴷ ⴰⵙⵊⴻⵀⴻⴷ ⵏ ⵓⴱⴻⴷⴷⴻⵍ ⵖⴻⵔ ⵓⵎⴹⴰⵏ (digitalization), ⴰⵙⵙⵉⵙⵀⴻⵍ ⵏ ⵢⵉⵙⵓⵔⴰ ⵏ ⵜⵏⴻⴱⴷⴰⴷⵜ ⴷ ⵓⴽⴽⴻⵙ ⵏ ⵜⵄⴻⴽⴽⴰⵣⵉⵏ ⵖⴻⴼ ⵢⵉⵎⴻⵣⴷⴰⵯ. ⵙ ⵡⴰⵍⴰⵍ-ⴰⴳⵉ ⴰⵎⴰⵢⵏⵓ, ⵡⵉⴷ ⵢⴻⵜⵜⵓⴹⴻⵎⵎⵏⴻⵏ ⵙ ⵓⴼⵔⴰⵢ ⴰⵎⴻⵜⵜⵉ ⵣⴻⵎⵔⴻⵏ ⴰⴷ ⵡⴰⵍⵉⵏ ⵢⴻⵔⵏⴰ ⴰⴷ ⴷ-ⴰⵡⵢⴻⵏ ⵜⴰⵡⵔⵉⵇⵜ ⵏ ⵢⵉⴼⵔⴰⵢⴻⵏ-ⵏⵙⴻⵏ ⵙ ⵜⵖⴰⵡⵍⴰ.
ⵣⴻⵎⵔⴻⵏ ⵢⵉⵎⴷⴰⵏⴻⵏ ⵉ ⵢⴻⵔⵣⴰ ⵓⵡⴰⵍ ⴰⴷ ⴽⵛⴻⵎⴻⵏ ⵖⴻⵔ ⵍⴻⵇⴷⵉⵛ-ⴰⴳⵉ ⵙ ⵓⴱⵔⵉⴷ ⵏ ⵓⵎⴽⴰⵏ-ⵏⵙⴻⵏ ⵓⵥⵍⴰⵢ ⴷⴻⴳ ⵜⴱⵓⵔⵜ ⵜⴰⵎⴹⴰⵏⵜ "ⴻⵍ ⵀⴰⵏⴰ", ⵙ ⵡⴰⵣⴷⴰⵢ ⴰⴳⵉ: https://elhanaa.cnas.dz.
ⵜⴰⴳⴳⴰⵔⴰ, ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵢⵏⵉⵜ ⵉ ⵢⴻⵜⵜⴰⴽⴽ ⵓⵙⵙⴻⵏⴹⵓⵇ ⴰⵖⴻⵍⵏⴰⵡ ⵉ ⵡⴰⴽⴽⴻⵏ ⴰⴷ ⵢⴻⵙⵏⴻⴼⵍⴰⵢ ⴰⵎⵢⴰⵡⴰⴹ-ⵉⵙ ⴷ ⵢⵉⵎⴻⵣⴷⴰⵯ ⵢⴻⵔⵏⴰ ⴰⴷ ⵢⴻⵙⴱⴻⴷⴷ ⵢⵉⵡⴻⵜ ⵏ ⵜⵏⴻⴱⴷⴰⴷⵜ ⵜⴰⵎⵓⵙⵏⴰⵡⵜ ⵉⵇⴷⴻⵛⴻⵏ ⵙ ⵜⴼⴰⵡⵜ ⴷ ⵜⵏⴻⵊⵊⴰⵃⵜ.
ⴰⵔⵏⵓ ⵖⴻⵔ
