ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵜⵜⴽⴻⵎⵎⵉⵍ ⵜⵏⴻⴱⴷⴰⴷⵜ ⵜⴰⴷⵉⴳⴰⵏⵜ ⵍⴻⵇⴷⵉⵛ-ⵉⵙ ⵉ ⵡⴰⴽⴽⴻⵏ ⴰⴷ ⴼⴰⴽⴻⵏ ⵉⵙⴻⵏⴼⴰⵔⴻⵏ ⵏ ⵓⴱⴻⵏⵏⵉ ⵏ ⵡⴰⵎⵎⴰⵙⴻⵏ ⵏ ⵓⵇⴻⵔⵔⴻⴱ ⴷ ⵢⵉⵅⴱⴰⵏ (Silos) ⵏ ⵓⵃⴰⴷⴰⵔ ⵏ ⵢⵉⵔⴷⴻⵏ. ⴰⵢⴰ ⵢⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⴻⴷⵎⴻⵔ ⵏ ⵓⵡⴰⵀⵉⵍ ⴰⵖⴻⵍⵏⴰⵡ ⵉ ⵓⵙⵊⴻⵀⴻⴷ ⵏ ⵜⵣⵎⴰⵔ ⵏ ⵓⵃⴰⴷⴰⵔ ⵏ ⵢⵉⴼⴰⵔⵉⵙⴻⵏ ⵏ ⵜⴼⵍⴰⵃⵜ, ⵙ ⵜⵎⵍⵉⵍⵉⵢⵉⵏ ⵏ ⵓⵎⵢⴻⵍⵍⴻⵍ ⴷ ⵜⵓⴼⴼⵖⵉⵡⵉⵏ ⵏ ⵡⴰⵏⵏⴰⵔ ⵉ ⵓⴹⴰⴼⴻⵔ ⵏ ⵍⴻⵇⴷⵉⵛ ⵙ ⵜⵎⵓⵙⵏⵉ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ ⵏ ⵜⵎⵉⵙⴰⵍ ⵏ ⴷⴰⵅⴻⵍ ⴰⵙⵙ-ⴰ ⵏ ⵜⵜⵍⴰⵜⴰ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ-ⵏⵏⵉ, ⵍⴻⵇⴷⵉⵛ-ⴰⴳⵉ ⵢⴻⵊⵊⴰ-ⴷ ⴰⵙⴱⴻⴷⴷ ⵓⵏⵚⵉⴱ ⵏ ⵡⴰⵟⴰⵙ ⵏ ⵡⴰⵎⵎⴰⵙⴻⵏ ⵉ ⵢⴻⴱⴷⴰⵏ ⵢⴰⴽⴰ ⵍⴻⵇⴷⵉⵛ. ⵢⴻⵔⵏⴰ ⴼⴽⴰⵏ ⵜⵉⵏⴻⴹⴰⴼ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⵣⵣⴻⵔⴱⴻⵏ ⴷⴻⴳ ⵓⴱⴻⵏⵏⵉ ⵏ ⵡⴰⵎⵎⴰⵙⴻⵏ ⵉ ⴷ-ⵢⴻⵇⵇⵉⵎⴻⵏ ⵉ ⵡⴰⴽⴽⴻⵏ ⴰⴷ ⵜⴻⵏ-ⵙⵜⴻⵇⴱⴻⵍⴻⵏ ⴷⴻⴳ ⵍⵡⴻⵇⵜ ⵉⵚⴻⵃⵃⴰⵏ ⵉ ⴷ-ⵢⴻⵜⵜⵓⵏⴻⴼⴽⴰⵏ.
ⴰⵙⵓⵔ-ⴰⴳⵉ ⵢⵓⵙⴰ-ⴷ ⵉ ⵡⴰⴽⴽⴻⵏ ⴰⴷ ⵙⴻⴷⵎⴻⵔⵏ ⵜⵉⵏⴻⴹⴰⴼ ⵏ ⵢⵉⵎⴻⵇⵇⵔⴰⵏⴻⵏ ⵏ ⵜⵎⵓⵔⵜ ⵉ ⵢⴻⴱⵯⴰⵏ ⴰⵙⵊⴻⵀⴻⴷ ⵏ ⵍⴰⵎⴰⵏ ⵏ ⵓⵜⵛⵉⵜ ⵙ ⵓⵙⵙⴻⵎⵖⴻⵔ ⵏ ⵢⵉⵎⴽⴰⵏⴻⵏ ⵏ ⵓⵃⴰⴷⴰⵔ ⴷ ⵓⴹⵎⴰⵏ ⵏ ⵓⵃⴻⴳⴳⵉ ⵏ ⵓⴼⴰⵔⵉⵙ ⴰⴼⵍⴰⵃⴰⵏ ⵙ ⵜⵎⵓⵙⵏⵉⵡⵉⵏ ⵏ ⵜⵓⵔⴰ ⵢⴻⵔⵏⴰ ⴷⴻⴳ ⵍ lⵃⴰⵍⴰ ⵢⴻⵍⵀⴰⵏ.
ⵜⴰⴳⴳⴰⵔⴰ, ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵢⵏⵉⵜ ⵉ ⵢⴻⵜⵜⴰⴽⴽ ⵓⵡⴰⵏⴰⴽ ⴰⵣⵣⴰⵢ ⵉ ⵓⵃⵔⵉⵛ ⵏ ⵜⴼⵍⴰⵃⵜ ⵉ ⵢⴻⵍⵍⴰⵏ ⴷ ⵜⴰⵔⵉⵛⵜ ⵉⵊⴻⵀⴷⴻⵏ ⵏ ⵓⵏⴻⴳⵎⵓ ⴰⴷⴰⵎⵙⴰⵏ ⴷ ⵓⵃⴰⴷⴰⵔ ⵏ ⵜⵔⴻⵣⵡⴰ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
