ⵉⵎⵙⴰⵍ-ⴷ ⴰⵎⵖⴰⵔ ⵏ ⵊⴰⵎⴻⵄ ⵍⴻⵣⵣⴰⵢⴻⵔ, ⴰⵡⵉⵏ ⵎⵓⵃⴻⵏⴷ ⵍⵎⴰɛⵎⵓⵏ ⵍⵇⴰⵙⵎⵉ ⵍⵃⴰⵙⴰⵏⵉ, ⴰⵙⵙ-ⴰ ⵏ ⵍⴻⵜⵏⴻⵢⵏ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵎⵙⴻⵏⵙⴻⵍ ⵏ ⵜⴳⴻⵍⴷⴰ ⵏ ⴽⵓⵡⵉⵜ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⵏⴰⵡⴰⴼ ⴹⵉⴷⴰⵏ ⴱⵓⵛⵉⴱⴰ, ⵙ ⵓⵙⵓⵜⵔⴻⵙ-ⵉⵙ, ⴰⵏⵉⴷⴰ ⵉ ⴷ-ⵥⵔⵉⵏ ⵢⵉⴱⵔⵉⴷⴰⵏ ⵏ ⵓⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴰⵎⵓⵙⵙⵏⴰⵏ ⴷ ⵓⴷⴻⵍⵙⴰⵏ ⴳⴰⵔ ⵙⵉⵏ ⵏ ⵜⵉⵡⵓⵏⴰ ⵜⵉⵎⴰⵜⵢⵉⵏ, ⵙ ⵓⵏⵢⴰ ⵏ ⵓⵍⵖⵓ ⵏ ⵊⴰⵎⴻⵄ.
ⴷⴻⴳ ⵓⵏⵏⴰⵔ-ⴰ, ⵢⴻⵙⵙⴻⵎⵍⵉ-ⴷ ⴰⵎⵖⴰⵔ ⵏ ⵊⴰⵎⴻⵄ ⵍⴻⵣⵣⴰⵢⴻⵔ "ⵖⴻⴼ ⵜⵣⴻⵖⵡⴰ ⵏ ⵡⴰⵙⵙⴰⵖⴻⵏ ⴰɛⴻⵜⵇⴰⵏⴻⵏ ⴷ ⵢⵉⵔⵓⵃⴰⵏⵉⵢⴻⵏ ⵉ ⵉⵣⴷⵉⵏ ⴰⵖⴻⵔⴼ", ⵎⵉ ⴷ-ⵉⵙⵙⴻⴷⴷⴰ ⵖⴻⴼ "ⵜⵏⴻⴱⵍⴰⵖⵜ ⵏ ⵜⴳⴻⵍⴷⴰ ⵏ ⴽⵓⵡⵉⵜ ⵜⵉⵢⵎⴰⵜ ⵉ ⵢⴻⵍⵍⴰⵏ ⴷ ⵜⴰⵎⴻⵣⵡⴰⵔⵓⵜ ⵙ ⵓⵙⴻⴳⵣⵉ ⵏ ⵜⵏⴻⵇⵇⵉⴹⵜ ⵜⴰⵎⴻⵣⵡⴰⵔⵓⵜ ⵏ ⵡⴰⴷⴷⴰⵍ ⵏ ⵢⴻⴷⵍⵉⵙⴻⵏ ⴰⵔ ⵜⴻⵣⵡⴻⵔⵜ ⵏ ⵊⴰⵎⴻⵄ ⵍⴻⵣⵣⴰⵢⴻⵔ ⵎⵉ ⴷ-ⵜⴻⵙⵙⴻⴱⴷⴻⴷ".
ⴽⵉⴼⴽⵉⴼ ⵉⵙⴽⴻⵏ-ⴷ "ⵜⴳⵏⴰⵜⵉⵏ ⵏ ⵜⵏⴻⴱⵍⴰⵖⵜ ⴰⴽⴽⴻⴷ ⵢⵉⵙⵡⵉⵔⵓⵏ ⴰⵎⵓⵙⵙⵏⴰⵏⴻⵏ ⵏ ⵊⴰⵎⴻⵄ", ⵍⴰⴷⵖⴰ ⴷⴻⴳ "ⵓⵏⴰⵔⴻⵏ ⵏ ⵜⵖⵓⵔⵉ ⴷ ⵓⵙⵙⴻⵏⴼⴰⵍ ⵏ ⵢⵉⵎⴻⵖⵔⵉⵢⴻⵏ, ⴷ ⵢⴰⵀⵉⵍⴻⵏ ⵏ ⵜⵙⴻⵏⵏⴰⵡⵉⵜ ⵜⴰⵄⵍⴰⵢⵜ ⵏ ⵜⵓⵙⵙⵏⵉⵡⵉⵏ ⵍⵉⵙⵍⴰⵎⵉⵢⵉⵏ 'ⴷⴰⵔ ⵍⵇⵓⵔⴰⵏ', ⴷ ⵢⵉⵔⵎⴰⴷ ⵉⵙⴻⵔⵜⴰⵢⴰⵏⴻⵏ ⵏ ⵓⵏⵏⴰⵔ ⵡⴰⴷⴻⵍⵙⴰⵏ".
ⵙⴻⴳ ⵜⴰⵎⴰ-ⵉⵏⴻⵙ, ⵉⵙⵙⴻⴼⴽⴰⴷ ⴰⵎⵙⴻⵏⵙⴻⵍ ⴰⴽⵡⵉⵜⵉ, ⴰɛⴻǧⴻⴱ-ⵉⵙ ⴷⴻⴳ ⵓⵙⵇⴻⴼ-ⴰ ⴰⴷⴻⵍⵙⴰⵏ ⴰⵎⴻⵇⵇⵔⴰⵏ, ⵎⵉ ⵉ ⴷ-ⵉⵙⵙⴻⴳⵣⴰ "ⵍⴱⴰⵍ ⵏ ⵜⵎⵓⵔⵜ-ⵉⵙ ⵖⴻⴼ ⵓⵙⵙⴻⴽⴽⴻⵔ ⵏ ⵓⵎⵄⴰⵡⴻⵏ ⴰⵎⵓⵙⵙⵏⴰⵏ ⴷ ⵓⴷⴻⵍⵙⴰⵏ, ⴷ ⵓⵕⴻⵚⵚⵉ ⵏ ⵢⵉⵙⵡⵉⵔⵓⵏ ⵏ ⵓⵎⴻⵙⵍⴰⵢ ⵙ ⴰⵢⴻⵏ ⵉ ⵉⵇⴻⴷⵛⴻⵏ ⵔⵙⴰⵍⴰ ⵏ ⵜⴷⵓⴽⵍⵉ ⴷ ⵡⴰⵎⵎⵓⴷ".
ⵙ ⴷⴻⴼⴼⵉⵔ ⵏ ⵓⴳⵔⴰⵡ-ⴰ, ⵎⵙⴰⵡⴰⴷⴻⵏ ⵙⵉⵏ ⵏ ⵢⵉⴷⵉⵙⴰⵏ ⵜⵉⵡⴽⵉⵡⵉⵏ ⵜⵉⵙⵏⴰⴼⵜⴰⵢⴻⵏ, "ⵙ ⵓⵙⴻⴱⴱⴻⴷ ⵏ ⵢⵉⵔⵓⵃⴻⵏ ⵏ ⵜⵎⴰⵜⵢⵉⵏ ⴷ ⵡⴰⵣⴰⵍ ⴰⵎⴷⵓⴽⴰⵍ", ⵙ ⵓⵏⵢⴰ ⵏ ⵓⵍⵖⵓ ⵉ ⵉⵣⴷⵉⵏ.
ⴰⵔⵏⵓ ⵖⴻⵔ
