ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵇⴱⴻⵍ ⵓⵏⵖⵍⴰⴼ ⵏ ⵓⵎⴰⵀⵉⵍ, ⵓⵙⵉⵡⴻⴷ ⴷ ⵓⴼⵔⴰⵢ ⴰⵎⴻⵜⵜⵉ, ⵎⴰⵙⵙ ⵄⴻⴱⴷⵓⵍⵃⴰⵇ ⵙⴰⵢⵃⵉ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵡⴰⵙⵉⵔⴰ ⵏ ⵜⵏⴻⵖⵍⴰⴼⵜ, ⵎⴰⵙⵙⴰ ⵏⴰⵜⴰⵛⴰ ⴼⴰⵏ ⵔⵉⵏ, ⵜⴰⵎⴻⵎⵎⴻⵜⵜⵉⵍⵜ ⵏ ⵡⴰⵀⵉⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵓⵏⴻⴳⵎⵓ (UNDP) ⴷⴻⴳ ⵍⵣⵣⴰⵢⴻⵔ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⴻⴷⵎⴻⵔ ⵏ ⵜⵖⴻⵔⵜ ⵏ ⵓⵡⴰⵏⴰⴽ ⴰⵣⵣⴰⵢⵔⵉ ⵉ ⵢⴻⴱⵯⴰⵏ ⴰⴷ ⵢⴻⵙⵙⴻⴳⴳⴻⵎ ⴰⵎⴰⵀⵉⵍ ⵢⴻⵔⵏⴰ ⴰⴷ ⵢⴻⵙⵊⴻⵀⴻⴷ ⴰⵃⴰⴷⴰⵔ ⴰⵎⴻⵜⵜⵉ. ⵙⵙⴰⵡⵍⴻⵏ ⵖⴻⴼ ⵢⵉⴱⵔⵉⴷⴻⵏ ⵏ ⵓⵎⵢⴻⵍⵍⴻⵍ ⵉ ⵡⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵢⵉⵙⵡⵉⵢⴻⵏ ⵏ ⵜⵎⵓⵔⵜ ⴷⴻⴳ ⵓⵏⴻⴳⵎⵓ ⴰⴷⴰⵎⵙⴰⵏ ⴷ ⵜⴷⴰⵎⵙⴰ ⵜⴰⵎⴻⵜⵜⵉⵜ ⴷ ⵜⵎⴻⵏⵙⴰⵢⵜ, ⵖⴻⵔ ⵜⴰⵎⴰ ⵏ ⵓⵙⴻⴳⴳⴻⵎ ⵏ ⵡⴰⵎⴻⴽ ⴰⵔⴰ ⴽⵛⴻⵎⴻⵏ ⵢⵉⵍⵎⴻⵣⵢⴻⵏ ⵖⴻⵔ ⵓⵎⴰⵀⵉⵍ.
ⴷⴻⴳ ⵜⵎⵍⵉⵍⵉⵜ-ⴰⴳⵉ, ⴰⵏⵖⵍⴰⴼ ⵢⴻⵙⴼⴻⵔⵔⴻⵯ-ⴷ ⵜⵉⵣⵡⴰⵔⴰⵢⵉⵏ ⵏ ⵓⵃⵛ-ⵉⵙ ⵉ ⵢⴻⴱⵏⴰⵏ ⵖⴻⴼ ⵍⴻⴱⵖⵉ ⵏ ⵜⵎⵓⵔⵜ. ⵢⴻⵏⵏⴰ-ⴷ ⴱⴻⵍⵍⵉ ⴰⵎⵢⴻⵍⵍⴻⵍ ⴰⴳⵔⴰⵖⵍⴰⵏ ⵢⴻⵍⵀⴰ ⴰⴷ ⵢⵉⵍⵉ ⴷ ⵜⴰⵍⵍⴻⵍⵜ ⵉ ⵡⴰⵀⵉⵍⴻⵏ ⵏ ⵍⵣⵣⴰⵢⴻⵔ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⵏⴻⴳⵎⵓ ⵓⵔⴰⵙⵡⴰⵢ. ⵢⴻⵙⵙⴻⴽⵏ-ⴷ ⴱⴻⵍⵍⵉ ⵜⴰⴷⴰⵎⵙⴰ ⵜⴰⵎⴻⵜⵜⵉⵜ ⴷ ⵜⵎⴻⵏⵙⴰⵢⵜ ⴷ ⵜⴰⴼⵔⴻⵏⵜ ⵜⴰⵙⵜⵔⴰⵜⵉⵊⵉⵜ ⵉ ⴷ-ⵢⵓⵙⴰⵏ ⵙⴻⴳ ⵜⵢⴻⵙⵙⴰ (ⵜⴰⴷⴻⵍⵙⴰ) ⵏ ⵓⵎⴻⵜⵜⵉ ⴰⵣⵣⴰⵢⵔⵉ, ⵢⴻⵔⵏⴰ ⴷ ⵓⴽⴻⵎⵎⴻⵍ ⵏ ⵡⴰⵍⴰⵍ ⵏ ⵓⴼⵔⴰⵢ ⴰⵎⴻⵜⵜⵉ ⵉ ⵢⴻⴱⵏⴰⵏ ⵖⴻⴼ ⵍⵃⴻⵇⵇ ⴷ ⵜⵎⴻⵏⵙⴰⵢⵜ ⴳⴰⵔ ⵢⵉⵖⴻⵔⴼⴰⵏ.
ⵜⴰⵎⴻⵎⵎⴻⵜⵜⵉⵍⵜ ⵏ ⵡⴰⵀⵉⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵜⴻⴼⴽⴰ ⴰⵣⴰⵍ ⵉ ⵜⵖⴻⵔⵜ ⵏ ⵍⵣⵣⴰⵢⴻⵔ ⴷⴻⴳ ⵓⵏⴻⴳⵎⵓ ⴰⵎⴻⵜⵜⵉ. ⵜⴻⵏⵏⴰ-ⴷ ⴱⴻⵍⵍⵉ ⵡⴻⵊⵊⴷⴻⵏ ⴰⴷ ⴽⴻⵎⵎⵍⴻⵏ ⴰⵎⵢⴰⵡⴰⵙ ⴷ ⵜⴰⵍⵍⴻⵍⵜ ⵜⴰⵜⴻⴽⵏⵉⴽⵜ ⵉ ⵜⵏⴻⵖⵍⴰⴼⵜ ⴷⴻⴳ ⵡⴰⵏⵏⴰⵔ ⵏ ⵓⵇⴰⴷⴻⵔ ⵏ ⵜⴼⵔⴻⵏⵉⵏ ⴷ ⵜⵉⵣⵡⴰⵔⴰⵢⵉⵏ ⵏ ⵓⵡⴰⵏⴰⴽ ⴰⵣⵣⴰⵢⵔⵉ.
ⵜⴰⴳⴳⴰⵔⴰ, ⴹⴻⵎⵎⵏ-ⴷ ⴷⵉ ⵙⵉⵏ ⵢⵉⴷ-ⵙⴻⵏ ⴱⴻⵍⵍⵉ ⴰⵎⵢⴻⵍⵍⴻⵍ-ⴰⴳⵉ ⴰⴷ ⵢⴻⵇⵇⵉⵎ ⴷⴻⴳ ⵢⵉⵙⵡⵉⵢⴻⵏ ⵉ ⴷ-ⵜⴻⴳⴳⴰ ⵜⵎⵓⵔⵜ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⵎⴰⵀⵉⵍ ⴷ ⵓⵏⴻⴳⵎⵓ ⴰⵎⴻⵜⵜⵉ ⴷⴻⴳ ⵍⵣⵣⴰⵢⴻⵔ.
ⴰⵔⵏⵓ ⵖⴻⵔ
