ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵅⴷⴻⵎ ⵜⵙⴻⴷⴷⴰⵡⵉⵜ ⵏ ⵀⵓⵡⴰⵔⵉ ⴱⵓⵎⴻⴷⵢⴻⵏ ⵏ ⵜⵓⵙⵏⵉⵡⵉⵏ ⴷ ⵜⴰⵜⵉⴽⵏⵓⵍⵓⵊⵉⵜ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⵎⴰⵖⵓⵏⵜ ⵏ ⵓⵎⵢⴻⵍⵍⴻⵍ ⴷ ⵜⵙⴻⴷⴷⴰⵡⵉⵜ ⵏ "ⵜⵔⴰⵏⵙⵉⵍⴼⴰⵏⵢⴰ" (ⵔⵓⵎⴰⵏⵢⴰ). ⵉⵙⵡⵉ ⵏ ⵜⵎⴰⵖⵓⵏⵜ-ⴰⴳⵉ ⴷ ⴰⵙⵊⴻⵀⴻⴷ ⵏ ⵓⴱⴻⴷⴷⴻⵍ ⵓⵙⵙⵏⴰⵏ ⴳⴰⵔ ⵙⵏⴰⵜ ⵏ ⵜⵎⴻⵔⵙⴻⵍⵉⵏ.
ⵊⴻⵔⴷⴻⵏ ⵖⴻⴼ ⵜⵎⴰⵖⵓⵏⵜ-ⴰⴳⵉ ⵓⵏⴻⴱⴷⴰⴷ ⵏ ⵜⵙⴻⴷⴷⴰⵡⵉⵜ ⵏ ⵀⵓⵡⴰⵔⵉ ⴱⵓⵎⴻⴷⵢⴻⵏ, ⵎⴰⵙⵙ ⵊⴰⵎⴰⵍ ⴻⴷⴷⵉⵏ ⴰⴽⵔⴻⵜⵛ, ⴷ ⵓⵏⴻⴱⴷⴰⴷ ⵏ ⵜⵙⴻⴷⴷⴰⵡⵉⵜ ⵏ ⵜⵔⴰⵏⵙⵉⵍⴼⴰⵏⵢⴰ, ⵎⴰⵙⵙ ⴼⴰⵙⵉⵍ ⴰⴱⵔⵓⴷⴰⵏ. ⵍⴻⵇⴷⵉⵛ-ⴰⴳⵉ ⵢⴻⵍⵍⴰ-ⴷ ⵙ ⵓⵃⴰⴷⴰⵔ ⵏ ⵓⵙⴼⵉⵔ ⵏ ⵔⵓⵎⴰⵏⵢⴰ ⴷⴻⴳ ⵍⵣⵣⴰⵢⴻⵔ, ⵎⴰⵙⵙ ⴳⵔⵓⵢⴰ ⵊⴰⴽⵓⵜⴰ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⵢⴻⴼⴽⴰ ⵉ ⵢⵉⵙⴰⵍⵍⴻⵏ, ⵎⴰⵙⵙ ⴰⴽⵔⴻⵜⵛ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⴰⵖⵓⵏⵜ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵜⵖⴻⵔⵜ ⵏ ⵓⵍⴷⴰⵢ ⵏ ⵜⵙⴻⴷⴷⴰⵡⵉⵜ ⵖⴻⵔ ⵜⵎⵓⵔⴰ ⵏ ⵓⵎⴰⴹⴰⵍ. ⵢⴻⵔⵏⴰ-ⴷ ⴱⴻⵍⵍⵉ ⵡⴻⵊⵊⴷⴻⵏ ⵢⵉⵡⴻⵏ ⵡⴰⵀⵉⵍ ⵏ ⵓⴱⴻⴷⴷⴻⵍ ⴳⴰⵔ ⵙⵏⴰⵜ-ⴰⴳⵉ ⵏ ⵜⵙⴻⴷⴷⴰⵡⵉⵢⵉⵏ ⵉ ⵡⴰⴽⴽⴻⵏ ⴰⴷ ⵙⵏⴻⴼⵍⴰⵢⴻⵏ ⵜⵉⵎⵓⵙⵏⵉⵡⵉⵏ-ⵏⵙⴻⵏ.
ⵢⴻⵙⴼⴻⵔⵔⴻⵯ-ⴷ ⵓⵏⴻⴱⴷⴰⴷ ⴰⵣⵣⴰⵢⵔⵉ ⴱⴻⵍⵍⵉ ⴰⵡⴰⵀⵉⵍ-ⴰⴳⵉ ⵢⴻⵔⵣⴰ ⴰⵙⵉⵍⴻⵖ ⵢⴻⴷⴷⵓⴽⴽⵍⴻⵏ ⴷ ⵓⴱⴻⴷⴷⴻⵍ ⵓⵙⵙⵏⴰⵏ ⵉ ⵢⵉⵏⴻⵍⵎⴰⴷⴻⵏ ⴷ ⵢⵉⵙⴻⵍⵎⴰⴷⴻⵏ ⵉⵏⴰⴳⵎⴰⵢⴻⵏ, ⵖⴻⵔ ⵜⴰⵎⴰ ⵏ ⵓⵙⴻⴽⵛⴻⵎ ⴷⴻⴳ ⵢⵉⵙⴻⵏⴼⴰⵔⴻⵏ ⵉⴳⵔⴰⵖⵍⴰⵏⴻⵏ. ⵢⴻⵏⵏⴰ ⴷⴰⵖⴻⵏ ⴱⴻⵍⵍⵉ ⵜⴰⵎⴰⵖⵓⵏⵜ-ⴰⴳⵉ ⴰⴷ ⵜⴻⵊⵊ ⵜⴰⵙⴻⴷⴷⴰⵡⵉⵜ ⵏ ⴱⵓⵎⴻⴷⵢⴻⵏ ⴰⴷ ⵜⴻⵙⵏⴻⴼⵍⴰⵢ ⵜⵉⵎⴷⵓⴽⴽⵍⵉⵡⵉⵏ-ⵉⵙ ⵢⴻⵔⵏⴰ ⴰⴷ ⵜⴻⵙⵙⴻⵍⵉ ⴰⵙⵡⵉⵔ ⵏ ⵓⵎⵢⴻⵍⵍⴻⵍ ⴷⴻⴳ ⵡⴰⵟⴰⵙ ⵏ ⵢⵉⵃⵔⵉⵛⴻⵏ ⵓⵙⵙⵏⴰⵏⴻⵏ.
ⵙⴻⴳ ⵍⵊⵉⵀⴰ-ⵙ, ⴰⵏⴻⴱⴷⴰⴷ ⵏ ⵜⵙⴻⴷⴷⴰⵡⵉⵜ ⵏ ⵔⵓⵎⴰⵏⵢⴰ ⵢⴻⵏⵏⴰ-ⴷ ⴱⴻⵍⵍⵉ ⴷⵉ ⵙⵉⵏ ⵢⵉⴷ-ⵙⴻⵏ ⵙⴼⴻⵔⵔⴻⵯⵏ-ⴷ ⵖⴻⴼ ⵢⵉⵙⴻⵏⵜⴰⵍ ⵢⴻⵔⴷⵓⴽⴽⵍⴻⵏ ⴷ ⵢⵉⵖⵉⵍⵉⴼⴻⵏ ⵉ ⵢⴻⵍⵀⴰ ⴰⴷ ⴼⵔⵓⵏ ⵢⵉⴷ-ⵙⴻⵏ, ⵍⴰⴷⵯⴰ ⴷⴻⴳ ⵡⴰⵏⵏⴰⵔ ⵏ ⵜⴰⵜⵉⴽⵏⵓⵍⵓⵊⵉⵜ. ⵜⴰⴳⴳⴰⵔⴰ, ⵜⵉⵎⵍⵉⵍⵉⵜ-ⴰⴳⵉ ⵜⴻⵙⴽⴰⵏⴰⵢ-ⴷ ⴰⵣⴰⵍ ⵏ ⵓⵎⵢⴰⵡⴰⵙ ⴳⴰⵔ ⵜⵙⴻⴷⴷⴰⵡⵉⵢⵉⵏ ⵉ ⵡⴰⴽⴽⴻⵏ ⴰⴷ ⵙⵏⴻⴼⵍⴰⵢⴻⵏ ⴰⵏⴰⴷⵉ ⵓⵙⵙⵏⴰⵏ ⴷⴻⴳ ⵍⵣⵣⴰⵢⴻⵔ ⴷ ⵔⵓⵎⴰⵏⵢⴰ.
ⴰⵔⵏⵓ ⵖⴻⵔ
