ⴰⵏⴻⵖⵍⴰⴼ ⴰⵎⴻⵣⵡا ⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⵢⴻⵅⴷⴻⵎ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⴼⵔⴰⴳ ⵏ ⵓⵏⴰⴱⴰⴹ (ⵒⴰⵍⴰⵉⵙ ⴷⵓ ⴳⵓⵓⵠⴻⵔⵏⴻⵎⴻⵏⵜ), ⵉⵎⴻⵙⵍⴰⵢⴻⵏ ⵏ ⵙⵉⵏ ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵜⴻⴳⴷⵓⴷⴰ ⵜⵉⵏⴻⵙⵍⴻⵎⵜ ⵏ ⵎⵓⵔⵉⵟⴰⵏⵢⴰ, ⵎⴰⵙⵙ ⵎⵓⴽⵀⵜⴰⵔ ⵓⵓⵍⴷ ⴷⵊⴰⵢ, ⵉ ⴷ-ⵢⵓⵙⴰⵏ ⵖⴻⵔ ⵍⴻⵣⵣⴰⵢⴻⵔ ⵉ ⵜⵙⴻⵎⵎⵓⵏⵜ ⵜⵉⵙ ⵜⵎⴻⵔⵡⵉⵏ (20) ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ ⵏ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⵉ ⵓⵎⵢⴻⵛⵛⴻⵔ.
ⵙⴻⵍⴷ ⵉⵎⴻⵙⵍⴰⵢⴻⵏ-ⴰⴳⵉ, ⵜⴻⵍⵍⴰ-ⴷ ⵢⵉⵡⴻⵜ ⵏ ⵜⵉⵖⵉⵎⵉⵜ ⵡⴻⵙⵙⵉⵄⴻⵏ ⵉ ⴷⴻⴳ ⵜⵜⴻⴽⴽⴰⵏ ⵢⵉⵎⴰⵙⵍⴰⴷⴻⵏ ⵏ ⵙⵏⴰⵜ ⵏ ⵜⵎⵓⵔⴰ. ⴷⴻⴳ-ⵙ, ⵇⴻⵔⴷⵛⴻⵏ ⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵡⴰⵙⵙⴰⵖⴻⵏ ⵏ ⵙⵉⵏ, ⵍⴰⴷⵖⴰ ⵙ ⵜⵎⵓⵖⵍⵉ ⵏ ⵢⵉⴳⴻⵎⵎⴰⴹ ⵏ ⵓⵎⴰⵀⵉⵍ ⵏ ⵜⴻⵙⵇⴰⵎⵓⵜ ⵏ ⵓⵙⴼⵓⵍⴻⵍ (ⵙⵓⵉⵠⵉ) ⵉ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⵙ ⵜⵎⵓⵖⵍⵉ ⵏ ⵢⵉⵏⴻⵖⵍⴰⴼⴻⵏ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ ⴷ ⵓⵏⵉⵍⵖⴰⴼ-ⵉⵙ ⴰⵎⵓⵔⵉⵟⴰⵏⵉ, ⵎⴰⵙⵙ ⵎⵓⵀⴰⵎⴻⴷ ⵙⴰⵍⴻⵎ ⵓⵓⵍⴷ ⵎⴻⵔⵣⵓⵓⴽ.
ⴷⴻⴳ ⵜⴰⵍⵍⵉⵜ ⵏ ⵜⵖⵉⵎⵉⵜ-ⴰⴳⵉ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵙⵙⴻⴽⵏⴻⴷ ⴰⵣⴰⵍ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ ⵉⵕⴻⵙⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ, ⵉⵙⵍⴻⵎ-ⴷ ⵙ "ⵢⵉⴳⴻⵎⵎⴰⴹ ⵉⵎⴰⵢⵏⵓⵜⴻⵏ ⴷ ⵜⴻⵢⵡⴰⵍⵜ ⵉⴶⴻⵀⴷⴻⵏ ⴳⴰⵔ-ⴰⵙⴻⵏⵜ, ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ ⴷ ⴳⵎⴰ-ⵙ ⴰⵙⴻⵍⵡⴰⵢ ⵎⵓⵀⴰⵎⴻⴷ ⵓⵓⵍⴷ ⵛⵀⴻⵉⴽⵀ ⴻⵍ ⴳⵀⴰⵣⵡⴰⵏⵉ".
ⴷⴰⵖⴻⵏ, ⵉⵙⵔⴻⵚ-ⴷ ⴰⵣⴰⵍ ⵏ ⵓⵎⵢⴻⵛⵛⴻⵔ ⴰⴷⴰⵎⵙⴰⵏ ⴷⴻⴳ ⵢⵉⵏⵏⴰⵔⴻⵏ ⵏ ⵜⵎⴻⵔⵔⵉ, ⵜⵉⴼⴻⵔⴽⵉ ⴷ ⵜⵏⴻⵣⵣⵓⵜ, ⵍⴰⴷⵖⴰ ⵉⵡⴰⴽⴽⴻⵏ ⴰⴷ ⴼⵓⴽⴽⴻⵏⵜ ⵜⵓⴷⴷⵙⵉⵡⵉⵏ ⵏ ⵢⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⴰⵎ ⵓⴱⵔⵉⴷ ⵉ ⵢⴻⵙⴷⵓⴽⴽⵍⴻⵏ ⵜⵉⵏⴷⵓⴼ ⴷ ⵣⵡⵉⵔⴰⵜ ⴷ ⵜⴻⵎⵏⴰⵟ ⵏ ⵜⵏⴻⵣⵣⵓⵜ ⵜⵉⵍⴻⵍⵍⵉⵜ.
ⵙⴻⴳ ⵜⴰⵎⴰ-ⵙ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⵎⵓⵔⵉⵟⴰⵏⵉ ⵉⵙⵙⴻⴽⵏⴻⴷ ⵍⴼⴻⵕⵃ-ⵉⵙ ⵖⴻⴼ ⵜⴻⵎⵍⵉⵍⵉⵜ ⵏ ⵜⴻⵙⵇⴰⵎⵓⵜ ⵜⴰⵎⴻⵇⵇⵔⴰⵏⵜ ⵉ ⵓⵎⵢⴻⵛⵛⴻⵔ, ⵉ ⴷ-ⵢⴻⵎⵎⴰⵍⴻⵏ — ⴰⴽⴽⴻⵏ ⵉ ⴷ-ⵢⴻⵏⵏⴰ — "ⵍⴻⴱⵖⵉ ⴰⵎⴻⵣⴷⴰⵢ ⵏ ⵢⵉⵏⴰⴱⴰⴹⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ".
ⴷⴻⴳ ⵜⴰⴳⴳⴰⵔⴰ ⵏ ⵜⵖⵉⵎⵉⵜ-ⴰⴳⵉ, ⵎⴰⵙⵙ ⵖⵔⵉⴱ ⴷ ⵓⵏⵉⵍⵖⴰⴼ-ⵉⵙ ⴰⵎⵓⵔⵉⵟⴰⵏⵉ ⵙⵙⴻⵃⵔⴻⵙⴻⵏ ⵖⴻⴼ ⵓⵙⵜⴻⵏⵢⵉ ⵏ ⵡⴰⵟⴰⵙ ⵏ ⵢⵉⵎⵜⴰⵡⴰⵏ ⴷ ⵜⵓⴽⴽⵉⵙⵉⵡⵉⵏ ⵏ ⵡⴻⴼⵀⴰⵎ ⴷ ⵡⴰⵀⵉⵍⴻⵏ ⵏ ⵓⵎⵢⴻⵛⵛⴻⵔ ⴷⴻⴳ ⵢⵉⵏⵏⴰⵔⴻⵏ ⵏ: ⴷⴰⵅⴻⵍ, ⵜⵎⴰⵏⴻⴳⵜ, ⵉⵎⴻⵔⵢⴰⵏ, ⵜⴰⴷⵔⵉⵎⵜ, ⵜⵎⴻⵔⵔⵉ, ⵜⴰⵎⴳⵓⵔⵉ, ⵜⴰⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⵜⵉⴼⴻⵔⴽⵉ, ⵜⴰⴳⵎⵉⵔⵜ ⵏ ⵢⵉⵍⵍⴻⵍ, ⵓⵣⵓⵏⴻⵢ, ⵜⴰⵏⴻⵣⵣⵓⵜ, ⵜⴰⵏⴻⵣⴷⵓⵖⵜ, ⴰⵙⴻⴳⵎⵉ, ⴰⵙⴻⵍⵎⴻⴷ ⵓⵏⵉⴳ, ⴰⵙⵉⵍⴻⵖ ⴰⵎⴻⵣⵣⵓⵍⴰⵏ, ⵢⵉⵍⵎⴻⵣⵢⴻⵏ, ⴰⴷⴷⴰⵍ, ⴰⵎⴰⵀⵉⵍ, ⵜⴻⵢⵡⴰⵍⵜ, ⵉⴷⵍⴻⵙ, ⴰⵙⵙⴰⵖⴻⵏ ⴷ ⵓⴱⴻⵔⵍⴰⵎⴰⵏ, ⴷ ⵜⴰⵡⵏⵏⴰⴹⵜ.
ⴰⵔⵏⵓ ⵖⴻⵔ
