ⵢⴻⵡⵡⵉ-ⴷ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵜⴰⵏⴻⴼⵍⵉⵜ ⵏ ⵡⵓⴳⴳⵓⴳ ⴷ ⵜⴻⴳⵎⴻⵔⵜ ⵏ ⵢⵉⵍⴻⵍ, ⵎⴰⵙⵙ ⵢⴰⵙⵉⵏ ⵡⴰⵍⵉⴷ, ⵜⵉⵔⵣⵉ ⵏ ⵓⵡⴻⵇⵇⴻⴷ ⵖⴻⵔ ⵓⵙⴻⵏⴼⴰⵔ ⵏ ⵜⴱⴰⵏⴽⴰ ⵜⴰⵖⴻⵍⵏⴰⵡⵜ ⵏ ⵢⵉⵊⵉⵏⴰⵜⴻⵏ, ⴰⵏⴷⴰ ⵢⴻⵔⵣⴰ ⵖⴻⵔ ⵢⴻⵃⵔⵉⵛⴻⵏ ⴷ ⵢⵉⵎⵅⴰⴱⵔⴻⵏ ⵢⴻⵎⴳⴰⵔⴰⴷⴻⵏ ⵉ ⴷ-ⵜⴻⴳⴱⴻⵔ ⵜⵙⵓⴷⴷⵓⵜ-ⴰ ⵜⵓⵙⵙⵏⴰⵏⵜ, ⴰⴽⴽⴻⵏ ⵉ ⵜ-ⵉⴷ-ⵉⴱⴻⴳⴳⴻⵏ ⴰⵙⵙ-ⴰ ⵏ ⵍⵃⴻⴷⴷ ⵢⵉⵡⴻⵏ ⵏ ⵡⵓⵍⵖⵓ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⵉⵔⵣⵉ-ⴰ, ⵉⵡⴰⵍⵉ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ, "ⴰⵎⴻⴽ ⵉⵜⴻⴷⴷⵓ ⵓⵀⴻⴳⴳⵉ-ⵉⵏⴻⵙ ⵙ ⵡⴰⵍⵍⴰⵍⴻⵏ ⵉⵎⴰⵜⴰⵔⴻⵏ ⴷ ⵢⵉⵎⴷⴰⵏⴻⵏ ⵉⵡⵓⵍⵎⴻⵏ ⵓⵇⴱⴻⵍ ⴰⴷ ⵜⴻⴱⴷⵓ ⵍⴻⵇⴷⵉⵛ, ⵉⵙⵓⵜⴻⵔ-ⴷ ⴰⵇⴰⴹⴻⵔ ⵏ ⵢⵉⵍⵓⵖⵎⴰ ⵉⴳⵔⴰⵖⵍⴰⵏⴻⵏ ⵉⵛⵓⴷⴷⴻⵏ ⵖⴻⵔ ⵜⴱⴰⵏⴽⵉⵡⵉⵏ ⵏ ⵢⵉⵊⵉⵏⴰⵜⴻⵏ".
ⴷⴻⴳ ⵓⵃⵔⵉⵛ-ⴰ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵡⵓⵍⵖⵓ, ⵖⴻⴼ "ⵡⴰⵣⴰⵍ ⵏ ⵓⵖⵉⵡⴻⵍ ⴷⴻⴳ ⵓⵚⴻⴳⴳⴻⵎ ⵏ ⴽⵔⴰ ⵏ ⵍⴻⵅⵚⴰⵚ ⵉ ⴷ-ⵉⴱⴰⵏⴻⵏ, ⵉ ⵡⴰⴽⴽⴻⵏ ⴰⴷ ⵢⴻⴱⴷⵓ ⵓⵇⴻⵟⵟⵉ ⵍⴻⴱⵏⵉ-ⴰ ⵓⵙⵙⵏⴰⵏ ⴰⵙⵜⵔⴰⵜⵉⵊⵉⵢ ⴷⴻⴳ ⵡⴰⵏⵏⴰⵔ ⵏ ⵍⴰⵎⴰⵏ ⴰⵖⴻⵍⵏⴰⵡ ⵏ ⵍⵇⵓⵜ".
ⴷⵖⴰ ⴷⴻⴳ ⵜⵉⵔⵣⵉ-ⴰ, ⵉⵡⴰⵍⵉ ⵢⴰⵙⵉⵏ ⵡⴰⵍⵉⴷ ⴷⴰⵖⴻⵏ, ⵙ ⵓⵏⴻⵛⵜ ⵏ ⵡⵓⵍⵖⵓ ⵏ ⵜⵏⴻⵖⵍⴰⴼⵜ ⵏ ⵜⴼⴻⵍⵍⴰⵃⵜ, "ⵉⵎⵅⴰⴱⵔⴻⵏ ⵢⴻⵎⴳⴰⵔⴰⴷⴻⵏ ⵏ ⵓⵏⴰⴷⵉ ⵉ ⵜⴻⴳⴱⴻⵔ ⵜⵎⴻⵃⴹⵉⵜ-ⴰ, ⵍⴰⴷⵖⴰ ⴰⵎⵅⴰⴱⴻⵔ ⵏ ⵜⴱⵢⵓⵜⵉⴽⵏⵓⵍⵓⵊⵉⵜ ⴷ ⵓⵙⵏⴰⵔⵏⵉ ⵏ ⵢⴻⵎⵖⴰⵏ (ⵜⴰⵢⴻⵔⵣⴰ ⵜⴰⵎⵅⴰⴱⵔⴰⵏⵜ ⵏ ⵜⵉⵢⵏⵉ, ⴰⵙⵙⴻⵇⴷⴻⵛ ⵏ ⵜⴱⵢⵓⵍⵓⵊⵉⵜ ⵜⴰⴳⵣⴰⵎⴰⵜ ⵉ ⵓⵖⵉⵡⴻⵍ ⵏ ⵓⵙⵏⴰⵔⵏⵉ ⵏ ⵍⴻⵚⵏⴰⴼ ⵉⵎⴰⵢⵏⵓⵜⴻⵏ ⵏ ⵏⵏⴻⵄⵎⴰ ⴰⵎ ⵢⵉⵔⴷⴻⵏ, ⵜⵉⵎⵥⵉⵏ ⴷ ⵜⵔⵉⵜⵉⴽⴰⵍ), ⴰⵎⵅⴰⴱⴻⵔ ⵏ ⵓⴼⴰⵔⴻⵙ ⴰⵖⴻⵔⵙⴰⵡ (ⴰⵙⴻⴱⵖⴻⵙ ⵏ ⵢⵉⵖⴱⵓⵍⴰ ⵉⵖⴻⵔⵙⴰⵡⴻⵏ, ⴰⵃⴰⵔⴻⴱ ⵖⴻⴼ ⵜⴻⵎⵅⴰⵍⴼⴰ ⵜⴰⴱⵢⵓⵍⵓⵊⵉⵜ ⵜⴰⵖⴻⵔⵙⴰⵡⵜ, ⵜⴰⵖⴰⵔⴰ ⵏ ⵜⴰⵎⴻⵏⵜ), ⴰⵎⵅⴰⴱⴻⵔ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵜⵓⵞⵞⵉⵜ (ⵜⴰⵖⴰⵔⴰ ⵏ ⵣⵣⵉⵜ ⵏ ⵓⵣⴻⵎⵎⵓⵔ, ⵍⴰⵎⴰⵏ ⴰⴷⴰⵡⵙⴰⵏ ⵏ ⵍⵇⵓⵜ ⵙ ⵓⵙⴻⵇⴷⴻⵛ ⵏ ⵜⴻⵜⵉⴽⵏⵉⴽⵉⵏ ⵜⵉⵏⵉⴽⵉⵍⵉⵢⴻⵔⵉⵏ, ⵜⴰⵙⵓⴼⴼⴻⵖⵜ ⵏ ⵜⴻⴳⵣⴰⵎⵉⵏ ⵜⵉⵏⴻⵔⵎⴰⴷⵉⵏ ⵙ ⵜⴱⵢⵓⵍⵓⵊⵉⵜ), ⵖⴻⵔ ⵜⴰⴳⴳⴰⵔⴰ ⴰⵎⵅⴰⴱⴻⵔ ⵏ ⵓⵎⴻⵣⵡⵉ ⴷ ⵡⴰⵎⴰⵏ ⵏ ⵜⴼⴻⵍⵍⴰⵃⵜ, ⴰⴽⴽⴻⴷ ⵓⵙⴻⵏⵄⴻⵜ ⵏ ⴽⵔⴰ ⵏ ⵜⴻⵜⵉⴽⵏⵉⴽⵉⵏ ⵉⵛⵓⴷⴷⴻⵏ ⵖⴻⵔ ⵜⴻⵙⵡⴰ ⵜⵓⵃⵔⵉⵛⵜ".
ⵜⴻⵙⵙⴻⴽⴼⴻⵍ-ⴷ ⵜⵉⵔⵣⵉ-ⴰ, ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⴰ, "ⴰⵙⵉⵙⵙⴻⵏ ⵖⴻⴼ ⵍⴻⵇⴷⵉⵛ ⴰⵎⴻⵇⵔⴰⵏ ⵏ ⵓⵏⴰⴷⵉ ⵉ ⵅⴻⴷⴷⵎⴻⵏ ⵢⵉⵏⴰⴷⵉⵢⴻⵏ ⴷⴻⴳ ⵡⴰⵏⵏⴰⵔ, ⵖⴰⵙ ⴰⴽⴽⴻⵏ ⵢⴻⵍⵍⴰ ⵍⴻⵅⵚⴰⵚ ⴰⵎⴻⵇⵔⴰⵏ ⴷⴻⴳ ⵡⴰⵍⵍⴰⵍⴻⵏ ⵉⵎⴰⵜⴰⵔⴻⵏ ⴷ ⵢⵉⵎⴷⴰⵏⴻⵏ, ⵉⵎⵉ ⵢⴻⵙⵙⵓⵜⴻⵔ ⵓⵏⴻⵖⵍⴰⴼ ⴰⴷ ⴷ-ⵊⴰⵔⴷⴻⵏ ⴰⴽⴽ ⵍⴻⵅⵚⴰⵚ ⴰⴽⴽⴻⵏ ⴰⴷ ⴼⴰⵔⵙⴻⵏ ⵓⴳⵓⵔⴻⵏ-ⴰ ⴷ ⵡⴻⵙⵏⴻⵔⵏⵉ ⵏ ⵡⴰⵍⵍⴰⵍⴻⵏ ⵏ ⵓⵖⴻⵔⴱⴰⵣ, ⴰⵢⴻⵏ ⴰⵔⴰ ⵢⴻⴼⴽⴻⵏ ⴰⴼⵓⵙ ⵉ ⵓⵙⵏⴻⵔⵏⵉ ⵏ ⵓⵏⴰⴷⵉ ⴰⴼⴻⵍⵍⴰⵃ ⴰⴽⴽⴻⵏ ⴰⴷ ⵉⵇⵓⴱⴻⵍ ⵜⵉⴳⴳⵣⵉⵢⵉⵏ ⵏ ⵜⵓⵔⴰ ⵏ ⵍⴰⵎⴰⵏ ⵏ ⵍⵇⵓⵜ".
ⴰⵔⵏⵓ ⵖⴻⵔ
