ⴰⵏⴻⵖⵍⴰⴼ ⵏ ⵜⴼⴻⵍⵜ, ⵜⵏⴻⴼⵍⵉⵢⵜ ⵏ ⵜⵓⴷⴷⴰⵔ ⴷ ⵓⵚⴻⴳⴳⴻⴷ ⵏ ⵢⵉⵙⵍⵢⴻⵏ, ⵢⴰⵙⵉⵏ ⵡⴰⵍⵉⴷ, ⵢⴻⵙⵜⴻⵇⴱⴻⵍ ⵉⴹⴻⵍⵍⵉ ⵏ ⵍⵃⴻⴷⴷ ⵢⴰⵜ ⵜⴰⵔⴱⴰⵄⵜ ⵙⴻⴳ ⵜⵙⵓⴷⵓⵜ ⵏ ⵓⴷⴰⵎⴰⵙ ⴰⴳⵔⴰⵖⵍⴰⵏ (IFC) ⵍⵍⵉ ⵢⴻⵣⵡⴰⵔ ⵓⵎⴰⵡⵉⵏ ⵏ ⵓⵙⴻⵍⵡⴰⵢ-ⵉⵙ ⵉⴽⴻⵍⴼⴻⵏ ⵙ ⵜⴼⵔⵉⵇⵜ, ⵉⵜⵢⵓⴱⵉⵙ ⵜⴰⵎⴰⵔⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵓⵎⴰⵡⴰⵢ.
ⵢⴻⴼⵔⴻⵢ-ⴷ ⵡⴰⵍⵖⵓ-ⴰⴳⵉ ⴱⴻⵍⵍⵉ ⴷⴻⴳ ⵜⵎⴻⵍⵍⵉⵜ-ⴰⴳⵉ, ⵏⴻⵎⵍⴰⵢⴻⵏ ⵖⴻⴼ ⵡⴰⵎⴻⴽ ⴰⵔⴰ ⴷ-ⵙⵙⴻⵊⵀⴷⴻⵏ ⵜⴰⴷⴷⵓⴽⵍⵉ ⴳⴰⵔ ⵍⴻⵣⵣⴰⵢⴻⵔ ⴷ ⵜⵙⵓⴷⵓⵜ-ⴰⴳⵉ ⵜⴰⴳⵔⴰⵖⵍⴰⵏⵜ ⴷ ⵡⴰⵎⴻⴽ ⴰⵔⴰ ⵙⵏⴻⵔⵏⵉⵏ ⴰⵙⵉⵜⵎⴻⵔ ⴷⴻⴳ ⵜⴼⴻⵍⵜ.
ⵢⴻⵔⵏⴰ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⵙⴻⴼⵔⵓⵏ-ⴷ ⵜⴰⴱⵔⵉⵜ ⵉ ⵜⴻⴹⴼⴻⵔ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵜⴻⵙⵏⴻⵔⵏⵉ ⴷ ⵜⴻⵙⵎⴻⵔⵔⴻⵜ ⵜⴰⴼⴻⵔⴽⴰ-ⵏⴻⵙ ⵉⵡⴰⴽⴽⴻⵏ ⴰⴷ ⵜⴻⴹⵎⴻⵏ ⵍⵇⵓⵜ ⵉ ⵢⵉⵎⴻⵣⴷⴰⵖ, ⵙ ⵓⵙⴻⵊⵀⴻⴷ ⵏ ⵓⵙⵉⵜⵎⴻⵔ ⵏ ⴷⴰⵅⴻⵍ ⴷ ⵡⵉⵏ ⵏ ⴱⴻⵔⵔⴰ ⴷⴻⴳ ⵓⴼⴰⵔⴻⵙ, ⴰⵙⴻⴼⵙⴻⵢ ⴷ ⵓⵙⴻⴼⴻⴹ ⵏ ⵜⵉⴼⴻⵔⴽⵉⵡⵉⵏ, ⵍⴰⴷⵖⴰ ⵉⵎⵉ ⵍⴻⵣⵣⴰⵢⴻⵔ ⵜⴻⵙⵄⴰ ⵜⵉⵣⵎⴰⵔ ⵉⵡⴰⴽⴽⴻⵏ ⴰⴷ ⵜⴻⴽⴼⵓ ⵉⵎⴰⵏ-ⵉⵙ ⴷⴻⴳ ⵡⴰⵟⴰⵙ ⵏ ⵍⵇⵓⵜ ⵉ ⴷ-ⵜⵜⴰⵡⵉ ⵙⴻⴳ ⴱⴻⵔⵔⴰ.
ⴷⴻⴳ ⵓⵢⴰ, ⴱⴻⴷⵔⴻⵏ-ⴷ ⴰⵢⴻⵏ ⵉ ⵜⴻⵅⴷⴻⵎ ⵍⴻⵣⵣⴰⵢⴻⵔ ⴷⴻⴳ ⵜⴼⴻⵍⵜ ⵏ ⵓⵏⴻⵣⵔⵓⴼ (ⵚⵚⵃⵔⴰ) ⴷ ⵡⴰⵎⴻⴽ ⵜⴻⴱⵖⴰ ⴰⴷ ⵜⴻⵙⵄⵓ ⵜⴰⴼⴻⵍⵜ ⵜⴰⵜⵔⴰⵔⵜ ⵢⴻⵔⵏⴰ ⵜⴻⵊⵀⴻⴷ. ⴰⵢⴰ ⵢⴻⵊⵊⴰ ⵜⴰⵙⵓⴷⵓⵜ ⴰⴷ ⴷ-ⵜⴻⵄⵔⴻⴹ ⵜⴰⵍⵍⴰⵜ ⵏ ⵜⵇⴻⵏⵉⵜ ⴷ ⵜⵉⵏ ⵏ ⵢⴻⴷⵔⵉⵎⴻⵏ ⵉ ⵢⵉⵙⴻⵏⴼⴰⵔⴻⵏ ⵏ ⵜⴼⴻⵍⵜ, ⵍⴰⴷⵖⴰ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵍⵇⴻⴷⴷ ⵏ ⵓⴼⴰⵔⴻⵙ ⴷ ⵡⴰⵎⴻⴽ ⴰⵔⴰ ⴹⴻⴼⵔⴻⵏ ⵍⵎⴰⵔⴽⴰⵜ ⵜⵉⴳⵔⴰⵖⵍⴰⵏⵉⵏ ⵏ ⵜⵖⴰⵔⴰ (la qualité), ⵉⵡⴰⴽⴽⴻⵏ ⴰⴷ ⴽⵛⴻⵎⵏ ⵖⴻⵔ ⵓⵙⵡⴰⵇ ⵉⵊⴷⵉⴷⴻⵏ, ⵢⴻⵔⵏⴰ ⴰⴷ ⵙⴱⴻⴷⴷⴻⵏ "ⵜⴰⵙⴻⵎⵙⵉⵜ ⵏ ⵡⴻⵙⵙⴻⵏⴼⴰⵔ" ⵉⴽⴻⵍⴼⴻⵏ ⵙ ⵜⵉⴽⵏⵓⵍⵓⵊⵉⵜ ⵏ ⵜⴼⴻⵍⵜ.
ⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵡⴰⵎⴻⴽ ⴰⵔⴰ ⴼⴽⴻⵏ ⵉⴷⵔⵉⵎⴻⵏ ⵉ ⵜⴼⴻⵍⵜ ⴷ ⵡⴰⵎⴻⴽ ⴰⵔⴰ ⵜⴻⵎⵍⵉⵍ ⵜⵙⵓⴷⵓⵜ (IFC) ⴷ ⵓⵎⴰⵡⴰⵢ ⵏ ⵜⴼⴻⵍⵜ ⵉⵡⴰⴽⴽⴻⵏ ⴰⴷ ⴷ-ⵙⵏⴻⴼⵍⵉⵏ ⵜⵉⴱⵔⴰⵜⵉⵏ ⵜⵉⵜⵔⴰⵔⵉⵏ ⵏ ⵓⴷⴰⵎⴰⵙ, ⵢⴻⵔⵏⴰ ⵎⴻⵙⵍⴰⵢⴻⵏ ⵖⴻⴼ "ⵓⵜⴰⵎⵉⵏ ⴰⴼⴻⵍⵍⴰⵃ" ⴷ ⵡⴰⵎⴻⴽ ⴰⵔⴰ ⵢⴻⵃⵔⴻⵣ ⵉⴼⴻⵍⵍⴰⵃⴻⵏ ⴷ ⵓⴼⴰⵔⴻⵙ.
ⴷⴻⴳ ⵜⴰⴳⴳⴰⵔⴰ, ⵎⵙⴻⴼⵀⴰⵎⴻⵏ ⴰⴷ ⴽⴻⵎⵎⵍⴻⵏ ⵜⵉⵎⵍⵉⵍⵉⵢⵉⵏ ⴷ ⵢⵉⴳⵉⵔⴻⵏ ⵏ ⵓⵅⴻⴷⴷⵉⵎ ⵉⵡⴰⴽⴽⴻⵏ ⴰⴷ ⵙⵔⴻⵙⵏ ⵍⵇⴰⵍⴻⴱ ⵏ ⵜⴷⴷⵓⴽⵍⵉ ⵉ ⵢⴻⴱⵖⴰⵏ ⴰⴷ ⵢⴻⵙⵙⴻⵊⵀⴻⴷ ⴰⵙⵉⵜⵎⴻⵔ ⴷ ⵜⵏⴻⴼⵍⵉⵢⵜ ⵏ ⵜⴼⴻⵍⵜ ⴷⴻⴳ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
