ⴰⵏⵖⵍⴰⴼ ⵏ ⵢⵉⵎⵓⵊⴰⵀⵉⴷⴻⵏ ⴷ ⵡⵉⴷ ⵉⵍⴰⵏ ⵢⵉⵣⴻⵔⴼⴰⵏ, ⵎⴰⵙⵙ ⵄⴰⴱⴷⴻⵍⵎⴰⵍⴻⴽ ⵜⴰⵛⵀⵔⵉⴼⵜ, ⵉⴹⴻⴼⴻⵔ ⴰⵙⵙ-ⴰ ⵏ ⵜⵍⴰⵜⵉⵏ ⴷⵉ ⴷⵣⴰⵢⵔ ⵜⴰⵎⴰⵏⴻⵖⵜ, ⴰⵙⴻⵏⴽⴻⵔ ⵏ ⵢⵉⵡⴻⵜ ⵏ ⵜⴷⵉⵡⴻⵏⵏⵉⵜ ⵜⴰⵎⴻⵣⵔⵓⵢⴰⵏⵜ ⴷⴻⴳ ⵜⴰⴳⵏⵉⵜ ⵏ ⵓⵙⵎⴻⴽⵜⴰⵢ ⵏ ⵜⵓⵣⵣⵢⴰ ⵡⵉⵙ 68 ⵏ ⵜⵎⴻⵏⵖⵉⵡⵜ ⵏ ⵙⴰⵇⵢⴻⵜ ⵙⵉⴷⵉ ⵢⵓⵙⴻⴼ. ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⴼⴽⴰⵏ-ⴷ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵎⴻⵏⵏⵓⵖ ⴰⵎⴻⵣⵔⵓⵢⴰⵏ ⵉ ⵉⵊⴻⵎⵄⴻⵏ ⴳⴰⵔ ⵙⵉⵏ ⵏ ⵡⴻⴳⴷⵓⴷⴻⵏ ⴰⵣⵣⴰⵢⵔⵉ ⴷ ⵓⵜⵓⵏⵙⵉ.
ⴷⴻⴳ ⵜⴷⵉⵡⴻⵏⵏⵉⵜ-ⴰⴳⵉ ⵉ ⵉⵍⴰⵏ ⴰⵣⵡⴻⵍ: "ⵜⴰⵎⵉⵛⵜ ⵏ ⵙⴰⵇⵢⴻⵜ ⵙⵉⴷⵉ ⵢⵓⵙⴻⴼ: ⵉⴷⴰⵎⴻⵏ ⵢⴻⴷⴷⵓⴽⵍⴻⵏ, ⵍⴻⵔⵡⴰⵃ ⵏⴻⵎⵢⴻⵟⵟⴰⴼⴻⵏ, ⴰⵏⵏⴰⵢⴻⵏ ⵓⵍⵉⵏ, ⴷ ⵓⵎⴻⵣⵔⵓⵢ ⵢⴻⵜⵜⵡⴰⵏⵓⵏ ⵙ ⵍⵡⴻⴼⴰ", ⵙ ⵜⵉⵙⵉⵏ ⵏ ⵓⵏⴰⵢⴰ ⵏ ⴷⴷⵓⵍⴰ ⵎⴰⵙⵙ ⵙⵓⴼⵉⴰⵏⴻ ⵛⵀⴰⵉⴱ ⴷ ⵓⵎⵎⴻⵜⵜⴻⵍ ⵏ ⵙⴼⴰⵔⴰ ⵏ ⵜⵓⵏⴻⵙ ⵎⴰⵙⵙ ⵄⴰⴱⴷⴻⵍⵊⴰⵍⵉⵍ ⴱⴻⵏ ⵔⴰⴱⴻⵀ, ⵎⴰⵙⵙ ⵜⴰⵛⵀⵔⵉⴼⵜ ⵢⴻⵏⵏⴰ-ⴷ ⴱⴻⵍⵍⵉ ⴰⵙⵎⴻⴽⵜⴰⵢ ⵏ ⵜⵓⵣⵣⵢⴰ-ⴰⴳⵉ ⴷ "ⵓⵙⴻⵎⵊⴻⴷ ⵏ ⵍⵄⵀⴻⴷ ⵢⵉⴷ ⵏ ⵢⵉⵎⴻⵖⵔⴰⵙⴻⵏ ⵣⴻⴷⴷⵉⴳⴻⵏ ⵢⴻⵔⵏⴰ ⴷ ⴰⵢⴻⵏ ⵉ ⴷ-ⵢⴻⵙⴽⴰⵏⴰⵏ ⵍⵡⴻⴼⴰ ⵏ ⵜⵙⵓⵜⵉⵡⵉⵏ ⵏ ⵓⵣⴰⵔⵓⴳ ⵉ ⵜⴻⴱⵔⴰⵜ ⵏ ⵓⵙⵍⴻⵍⵍⵉ ⴷ ⵡⴰⵣⴰⵍⴻⵏ-ⵉⵙ ⵄⵍⴰⵢⴻⵏ".
ⵢⴻⵔⵏⴰ-ⴷ ⴱⴻⵍⵍⵉ ⴰⵙⵎⴻⴽⵜⵉ-ⴰⴳⵉ ⴰⴷ ⵉⵇⵇⵉⵎ ⴷ "ⵉⵏⵉⴳⵉ ⵉⵊⵜⵉⵔⴻⵏ ⴱⴻⵍⵍⵉ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⵉ ⵢⴻⵖⵍⴻⴱⴻⵏ ⵉⴹⴻⵍⵍⵉ ⴰⵛⴻⵏⴳⵓ ⵏ ⵓⵔⵓⵎⵉ ⵙ ⵍⵊⴻⵀⴷ ⵏ ⵢⵉⵎⴻⵖⵔⴰⵙⴻⵏ, ⵎⴰⵣⴰⵍ-ⵉⵜⴻⵏⵜ ⴰⵙⵙ-ⴰ ⴷⴻⴳ ⵡⴻⴱⵔⵉⴷ ⵏ ⵍⴻⴱⵏⵉ ⴷ ⵔⵔⴱⴻⵃ".
ⴰⵔⵏⵓ ⵖⴻⵔ
