ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵜⴰⵙⵇⴰⵎⵓⵜ ⵏ ⵓⵙⴻⴳⴳⴻⵎ ⵏ ⵓⵏⵏⴰⵔ ⵏ ⵍⵒⴻⵜⵔⵓⵍ ⵏ ⵜⴻⴳⴷⵓⴷⴰ ⵏ ⵜⵛⴰⴷ, ⵙ ⵜⵎⵓⵖⵍⵉ ⵏ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⴰⵙⵇⴰⵎⵓⵜ, ⵎⴰⵙⵙ ⵃⴰⵙⵙⴰⵏ ⴰⴷⵓⵓⵎ ⵢⵓⵓⵏⵓⵓⵙⵎⵉ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ, ⵉ ⴷ-ⵢⵉⵍⵍⴰⵏ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ-ⵉⵙ ⴷ ⵓⵙⴻⵍⵡⴰⵢ ⵏ ⵜⴰⵙⵇⴰⵎⵓⵜ ⵏ ⵓⵙⴻⴳⴳⴻⵎ ⵏ ⵢⵉⵎⴻⵔⵢⴰⵏ ⵏ ⵍⴻⵣⵣⴰⵢⴻⵔ, ⵎⴰⵙⵙ ⴰⵎⵉⵏⴻ ⵔⴻⵎⵉⵏⵉ, ⵜⵓⵙⴰ-ⴷ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵜⵛⴰⴷ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ, ⴷ ⵓⵙⴼⵓⵍⴻⵍ ⵏ ⵓⵙⴻⵍⴽⴻⵎ ⵏ ⵢⵉⴳⴻⵎⵎⴰⴹ ⵏ ⵢⵉⵎⵜⴰⵡⴰⵏ ⵏ ⵙⵉⵏ ⵉ ⴷ-ⵢⵉⵍⵍⴰⵏ ⵓⵙⵙⴰⵏ-ⴰⴳⵉ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵓⵙⵓⴷⴷⴻⵙ, ⴰⵙⴻⴳⴳⴻⵎ ⴷ ⵓⵙⵏⴻⴼⵍⵉ ⵏ ⵢⵉⵎⴰⵀⵉⵍⴻⵏ ⵏ ⵢⵉⵎⴻⵔⵢⴰⵏ.
ⴷⴻⴳ ⵜⴰⵍⵍⵉⵜ ⵏ ⵜⴻⵎⵍⵉⵍⵉⵜ, ⴰⵔⴽⴰⴱ ⵉⵙⵍⴻⵎ-ⴷ ⵙ ⵓⵙⵡⵉⵔ ⵉⴼⴰⵣⴻⵏ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⴻⵣⵔⵓⵢ ⵉ ⵢⴻⵙⴷⵓⴽⴽⵍⴻⵏ ⵍⴻⵣⵣⴰⵢⴻⵔ ⴷ ⵜⵛⴰⴷ. ⵉⵙⵙⴻⴽⵏⴻⴷ ⵍⴻⴱⵖⵉ ⵏ ⵍⴻⵣⵣⴰⵢⴻⵔ, ⵙ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ ⴷ ⵜⵎⵓⵔⴰ ⵏ ⵜⴻⴼⵔⵉⵇⵜ ⴷⴻⴳ ⵓⵣⴻⵏⵣⵉⵖ ⵏ ⵓⵎⵢⴻⵛⵛⴻⵔ "ⵓⵏⵥⵓⵍ-ⵓⵏⵥⵓⵍ", ⵉ ⵏⴼⴰⵄ ⵏ ⵢⵉⵙⵡⵉⵢⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ (durable) ⴷ ⵓⵙⵉⴷⵔⴻⵡ ⵏ ⵜⴻⴼⵔⵉⵇⵜ.
ⵙⵉⵏ ⵏ ⵢⵉⴽⵓⴱⴰⵔ ⵇⴻⵔⴷⵛⴻⵏ ⴷⴰⵖⴻⵏ ⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵙⵏⵉⵡⵉⵏ ⵏ ⵓⵙⴻⴳⴳⴻⵎ, ⵍⴰⴷⵖⴰ ⴷⴻⴳ ⵓⵙⵓⴷⴷⴻⵙ ⵏ ⵢⵉⵎⴰⵀⵉⵍⴻⵏ ⵏ ⵢⵉⵎⴻⵔⵢⴰⵏ, ⴰⵙⵏⴻⴼⵍⵉ ⵏ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⵏ ⵜⵎⴻⵔⵔⵉ, ⴰⵙⵉⵣⴷⴻⴳ (raffinage), ⵓⵃⵔⴰⵣ, ⴷ ⵓⴼⵔⴰⵇ ⵏ ⵢⵉⴼⴰⵔⴰⵙⴻⵏ ⵏ ⵍⵒⴻⵜⵔⵓⵍ, ⵎⴻⴱⵍⴰ ⵎⴰ ⵏⴻⵜⵜⵓ ⵜⴰⵎⴰⵏⴻⴳⵜ ⵜⴰⵎⴳⵓⵔⵉⵢⴰⵏⵜ, ⴰⵃⵔⴰⵣ ⵏ ⵜⴰⵡⵏⵏⴰⴹⵜ, ⵜⴰⵔⵇⵎⵉⵜ, ⴷ ⵓⵣⴻⵟⵟⴻⴹ ⵏ ⵜⵖⴰⵔⴰ ⵏ ⵢⵉⴼⴰⵔⴰⵙⴻⵏ.
ⵜⵉⵔⵣⵉ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵓⴱⵓⵕⵓⵜⵓⴽⵓⵍ ⵏ ⵓⵎⵢⴻⵛⵛⴻⵔ ⵉ ⵜⵜⵓⵙⵜⴻⵏⵢⴰⵏ ⴳⴰⵔ ⵙⵏⴰⵜ ⵏ ⵜⴰⵎⵉⵡⵉⵏ ⴷⴻⴳ ⵡⴰⴳⴳⵓⵔ ⵏ ⵢⴻⴱⵔⵉⵔ ⵉⵄⴻⴷⴷⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴰⵜⵉⴽⵏⵉⴽ ⴷ ⵡⵉⵏ ⵏ ⵜⵎⵓⵙⵏⵉⵡⵉⵏ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵙⵇⴰⵎⵓⵜ ⵏ ⵓⵙⴻⴳⴳⴻⵎ ⵏ ⵢⵉⵎⴻⵔⵢⴰⵏ ⵏ ⵍⴻⵣⵣⴰⵢⴻⵔ ⵜⵜⵀⴻⴳⴳⵉ-ⴷ, ⵙⴻⴳ 11 ⵖⴻⵔ 17 ⵢⵓⵏⵢⵓ, ⵉ ⵓⵙⵜⴻⵇⴱⴻⵍ ⵏ ⵜⴰⵔⴱⴰⵄⵜ ⵏ ⵜⵛⴰⴷ. ⴰⵀⵉⵍ ⵏ ⵜⵉⵔⵣⵉ-ⴰⴳⵉ ⴷⴻⴳ-ⵙ ⵍⵡⴻⵕⵛⴰⵜ ⵏ ⵓⵎⴰⵀⵉⵍ ⴰⵜⵉⴽⵏⵉⴽ ⵉⵎⴻⵣⴷⴰⵢⴻⵏ ⴳⴰⵔ ⵢⵉⵎⵓⵣⵣⴰⴳⴻⵏ (experts) ⵏ ⵙⵏⴰⵜ ⵏ ⵜⵎⵓⵙⵏⵉⵡⵉⵏ, ⴷ ⵜⵉⵔⵣⵉⵡⵉⵏ ⵏ ⵡⴰⵏⵏⴰⵔ ⵖⴻⵔ ⵡⴰⵟⴰⵙ ⵏ ⵜⵓⴷⴷⵙⵉⵡⵉⵏ ⵜⵉⵎⴳⵓⵔⵉⵢⴰⵏⵉⵏ ⴷ ⵜⵉⴷ ⵏ ⵜⵍⵓⵊⵉⵢⵙⵜⵉⴽⵜ ⵏ ⵓⵏⵏⴰⵔ ⵏ ⵢⵉⵎⴻⵔⵢⴰⵏ.
ⴰⵔⴽⴰⴱ ⵉⵙⵔⴻⵚ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⵉⵡⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴷⴻⴳ ⵓⵙⴼⵓⵍⴻⵍ ⵏ ⵜⵛⴰⴷ ⵉ ⵓⵙⵏⴻⴼⵍⵉ ⵏ ⵓⵏⵏⴰⵔ-ⵉⵙ ⵏ ⵜⵎⴻⵔⵔⵉ, ⵙ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴷ ⵢⵉⵔⵎⵉⵜⴻⵏ ⵏ ⵜⵎⵓⵙⵏⵉⵡⵉⵏ ⵏ ⵍⴻⵣⵣⴰⵢⴻⵔ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⵙⵓⵏⴰⵜⵔⴰⵛⵀ, ⵜⴰⵙⵇⴰⵎⵓⵜ ⵏ ⵓⵙⴻⴳⴳⴻⵎ ⵏ ⵢⵉⵎⴻⵔⵢⴰⵏ, ⴷ ⵓⵎⴰⵄⵀⴻⴷ ⴰⵣⵣⴰⵢⵔⵉ ⵏ ⵍⵒⴻⵜⵔⵓⵍ (IAP).
ⴰⵔⵏⵓ ⵖⴻⵔ
