ⵜⴻⵙⵙⵉⵡⴻⴹ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴱⴻⵔⵔⴰ ⴷ ⵓⵙⵏⴻⵔⵏⵉ ⵏ ⵓⵙⵓⴼⴼⴻⵖ, ⵉⴹⴻⵍⵍⵉ ⴷⴻⴳ ⵓⴷⵢⴰⵏ-ⵉⵙ, ⴱⴻⵍⵍⵉ ⵜⴰⵏⵙⴰ ⵜⴰⵏⵓⵎⵉⵔⵉⴽⵜ ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⵉ ⵓⵙⴻⴽⵛⴻⵎ ⵏ ⵉⵙⴰⴼⴰⵔⴻⵏ ⵏ ⵍⵍⵙⴰⵙ ⴷ ⵢⵉⴱⴻⵍⵍⵉⴷⴻⵏ ⵏ ⵓⴼⴰⵔⵉⵙ ⴰⴷ ⴷ-ⵜⴰⵍⴻⵙ ⵍⴱⴻⵔⵔⴰⵢ-ⵉⵙ ⵙⴻⴳ 14 ⴰⵔ 30 ⵢⴻⴱⵔⵉⵔ ⴰⴳⵉ.
ⵉⵙⴻⴳⵣⵉ-ⴷ ⵓⴷⵢⴰⵏ-ⵏⵏⵉ ⴱⴻⵍⵍⵉ ⴷⴻⴳ ⵜⴰⵍⵍⵉⵜ-ⴰⴳⵉ, ⴰⴷ ⴷ-ⵙⵇⴻⵔⴷⵛⴻⵏ ⵢⵉⵙⵓⵜⵔⴻⵏ ⵏⵏⵉⴹⴻⵏ ⵢⴻⴷⴷⵓⴽⴽⵍⴻⵏ ⴷ ⵍⴽⴰⵖⴻⴹ ⵏ ⵓⵙⴻⴼⵔⴰⵣ (ⵙ ⵜⴰⵔⵔⴰⵢⵜ ⵏ ⵃⴷⴼ) ⵉ ⵢⴻⵇⵇⵏⴻⵏ ⵖⴻⵔ ⵀⵡⴰⵢⴻⵞ ⵏ ⵜⵎⴰⵔⴰ (ⵉⵀⴰⵎⴰⵍⴻⵏ, ⵜⵉⵎⴻⵙ, ⵉⵅⴻⵚⵚⴰⵔⴻⵏ ⵏ ⵜⴻⴽⵏⵉⵜ...), ⴰⵙⵏⴻⵔⵏⵉ ⵏ ⵢⵉⵣⴻⵟⵟⵡⴰⵏ ⵏⴻⵖ ⵏ ⵜⵣⴻⵎⵎⴰⵔ ⵏ ⵓⴼⴰⵔⵉⵙ, ⵏⴻⵖ ⴰⵙⴰⵍⵉ ⵏ ⵍⴻⵄⵇⴻⴷ ⴰⵎⴰⵢⵏⵓⵜ ⵏ ⵓⵙⵓⴼⴼⴻⵖ. ⵜⵏⴻⵖⵍⴰⴼⵜ ⵜⴱⴻⵕⵕⴻⵃ-ⴷ ⴱⴻⵍⵍⵉ "ⵢⴰⵍ ⴰⵙⵓⵜⴻⵔ ⵓⵔ ⵏⴻⵍⵍⵉ ⴷⴻⴳ ⵀⵡⴰⵢⴻⵞ-ⴰⴳⵉ ⴰⴷ ⵢⴻⵜⵜⵡⴰⴽⴽⴻⵙ (ⵔⴻⴼⵓⵙé) ⵙ ⵓⴼⵓⵙ".
ⵎⴰ ⴷ ⴰⵢⴻⵏ ⵉ ⵢⴻⵇⵇⵏⴻⵏ ⵖⴻⵔ ⵓⴱⴻⴷⴷⴻⵍ ⵏ ⵍⴱⴰⵏⴽⴰ ⵏ ⵓⵜⵓⵟⵉⵏ (ⴷⵓⵎⵉⵛⵉⵍⵉⴰⵜⵉⵓⵏ) ⵉⵍⵎⴻⵏⴷ ⵏ ⵍⴱⴰⵏⴽⴰⵜ ⵏ ⵜⵏⴻⵣⵣⵓⵜ ⵉ ⴷⴻⴳ ⴷ-ⵢⴻⵜⵜⵡⴰⴽⴽⴻⵙ ⵍⴱⴻⵔⵔⴰⵢ ⵏ ⵜⵏⴻⵣⵣⵓⵜ ⵏ ⴱⴻⵔⵔⴰ, ⵜⴰⵏⴻⵖⵍⴰⴼⵜ ⵜⴻⵙⵙⴰⵡⴻⵍ ⵉ ⵢⵉⵎⴻⵔⵎⴰⵙⴻⵏ ⵏ ⵜⴷⴰⵎⵙⴰ ⵉⵡⴰⴽⴽⴻⵏ ⴰⴷ ⴷ-ⵎⵎⴻⵙⵍⴰⵢⴻⵏ ⴷ ⵍⴱⴰⵏⴽⴰ ⵏ ⵓⵜⵓⵟⵉⵏ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵀⵉⵍ ⵏ ⵓⵙⴼⵓⴽⴽⴻⵍ.
ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴱⴻⴷⴷⴻⵍ ⵏ ⵡⴰⴽⴰⵍⴰ ⵏ ⵓⵜⵓⵟⵉⵏ ⴷⴻⴳ ⵢⵉⵡⴻⵜ ⵏ ⵍⴱⴰⵏⴽⴰ (ⵙⴻⴳ ⵡⴰⴽⴰⵍⴰ ⵖⴻⵔ ⵜⴰⵢⴻⴹ ⵏ ⵢⵉⵡⴻⵜ ⵏ ⵍⴱⴰⵏⴽⴰ), ⵜⴰⵏⴻⵖⵍⴰⴼⵜ ⵜⴻⵙⵙⵓⵜⴻⵔ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵓⵜⴻⵔ ⵙ ⵜⵎⴰⵢⵍⵜ (ⴻ-ⵎⴰⵉⵍ) ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⵉ ⵡⴰⵏⵏⴻⵛⵜ-ⴰ: banque@mcepe.gov.dz ⵉ ⴷⴻⴳ ⴰⴷ ⴷ-ⵢⵉⵍⵉ ⵉⵙⴰⵍⵉ ⵉⵍⴰⵇⴻⵏ (ⵉⴷ ⵏ ⵓⵙⵓⵜⴻⵔ, ⴰⵢⵖⴻⵔ ⵉ ⴷ-ⵢⴻⵍⵍⴰ ⵓⴱⴻⴷⴷⴻⵍ, ⵔⵉⴱ ⴰⵇⴱⵓⵔ ⴷ ⵡⵉⵏ ⴰⵎⴰⵢⵏⵓⵜ, ⴷ ⵓⵟⵟⵓⵏ ⵏ ⵜⵉⵍⵉⴼⵓⵏ).
ⵜⵏⴻⵖⵍⴰⴼⵜ ⵜⴱⴻⵕⵕⴻⵃ-ⴷ ⴷⴰⵖⴻⵏ ⴱⴻⵍⵍⵉ ⵉⵙⵓⵜⵔⴻⵏ ⵏ ⵓⴱⴻⴷⴷⴻⵍ ⵏ ⵓⵜⵓⵟⵉⵏ ⵍⴱⴰⵏⴽⵉ ⵙⴻⴳ ⵍⴱⴰⵏⴽⴰ ⵖⴻⵔ ⵜⴰⵢⴻⴹ ⵏⵏⵉⴹⴻⵏ "ⴰⴷ ⵜⵜⵡⴰⵇⵇⵙⴻⵏ (ⵔⴻⴼⵓⵙéⵙ) ⴰⵎⴰ ⴷ ⴰⵢⴻⵏ ⵉ ⴷ ⴰⵎⴻⵏⵏⴰⵢ".
ⴰⵔⵏⵓ ⵖⴻⵔ
