ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ ⵖⴻⴼ ⵓⵙⵙⴻⵔⵔⴻⵙ ⵏ ⵜⵙⵓⵖⴻⵍⵜ ⵏ ⵓⴽⴰⵢⴰⴷ (ⴱⴻⵜⴰ) ⵏ ⵜⴻⵙⴰⵍⵜ ⵜⴰⵇⵎⵉⵜ ⵢⴻⵄⵏⴰⵏ ⴰⵣⴻⵏⵣⵉⵖ ⴰⵖⴻⵍⵏⴰⵡ ⵏ ⵜⴻⴳⴻⵔⴷⴰⵙⵉⵏ ⴷ ⵜⵣⴻⵎⵎⴰⵔ (CNC). ⴰⵍⵍⴰⵍ-ⴰⴳⵉ ⵢⵓⵙⴰ-ⴷ ⵉ ⵓⵙⴱⴰⴷⵓ ⴷ ⵓⵕⴰⵜⵜⵉ (classification) ⵏ ⵜⴻⴳⴻⵔⴷⴰⵙⵉⵏ ⵏ ⵓⵙⴻⵍⵎⴻⴷ ⴷ ⵓⵙⵉⵍⴻⵖ ⵓⵏⵉⴳ ⵙ ⴷⴷⴰⵡ ⵏ ⵢⵉⵙⵡⵉⵔⴻⵏ ⵏ ⵜⵣⴻⵎⵎⴰⵔ ⴷ ⵢⵉⴳⴻⵎⵎⴰⴹ ⵏ ⵓⵍⵎⵓⴹ (ⵜⵉⵎⵓⵙⵏⵉⵡⵉⵏ, ⵜⵉⵣⴻⵎⵎⴰⵔ, ⵜⵉⴽⵍⵉⵡⵉⵏ, ⴰⵣⴰⵔⵓⴳ-ⵜⴰⵎⴰⵙⵉⵜ, ⴷ ⵜⴻⵢⵡⴰⵍⵜ) ⵉⵛⵓⴷⴷⴻⵏ ⵖⴻⵔ ⵢⴰⵍ ⵜⴰⴳⴻⵔⴷⴰⵙⵜ ⵏ ⵜⴻⵙⴷⴰⵡⵉⵜ.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵍⴰⵔⴻⴱⴻⵄ, ⴰⵣⴻⵏⵣⵉⵖ-ⴰⴳⵉ ⵉⵙⵡⵉ-ⵉⵙ ⴷ: ⵓⵕⴰⵜⵜⵉ ⵏ ⵜⴻⴳⴻⵔⴷⴰⵙⵉⵏ ⴷ ⵜⵣⴻⵎⵎⴰⵔ ⵏ ⵓⵙⴻⴳⵎⵉ, ⴰⵙⴱⴰⴷⵓ ⵏ ⵢⵉⵙⵡⵉⵔⴻⵏ ⵏ ⵓⵙⵉⵍⴻⵖ ⴷ ⵜⵣⴻⵎⵎⴰⵔ, ⴷ ⵓⴼⵙⵉⵙ ⵏ ⵓⵎⵛⴰⴱⵉ (comparaison) ⴳⴰⵔ ⵜⴻⴳⴻⵔⴷⴰⵙⵉⵏ ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ ⴷ ⵓⴳⵔⴰⵖⵍⴰⵏ.
ⵉⵙⵡⵉ ⵏⵏⵉⴹⴻⵏ ⴷ ⵜⵓⵇⵇⵏⴰ ⵏ ⵓⵙⴻⵍⵎⴻⴷ ⵖⴻⵔ ⵓⴳⴻⴷⴻⵣ ⵏ ⵓⵎⴰⵀⵉⵍ ⴷ ⵜⵣⴻⵎⵎⴰⵔ ⵉⵎⴻⵣⵣⵓⵍⴰⵏⴻⵏ, ⴷ ⵓⵙⴻⴳⵣⴰⵢ ⵏ ⵜⵎⵓⵙⵏⵉⵡⵉⵏ ⴷ ⵜⵣⴻⵎⵎⴰⵔ ⵉ ⴷ-ⵓⵡⵢⴻⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵢⴰⴽⴽ ⴰⵙⵡⵉⵔ ⵏ ⵓⵍⵎⵓⴹ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵙⵙⴻⵔⵔⴻⵙ ⵏ ⵜⴻⵙⴰⵍⵜ ⵜⴰⵇⵎⵉⵜ CNC ⴷ ⵍⵍⵙⴰⵙ ⵉⵕⴻⵙⵙⴰⵏ ⵉ ⵓⵙⴱⴻⴷⴷⵉ ⵏ ⵓⵏⴰⴳⵔⴰⵡ ⵏ ⵓⵙⴻⵍⵎⴻⴷ ⵓⵏⵉⴳ ⵉ ⴷⴻⴳ ⵜⴻⵍⵍⴰ ⵜⴼⴻⴼⴻⴼⴼⵉⵜ (transparence) ⴷ ⵜⴻⴼⵍⴻⵙⵜ. ⴰⵢⴰⴳⵉ ⴰⴷ ⴷ-ⵢⴻⵔⵔ ⵜⵉⵍⵉⵍⵜ (pont) ⴳⴰⵔ ⵡⴰⵢⴻⵏ ⵉ ⴷ-ⵉⵟⵟⴰⴽ ⵓⵖⴻⵔⴱⴰⵣ ⵓⵏⵉⴳ ⴷ ⵜⵓⴽⴽⵉⵙⵉⵡⵉⵏ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵉⵡⴰⴽⴽⴻⵏ ⴰⴷ ⵜⵜⵓⵙⵜⴻⵏⵢⴰⵏ ⵢⵉⵏⴻⵍⵎⴰⴷⴻⵏ ⵙ ⵜⵣⴻⵎⵎⴰⵔ-ⵏⵙⴻⵏ ⵓ ⴰⴷ ⵜⵉⴼⵙⵓⵙ ⵜⵉⴷⴷⵉ-ⵏⵙⴻⵏ ⵜⴰⵎⴻⵣⵣⵓⵍⴰⵏⵜ ⴷⴻⴳ ⵜⵎⵓⵔⵜ ⴷ ⴱⴻⵕⵕⴰ.
ⴰⵔⵏⵓ ⵖⴻⵔ
