ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⵏ ⵜⵢⵓⵏⴰⵏ, ⵎⴰⵙⵙ ⵏⵉⴽⵉⵜⴰⵙ ⴽⴰⴽⵍⴰⵎⴰⵏⵉⵙ, ⴰⵙⵙ-ⴰ ⵏ ⵍⵃⴻⴷⴷ, ⴰⵎⵙⴻⴼⵔⴰⵙ ⵏ ⵜⵎⵓⵖⵍⵉⵡⵉⵏ ⴳⴰⵔ ⴷⵣⴰⵢⴻⵔ ⴷ ⵜⵎⵓⵔⵜ-ⵉⵙ ⴷⴻⴳ ⴰⵢⴻⵏ ⵉⵛⵓⴷⴷⴻⵏ ⵖⴻⵔ ⵢⵉⵙⴻⵏⴼⴰⵔⴻⵏ ⵢⴻⵎⴳⴰⵔⴰⴷⴻⵏ ⵉ ⴷ-ⵉⵙⵙⴻⴽⵛⴰⵎⴻⵏ ⴰⵢⴻⵏ ⵢⴻⵍⵍⴰⵏ ⴷ ⴰⵎⴻⴷⴷⵓⴽⴰⵍ ⴳⴰⵔ-ⴰⵙⴻⵏ.
ⴷⴻⴳ ⵓⵙⵉⵡⴻⵍ ⵏ ⵜⵖⴰⵎⵙⴰ ⴷⴻⴼⴼⵉⵔ ⵎⵉ ⵜ-ⵉⴷ-ⵢⴻⵙⵜⴻⵇⴱⴻⵍ ⵓⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⵢⴻⵏⵏⴰ-ⴷ ⵎⴰⵙⵙ ⴽⴰⴽⵍⴰⵎⴰⵏⵉⵙ: "ⵜⵉⵎⵍⵉⵍⵉⵜ-ⴰ ⵜⴻⵡⵡⵉ-ⴷ ⵖⴻⴼ ⵡⴰⵟⴰⵙ ⵏ ⵢⵉⵙⴻⵏⵜⵍⴻⵏ ⵢⴻⵔⵏⴰ ⵏⴻⵡⵡⴻⴹ ⴰⴷ ⵏⵡⴰⵍⵉ ⴱⴻⵍⵍⵉ ⵢⴻⵍⵍⴰ ⵓⵎⵙⴻⴼⵔⴰⵙ ⴷⴻⴳ ⵜⵎⵓⵖⵍⵉⵡⵉⵏ ⴷⴻⴳ ⴰⵢⴻⵏ ⵉⵛⵓⴷⴷⴻⵏ ⵖⴻⵔ ⵢⵉⵙⴻⵏⴼⴰⵔⴻⵏ ⵉ ⵖⴻⴼ ⵏⴻⵙⵍⴰⵢ", ⵙ ⵓⵙⵙⴻⵀⵎⴻⵍ ⵖⴻⴼ ⵜⴻⴳⴳⴰⵍⵍⵉⵜ ⵏ ⵓⵎⴰⵀⵉⵍ ⵉ ⵓⵙⵙⴻⵃⴱⵉⴱⴻⵔ ⵏ ⵡⴰⵙⵙⴰⵖⴻⵏ ⵏ ⵜⵎⴻⴷⴷⵓⴽⵍⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵉ ⵓⵙⵙⴻⴼⵔⴻⴽ ⵏ ⵡⴰⵢⴻⵏ ⵢⴻⵍⵍⴰⵏ ⴷ ⴰⵖⴱⴰⵍⵓ ⵉ ⵢⴻⴳⴷⵓⴷⴻⵏ-ⵏⵙⴻⵏⵜ.
ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴷⴻⴳ ⵜⴳⵏⵉⵜ-ⴰ "ⵢⴻⵡⵡⵉ-ⴷ ⴰⵣⵓⵍ ⵏ ⵜⵎⴻⴷⴷⵓⴽⵍⴰ ⴷ ⵓⵎⴻⴷⴷⴻⴽⴻⵍ ⵙⴻⴳ ⵓⴳⴷⵓⴷ ⴰⵢⵓⵏⴰⵏ ⵖⴻⵔ ⵓⴳⴷⵓⴷ ⴰⵣⴰⵣⵣⴰⵢ ⴷ ⵓⵙⴻⵍⵡⴰⵢ ⵏ ⵜⴳⴷⵓⴷⴰ ⵙ ⵢⵉⵎⴰⵏ-ⵉⵙ".
ⴷⴻⴳ ⵜⴳⵏⵉⵜ-ⴰ, ⵉⵙⴻⵏⵎⴻⵔ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⵏ ⵜⵢⵓⵏⴰⵏ ⴰⵢⴻⵏ ⵉ ⴷ-ⵜⴻⵙⵙⴻⴼⵜⵉ ⴷⵣⴰⵢⴻⵔ ⵙⴻⴳ ⵡⴰⵙⵎⵉ ⵉ ⴷ-ⵜⴻⵡⵡⴻⴹ ⵜⵉⵎⵓⵏⴻⵏⵜ, ⵙ ⵡⴰⵡⴰⵍ-ⵉⵙ: "ⴼⴽⵉⵖ-ⴷ ⴰⵙⴻⵃⴱⵉⴱⴻⵔ-ⵉⵏⵓ ⵢⴻⵔⵏⴰ ⵀⴻⵏⵏⵉⵖ ⴰⵙⴻⵍⵡⴰⵢ ⵏ ⵜⴳⴷⵓⴷⴰ ⵖⴻⴼ ⵢⵉⵙⴻⵏⴷⴰⵀ-ⴰ", ⴷⴻⴳ ⵜⴰⴳⴳⴰⵔⴰ ⵢⴻⴼⴽⴰ ⴰⵙⴻⵏⵎⴻⵔ-ⵉⵙ ⴰⵎⴻⵇⵔⴰⵏ ⵖⴻⴼ ⵓⵜⵜⴻⴽⴽⵉ ⴷ ⵓⵙⵙⴻⵃⴱⵉⴱⴻⵔ ⵏ ⵓⵙⴰⵎⵎⵓⴷ ⵉ ⴷ-ⵢⵓⴼⴰ ⴷⴻⴳ ⵜⵉⵔⵣⴰ-ⵙ ⵖⴻⵔ ⴷⵣⴰⵢⴻⵔ.
