ⵜⴱⴻⵔⵔⴰ-ⴷ ⵜⵏⴻⵖⵍⴰⴼⵜ ⵏ ⵍⴱⵓⵙⵜⴰ ⴷ ⵜⴻⵢⵡⴰⵍⵜ ⵙ ⵓⴱⵔⵉⴷ ⵏ ⵜⵙⴰⵜ (ⴼⵉⵍ/ⵙⴰⵏⵙ ⴼⵉⵍ) ⵖⴻⴼ ⵓⵙⴻⵏⴽⴻⵔ ⵏ ⵓⵎⵉⵣⵣⵡⴻⵔ (ⵎⵓⵏⴰⵇⴰⵚⴰ), ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⴷⴻⴳ ⵓⵏⴰⴳⵔⴰⵡ ⵏ ⵓⵎⴻⵣⵍⵓ ⴰⵎⴰⵜⵓ ⵏ ⵜⴻⵢⵡⴰⵍⵜ ⵜⴰⵙⴻⵍⴽⴰⵎⵜ ⴷⴻⴳ ⵓⵙⵡⵉⵔ ⵏ ⵜⵙⵓⵍⵟⴰⵏⵜ ⵏ ⵓⵙⴼⵓⴽⴽⴻⵍ ⵏ ⵍⴱⵓⵙⵜⴰ ⴷ ⵜⴻⵢⵡⴰⵍⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⴰⵎⴻⵀⵍⴰⵏ-ⴰⴳⵉ --ⵉⵍⵎⴻⵏⴷ ⵏ ⵓⴷⵢⴰⵏ-- ⴷ ⵡⵉⵏ ⴰⵎⴻⵇⵇⵔⴰⵏ ⴰⴽⴽ ⵏ ⵓⴷⴻⵎ-ⵉⵙ, ⴰⴷ ⴷ-ⵢⴰⵡⵉⵏ ⵍⵎⴻⵏⴼⴰⵄ ⵉ 3000 ⵏ ⵜⴰⵎⵉⵡⵉⵏ ⴷⴻⴳ ⵜⵡⵉⵍⴰⵢⵉⵏ ⴰⴽⴽ ⵏ ⵜⵎⵓⵔⵜ, ⵍⴰⴷⵖⴰ ⵜⴰⵎⵉⵡⵉⵏ ⵉ ⴷⴻⴳ ⵓⵔ ⵍⵍⴰⵏ ⴰⵔⴰ ⵡⴰⵟⴰⵙ ⵏ ⵢⵉⵎⴻⵣⴷⴰⵞ (ⴷⴷⴰⵡ 2000 ⵏ ⵢⵉⵎⴷⴰⵏⴻⵏ). ⴰⵢⴰⴳⵉ ⴰⴷ ⵢⴻⵜⵜⵡⴰⵙⴱⴻⴷ ⵙ ⵓⴼⵔⴰⵖ ⵏ ⵢⴻⴷⵔⵉⵎⴻⵏ ⵏ ⴷⴷⵓⵍⴰ ⵙ ⵍⴽⴰⵎⵓⵍ.
ⵉⵙⵉⴳ ⵏ ⵓⴷⵔⵉⵙ ⵏ ⵢⵉⵍⵓⴳⴰⵏ (ⵛⴰⵀⵉⴻⵔ ⴷⴻⵙ ⵛⵀⴰⵔⴳⴻⵙ) --ⵢⴻⵏⵏⴰ-ⴷ ⵡⵓⵏⴰⴱⴰⵖ-ⴰⴳⵉ-- ⴷ ⵓⴱⴻⵇⵇⴻⵙ ⵏ ⵢⵉⵎⴰⵙⵡⴰⵢⴻⵏ ⵏ ⵜⴻⵢⵡⴰⵍⵜ ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵔⵔⴰⵢⴻⵏ-ⵏⵙⴻⵏ ⵉ ⵓⵟⵎⴰⵏ ⵏ ⵓⵎⴻⵣⵍⵓ ⴷ ⵓⵣⴻⵟⵟⴰ ⴷⴻⴳ ⵜⴰⵎⵉⵡⵉⵏ-ⴰⴳⵉ. ⵍⵡⴻⵇⵜ ⵏ ⵓⴽⵎⴻⵍ ⵏ ⵓⵎⴻⵀⵍⴰⵏ-ⴰⴳⵉ ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵢⵓⴳⴰⵔ 18 ⵏ ⵡⴰⴳⴳⵓⵔⴻⵏ.
ⵙ ⵓⵎⴻⵀⵍⴰⵏ-ⴰⴳⵉ, ⵜⴰⵏⴻⵖⵍⴰⴼⵜ ⵏ ⵍⴱⵓⵙⵜⴰ ⴷ ⵜⴻⵢⵡⴰⵍⵜ ⵜⴽⴻⵎⵎⴻⵍ "ⵍⵯⴻⵀⴷ-ⵉⵙ ⵉ ⵓⵙⴻⵏⵖⴻⵙ ⵏ ⵍⵉⵅⵚⴰⵙ ⵓⵙⴻⵍⴽⵓⵎ ⴷ ⵓⵞⵀⴻⴷ ⵏ ⵓⵣⴻⵟⵟⴰ ⴰⵖⴻⵍⵏⴰⵡ ⵉ ⵓⵟⵎⴰⵏ ⵏ ⵍⵀⴻⵇⵇ ⵏ ⵢⵉⵎⴻⵣⴷⴰⵞ ⴰⴽⴽ ⴷⴻⴳ ⵓⵎⴻⵣⵍⵓ ⵏ ⵜⴻⵢⵡⴰⵍⵜ", ⴰⴽⴽⴻⵏ ⵉ ⴷ-ⵢⴼⵓⴽⴽ ⵓⴷⵢⴰⵏ-ⵏⵏⵉ.
ⴰⵔⵏⵓ ⵖⴻⵔ
