ⴰⵏⴻⵖⵍⴰⴼ ⵏ ⴷⴰⵅⴻⵍ, ⵏ ⵜⵓⴷⴷⵙⵉⵡⵉⵏ ⵏ ⵜⵎⵓⵔⵜ ⴷ ⵓⵙⵉⵡⴻⴹ, ⵎⴰⵙ ⵙⵄⵉⴷ ⵙⵄⵢⵓⴷ, ⵢⴻⴼⴽⴰ-ⴷ ⴰⵙⵙ-ⴰ ⵏ ⵓⵙⵉⵏⴰⵙ ⵢⵉⵡⴻⵏ ⵓⵙⴻⵍⵖⵓ ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ ⵣⴷⴰⵜ ⵢⵉⵎⴻⵙⴳⴰⵍⴻⵏ ⵏ ⵓⵙⵇⴰⵎⵓ ⴰⵖⴻⵔⴼⴰⵏ ⴰⵏⴰⵎⵓⵔ. ⵜⴰⵙⵉⵖⵉⵎⵜ-ⴰ ⵢⴻⵙⵇⴻⴷⵔⴻⵖ-ⵜⵜ (présidée) ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵎⴰⵙ ⵉⴱⵔⴰⵀⵉⵎ ⴱⵓⵖⴰⵍⵉ, ⵙ ⵜⵉⵍⵉⵏ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴰⴽⴽⴻⴷ ⵍⴱⴰⵔⵍⴰⵎⴰⵏ, ⵎⴰⵙⵙⴰ ⵏⴰⵊⵉⴱⴰ ⵊⵉⵍⴰⵍⵉ.
ⴷⴻⴳ ⵓⵙⴻⵍⵖⵓ-ⵉⵙ, ⵙⵄⵢⵓⴷ ⵢⴻⵙⵙⴻⴼⵔⴰ-ⴷ ⴱⴻⵍⵍⵉ ⵍⵇⴰⵏⵓⵏ-ⴰ ⵉ ⵢⴻⵙⵄⴰⵏ 97 ⵏ ⵢⵉⵎⴰⴳⵔⴰⴷⴻⵏ (articles), ⵢⴻⵍⵍⴰ-ⴷ ⵙ ⵜⴻⴳⵎⴻⵔⵜ ⵏ ⵓⵙⴻⵍⵡⴰⵢ ⵏ ⵜⴳⴷⵓⴷⴰ ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵉⵡⴰⴽⴽⴻⵏ ⴰⴷ ⵢⴻⵙⵙⴻⴳⵎ ⴰⵅⴻⴷⴷⵉⵎ ⴰⵙⴻⵔⵜⴰⵏ ⵢⴻⵔⵏⴰ ⴰⴷ ⵢⴻⵊⵊ ⵢⵉⴽⴰⴱⴰⴱⴻⵏ ⴰⴷ ⵉⵍⵉⵏ ⴷ ⵍⵙⴰⵙ ⵉ ⵓⵙⴱⴻⴷⴷ ⵏ ⵜⵎⵓⴷⴷⴻⵙⵉⵏ ⵉⵊⴻⵀⴷⴻⵏ.
ⴳⴰⵔ ⵜⴻⵎⵙⴰⵍ ⵉⵎⴻⵇⵇⵔⴰⵏⴻⵏ ⵉ ⴷ-ⵢⴻⵡⵡⵉ ⵓⵙⴻⵏⴼⴰⵔ-ⴰ:
- ⴰⵎⴻⵏⵏⵓⵖ ⵎⴳⴰⵍ ⵓⴱⴻⴷⴷⴻⵍ ⵏ ⵓⴽⴰⴱⴰⴱ: ⴰⴷ ⴷ-ⵉⵍⵉⵏⵜ ⵜⵎⴻⵙⴽⴰⵙⵉⵏ (sanctions) ⵎⴳⴰⵍ ⵢⵉⵎⴻⵙⴳⴰⵍⴻⵏ ⵉ ⵢⴻⵜⵜⴰⵊⵊⴰⵏ ⴰⴽⴰⴱⴰⴱ-ⵏⵙⴻⵏ. ⴰⵎⴻⵙⴳⴰⵍ ⵉ ⵢⴻⵅⴷⴻⵎⵏ ⴰⵢⴰ ⴰⴷ ⵢⴻⵅⵚⴻⵔ ⵜⴰⵡⴰⵍⵉⵢⵜ-ⵉⵙ ⵜⴰⴼⵔⴰⵏⵜ (mandat) ⵢⴻⵔⵏⴰ ⴰⴷ ⵢⴻⵜⵜⵡⴰⵙⴼⴻⴹ ⵙⵉ ⵜⵍⴻⴳⴳⴰⵎⵜ ⵏ ⵓⴽⴰⴱⴰⴱ.
- ⴰⵙⴱⴻⴷⴷ ⵏ ⵢⵉⴽⴰⴱⴰⴱⴻⵏ: ⵍⵍⴰⵏ ⵛⵛⵔⵓⵟ ⵉⵎⴰⵢⵏⵓⵜⴻⵏ ⵉ ⵓⵙⴱⴻⴷⴷ ⴷ ⵓⵇⴱⴻⵍ ⵏ ⵢⵉⴽⴰⴱⴰⴱⴻⵏ, ⴷ ⵜⵣⵎⴻⵔⵜ ⵏ ⵓⵙⵉⵍⵉ ⵏ ⵜⵎⵓⵏⵏⵉⵡⵉⵏ (alliances) ⴷⴰⵅⴻⵍ ⵏ ⵢⵉⵡⴻⵏ ⵡⴻⴷⴷⴰⴷ ⵏ ⵍⵇⴰⵏⵓⵏ.
- ⴰⵜⴰⴱⴰⵄ ⴰⴷⵉⵎⵓⵇⵔⴰⵟⵉ: ⵍⵇⴻⴷⴷ ⵏ ⵡⴰⴽⵓⴷ ⵏ ⵓⵎⴹⴻⴱⴱⴻⵔ ⵏ ⵓⴽⴰⴱⴰⴱ ⵢⴻⵜⵜⵡⴰⵇⴻⴷⵄ ⵙ 5 ⵉⵙⴻⴳⴳⴰⵙⴻⵏ, ⵢⴻⵣⵎⴻⵔ ⴰⴷ ⵜ-ⵢⴻⵙⵎⴰⵢⵏⵓ ⵢⵉⵡⴻⵜ ⵏ ⵜⵉⴽⴽⴻⵍⵜ ⴽⴰⵏ, ⵉⵡⴰⴽⴽⴻⵏ ⴰⴷ ⵢⵉⵍⵉ ⵡⴻⴳⴳⵉⴷ (stabilité) ⴷⴰⵅⴻⵍ ⵏ ⵓⴽⴰⴱⴰⴱ.
- ⴰⵙⴻⴷⴷⴻⵔ ⴷ ⵜⵉⴼⴰⴼⴼⵉⵜ: ⵢⴻⵜⵜⵡⴰⵇⴷⴻⵄ ⵓⵙⴻⴷⴷⴻⵔ (financement) ⵏ ⴱⴻⵕⵕⴰ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵜⴻⵍⵡⵉⵢⵉⵏ ⴷ ⵜⵎⵓⵛⵛⵉⵡⵉⵏ ⵙ ⵜⵉⴼⴰⴼⴼⵉⵜ (transparence), ⵢⴻⵔⵏⴰ ⴰⴷ ⵢⵉⵍⵉ ⵓⵙⵉⵡⴻⴹ ⴰⴷⴰⵎⵙⴰⵏ ⴽⵓ ⴰⵙⴻⴳⴳⴰⵙ.
ⵍⴻⵛⵖⴰⵍ ⵏ ⵓⵙⵇⴻⵔⴷⴻⵛ ⵏ ⵓⵙⴻⵏⴼⴰⵔ-ⴰ ⴰⵇⵍ-ⵉⵜⴻⵏ ⴽⴻⵎⵎⵍⴻⵏ ⵙ ⵓⵙⴻⵍⵍⴻⴷ ⵖⴻⵔ ⵢⵉⵇⴻⵔⵔⴰⵢ ⵏ ⵢⵉⴳⵔⴰⵡⴻⵏ ⵏ ⵍⴱⴰⵔⵍⴰⵎⴰⵏ.
ⴰⵔⵏⵓ ⵖⴻⵔ
