ⵢⴻⵍⵍⴰ-ⴷ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⵙⵇⴰⵎⵓ ⵏ ⵍⵓⵎⵎⴰ, ⴰⵙⴱⴻⴷⴷⵉ ⵏ ⵜⴻⴳⵔⵓⵎⵎⴰ ⵏ ⵜⵎⴻⴷⴷⵓⴽⴽⵍⴰ ⵜⴰⴱⴰⵔⵍⴰⵎⴰⵏⵉⵜ ⴳⴰⵔ ⵍⴻⵣⵣⴰⵢⴻⵔ ⴷ ⵔⵔⵓⵙⵉⴰ, ⴰⵔⴰ ⵢⵉⵍⵉⵏ ⴷ ⴰⵎⴽⴰⵏ ⵏ ⵓⵎⵢⴻⴱⴷⴻⵍ ⵏ ⵔⵔⴰⵢ ⵖⴻⴼ ⵜⴰⵎⵙⴰⵍⵉⵢⵉⵏ ⵉ ⴷ-ⵉⵙⴷⵓⴽⴽⵓⵍⴻⵏ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⴷ ⵜⴰⵔⵔⴰⵢⵜ ⵉ ⵓⵏⵢⵓⴷⴷⵓ ⵏ ⵔⵔⴰⵢ ⴷⴻⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵓⵙⵇⴰⵎⵓ.
ⴷⴻⴳ ⵡⴰⵡⴰⵍ-ⵉⵙ, ⵙ ⵓⴷⴻⵎ ⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵍⵓⵎⵎⴰ ⵎⴰⵙⵙ ⵄⵣⵓⵓⵣ ⵏⴰⵙⵔⵉ, ⴰⵎⴰⵢⵓⵜ ⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵍⵓⵎⵎⴰ ⵢⴻⵟⵟⴼⴻⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵎⴰⵙⵙ ⵔⴰⴱⴰⵀ ⴱⴻⴳⵀⴰⵍⵉ, ⵢⴻⵏⵏⴰ-ⴷ ⴱⴻⵍⵍⵉ ⴰⵙⴱⴻⴷⴷⵉ ⵏ ⵜⴻⴳⵔⵓⵎⵎⴰ-ⴰⴳⵉ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵍⵯⴻⵀⴷ ⵉ ⵡⴰⵙⵙⴰⵖⴻⵏ ⵏ ⵜⵎⴻⴷⴷⵓⴽⴽⵍⴰ ⴷ ⵓⵎⵢⴻⵣⵣⵡⴻⵔ ⴳⴰⵔ ⵓⵙⵇⴰⵎⵓ ⵏ ⵍⵓⵎⵎⴰ ⴷ ⵓⴱⴰⵔⵍⴰⵎⴰⵏ ⵏ ⵔⵔⵓⵙⵉⴰ, ⴷ ⵓⵙⴰⵍⵉ ⵏ ⵓⴷⵉⵡⴻⵏ ⴳⴰⵔ ⵢⵉⵎⵓⵍⴰⵙ ⵏ ⵙⵏⴰⵜ ⵏ ⵜⵎⵓⵔⴰ-ⴰⴳⵉ, ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⴻⴼⵔⴻⵣ ⵜⵉⵣⵎⴻⵔⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⴰⵔⵍⴰⵎⴰⵏⵉⵜ ⴷⴻⴳ ⵓⴹⴼⴻⵔ ⵏ ⵡⴰⵙⵙⴰⵖⴻⵏ ⵏ ⵙⵏⴰⵜ ⵏ ⵜⵎⵓⵔⴰ.
ⵢⴻⵏⵏⴻⵔⵏⴰ-ⴷ ⴱⴻⵍⵍⵉ ⵜⴰⴳⵔⵓⵎⵎⴰ-ⴰⴳⵉ ⵏ ⵜⵎⴻⴷⴷⵓⴽⴽⵍⴰ ⴰⴷ ⵜⵉⵍⵉ ⴷ "ⴰⵎⴽⴰⵏ ⵏ ⵓⴷⵉⵡⴻⵏ ⴷ ⵓⵎⵢⴻⴱⴷⴻⵍ ⵏ ⵔⵔⴰⵢ ⴷ ⵜⵣⴻⵎⵎⴰⵔ ⵏ ⵓⵙⵙⵍⵉⴼ (ⵍⴻⴳⵉⵙⵍⴰⵜⵉⵠⴻ) ⴷⴻⴳ ⵜⴰⵎⵙⴰⵍⵉⵢⵉⵏ ⵉ ⴷ-ⵉⵙⴷⵓⴽⴽⵓⵍⴻⵏ ⵙⵏⴰⵜ ⵏ ⵜⵎⵓⵔⴰ, ⴷ ⵜⴰⵔⵔⴰⵢⵜ ⵉ ⵓⵏⵢⵓⴷⴷⵓ ⵏ ⵔⵔⴰⵢ ⴷⴻⴳ ⵓⴼⵔⴰⴳ ⴰⴳⵔⴰⵖⵍⴰⵏ ⴷ ⵡⵉⵏ ⵏ ⵜⵓⵎⵏⴰⵜ (ⵔéⴳⵉⵓⵏⴰⵍ), ⵉⵡⴰⴽⴽⴻⵏ ⴰⴷ ⴷ-ⵜⴱⵉⵏ ⵜⵛⵓⵔⴽⴻⵜ ⵜⴰⵔⵔⴰⵢⴰⵏⵜ ⵉ ⴷ-ⵉⵙⴷⵓⴽⴽⵓⵍⴻⵏ ⵍⴻⵣⵣⴰⵢⴻⵔ ⴷ ⵔⵔⵓⵙⵉⴰ".
ⵙⴻⴳ ⵜⴰⵎⴰ-ⵙ, ⴰⵎⵓⵍⴰⵙ ⵏ ⵜⵙⴰⴼⵉⵔⴰ ⵏ ⵔⵔⵓⵙⵉⴰ ⴷⴻⴳ ⵍⴻⵣⵣⴰⵢⴻⵔ, ⵉⵙⴱⴻⴳⴳⴻⵏ-ⴷ ⴱⴻⵍⵍⵉ ⵜⴰⵎⵓⵔⵜ-ⵉⵙ ⵜⴻⵡⵊⴻⴷ ⵉⵡⴰⴽⴽⴻⵏ ⴰⴷ ⵜⵙⵏⴻⵔⵏⵉ ⴰⵎⵢⴻⵣⵣⵡⴻⵔ ⴷ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⴰⴽⴽ ⵏ ⵢⵉⴷⵎⴰⵎⴻⵏ, ⵍⴰⴷⵖⴰ ⴷⴻⴳ ⵡⴰⵏⵏⴰⵔ ⵏ ⵓⴱⴰⵔⵍⴰⵎⴰⵏ, ⵉⵙⴱⴻⴳⴳⴻⵏ-ⴷ ⴰⵣⴰⵍ ⵏ ⵓⴱⴰⵔⵍⴰⵎⴰⵏ ⴷⴻⴳ ⵓⴹⴼⴻⵔ ⵏ ⵜⴷⵉⴱⵍⵓⵎⴰⵙⵉⵜ ⴷ ⵓⵚⴻⴳⴳⴻⵎ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵔⵔⵓⵙⵉⴰ.
ⴰⵔⵏⵓ ⵖⴻⵔ
