ⵍⵣⵣⴰⵢⴻⵔ ⵜⴰⵎⴰⵏⴻⵯⵜ – ⵢⴻⴱⴱⴻⵔⵔⴻⵒ-ⴷ ⵡⴰⵙⵉⵔⴰ ⴰⵖⴻⵍⵏⴰⵡ ⵏ ⵍⵃⴻⵊⵊ ⴷ ⵍⵄⵓⵎⵔⴰ, ⴰⵙⵙ-ⴰ ⵏ ⵜⵜⵍⴰⵜⴰ, ⵉ ⵎⴰⵕⵕⴰ ⵜⵉⵖⴻⵔⵎⴰⵏⵉⵏ ⴷ ⵢⵉⵖⴻⵔⵎⴰⵏ ⵉ ⵢⴻⵔⵣⴰ ⵍⵃⴻⵊⵊ ⵏ ⵓⵙⴻⴳⴳⴰⵙ-ⴰⴳⵉ (1447 ⵏ ⵍⵀⵉⵊⵔⴰ / 2026), ⵡⵉⴷ ⵓⵔ ⵄⴰⴷ ⵙⵙⴻⵔⵙⴻⵏ ⵉⴼⴰⵢⵍⴻⵏ-ⵏⵙⴻⵏ.
ⵢⴻⵙⵙⵓⵜⴻⵔ ⵡⴰⵙⵉⵔⴰ ⵙⴻⴳ ⵢⵉⵎⴷⴰⵏⴻⵏ-ⴰⴳⵉ ⴰⴷ ⵣⵣⴻⵔⴱⴻⵏ ⴰⴷ ⵇⴻⵔⵔⴱⴻⵏ ⵖⴻⵔ ⵜⵏⴻⴱⴷⴰⴷⵉⵏ ⵏ ⵜⵡⵉⵍⴰⵢⵉⵏ, ⵜⴷⴰⵢⵔⵉⵡⵉⵏ ⴷ ⵜⵎⴻⵏⵏⴰⴹⵉⵏ ⵏ ⵜⵏⴻⴱⴷⴰⴷⵜ ⵉⵇⴷⴻⵛⴻⵏ. ⵉⵙⵡⵉ-ⵙ ⴷ ⴰⵙⴻⵔⵙ ⵏ ⵢⵉⴼⴰⵢⵍⴻⵏ ⴷ ⵓⴽⴼⵓ ⵏ ⵎⴰⵕⵕⴰ ⵉⵙⵓⵔⴰ ⵢⴻⵔⵣⴰⵏ ⵜⴰⵡⵔⵉⵇⵜ ⵏ ⵓⴽⵛⵓⵎ .
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵯⵓ ⵏ ⵡⴰⵙⵉⵔⴰ, ⴰⵣⵎⴻⵣ ⴰⵏⴻⴳⴳⴰⵔⵓ ⵢⴻⵜⵜⵓⵙⴻⴳⴳⴻⵎ ⴰⵙⵙ ⵏ 07 ⵎⵖⴻⵔⴻⵙ 2026 ⵖⴻⴼ ⵜⵎⴻⵔⵡⴰⵢⵜ ⴷ ⵙⵏⴰⵜ (12:00) ⵏ ⵜⵣⴻⴳⵏⵉⵜ ⵏ ⵡⴰⵙⵙ.
ⵜⴰⴳⴳⴰⵔⴰ, ⴰⵙⵉⵔⴰ ⵢⴻⵙⵙⴻⴽⵜⴰ-ⴷ ⴱⴻⵍⵍⵉ ⵢⴻⵍⵀⴰ ⴰⴷ ⵇⴰⴷⵔⴻⵏ ⵢⵉⵎⴷⴰⵏⴻⵏ ⴰⵣⵎⴻⵣ-ⴰⴳⵉ ⵉ ⴷ-ⵢⴻⵜⵜⵓⵏⴻⴼⴽⴰⵏ. ⴰⵢⴰ ⵉ ⵡⴰⴽⴽⴻⵏ ⴰⴷ ⵅⴹⵓⵏ ⵉ ⵓⵄⵟⴻⵍ ⵉ ⵢⴻⵣⵎⴻⵔ ⴰⴷ ⵢⴻⴳ ⵛⵛⵡⴰⵍ ⴷⴻⴳ ⵓⵙⴻⴳⴳⴻⵎ ⵏ ⵢⵉⴹⵔⵉⵙⴻⵏ ⴷ ⵓⵀⴻⴳⴳⵉ ⵏ ⵜⵓⵣⵣⵢⴰ-ⴰⴳⵉ ⵖⴻⵔ ⵜⵎⵓⵔⵜ ⵜⵓⵇⴷⵉⵙⵜ.
ⴰⵔⵏⵓ ⵖⴻⵔ
