ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴼⴽⴰ ⵡⴰⵙⵉⵔⴰ ⴰⵖⴻⵍⵏⴰⵡ ⵏ ⵍⵃⴻⵊⵊ ⴷ ⵍⵄⵓⵎⵔⴰ, ⴷⴻⴳ ⵢⵉⵡⴻⵏ ⵡⴰⵍⵖⵓ ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵜⴰⵎⴻⵔⵡⴰⵢⵜ ⴷ ⵜⵣⴻⴳⵏⵉⵜ ⵏ ⵜⵎⴻⴷⴷⵉⵜ (15:30) ⵏ ⵡⴰⵙⵙ ⵏ 19 ⴼⵓⵔⴰⵔ ⴷ ⴰⵣⵎⴻⵣ ⴰⵏⴻⴳⴳⴰⵔⵓ ⵉ ⵡⴰⴽⴽⴻⵏ ⴰⴷ ⴼⴰⴽⴻⵏ ⵍⴻⵇⴷⵉⵛ ⵏ ⵓⵙⴻⴳⴳⴻⵎ ⵏ ⵢⵉⴹⵔⵉⵙⴻⵏ ⵏ ⵍⵃⴻⵊⵊ ⵏ ⵓⵙⴻⴳⴳⴰⵙ 2026 (1447 ⵏ ⵍⵀⵉⵊⵔⴰ).
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ-ⵏⵏⵉ, ⴰⵙⴱⴻⴷⴷ ⵏ ⵡⴰⴽⵓⴷ-ⴰⴳⵉ ⵢⵓⵙⴰ-ⴷ ⵎⴱⴰⵄⴻⴷ ⵡⴰⵍⵖⵓ ⵏ ⵣⵉⴽ ⵉ ⵢⴻⵔⵔⴰⵏ ⴰⵙⵙ ⵏ 19 ⴼⵓⵔⴰⵔ ⴷ ⴰⵙⵙ ⴰⵏⴻⴳⴳⴰⵔⵓ. ⴰⵙⵉⵔⴰ ⵢⴻⵙⵙⴻⴽⵏ-ⴷ ⴱⴻⵍⵍⵉ ⵖⴻⴼ ⵜⵎⴻⵔⵡⴰⵢⵜ ⴷ ⵜⵣⴻⴳⵏⵉⵜ (15:30) ⴰⴷ ⵜⴻⵇⵇⴻⵏ ⵜⴼⴰⵡⵜ ⵏ ⵓⵙⴻⴳⴳⴻⵎ.
ⴰⵙⴱⴻⴷⴷ ⵏ ⵡⴰⴽⵓⴷ-ⴰⴳⵉ ⵢⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵃⴻⴳⴳⵉ ⵏ ⵡⴰⴳⴳⵓⵔ ⵏ ⵔⴻⵎⴹⴰⵏ ⴰⵎⴻⴳⴳⴰⵣ, ⴷ ⵡⴰⵢⴻⵏ ⵢⴻⵙⵙⵓⵜⵓⵔ ⵏ ⵓⵙⴻⴳⴳⴻⵎ ⵓⵏⵚⵉⴱ ⴷ ⵓⵃⴰⴷⴰⵔ ⵏ ⵢⵉⵎⴻⵣⴷⴰⵖ.
ⴷⴻⴳ ⵓⵃⵔⵉⵛ-ⴰⴳⵉ, ⴰⵙⵉⵔⴰ ⵢⴻⵙⵙⵓⵜⴻⵔ ⵙⴻⴳ ⵎⴰⵕⵕⴰ ⵢⵉⵎⴷⴰⵏⴻⵏ ⵉ ⵢⴻⵔⵣⴰ ⵍⵃⴻⵊⵊ ⴰⴷ ⵣⵣⴻⵔⴱⴻⵏ ⵉ ⵡⴰⴽⴽⴻⵏ ⴰⴷ ⴽⴼⵓⵏ ⵉⵙⵓⵔⴰ ⵏ ⵜⵏⴻⴱⴷⴰⴷⵜ (administrative), ⵡⵉⴷ ⵏ ⵜⵣⵎⴻⵔⵜ, ⵢⴻⵔⵏⴰ ⴰⴷ ⴼⵔⴰⵢⴻⵏ ⴰⵜⵉⴳ (ⵙⵙⵓⵎⴰ) ⵏ ⵍⵃⴻⵊⵊ ⵓⵇⴱⴻⵍ ⴰⵣⵎⴻⵣ ⴷ ⵡⴰⴽⵓⴷ ⵉ ⴷ-ⵢⴻⵜⵜⵓⵏⴻⴼⴽⴰⵏ.
ⵜⴰⴳⴳⴰⵔⴰ, ⵡⴰⵍⵖⵓ ⵢⴻⵙⵙⴻⴽⵜⴰ-ⴷ ⵢⵉⵎⴻⵣⴷⴰⵖ ⴰⴽⴽⴻⵏ ⴰⴷ ⴹⴰⴼⴻⵔⵏ ⵢⵉⵙⴰⵍⵍⴻⵏ ⵏ ⵡⴰⵙⵉⵔⴰ ⴷⴻⴳ ⵡⴰⵍⴰⵜⴻⵏ ⵏ ⵓⵎⵢⴰⵡⴰⴹ ⵉ ⵡⴰⴽⴽⴻⵏ ⴰⴷ ⵥⵔⴻⵏ ⴽⵓⵍ ⴰⵎⴰⵢⵏⵓ ⵢⴻⵔⵏⴰ ⴰⴷ ⵇⴰⴷⵔⴻⵏ ⵜⵉⵏⴻⴹⴰⴼ ⴷ ⵡⴻⵡⴻⵍⵍⴻⵀ ⵉ ⴷ-ⵢⴻⵜⵜⵓⵏⴻⴼⴽⴰⵏ.
ⴰⵔⵏⵓ ⵖⴻⵔ
