ⴷⴻⴳ ⵡⴰⵏⵏⴰⵔ ⵏ ⵢⵉⵏⴻⴹⴰⴼ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵙⵙⴻⵍⵡⴰⵢ ⵓⵎⴻⵣⵡⴰⵔⵓ ⵏ ⵢⵉⵏⵖⵍⴰⴼⴻⵏ, ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ, ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⵏ ⵡⴰⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵙⵓⵎⴻⵔ. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵍⵇⴰⵏⵓⵏ ⵓⵟⵟⵓⵏ 22-18 ⵢⴻⵔⵣⴰⵏ ⴰⵙⵓⵎⴻⵔ ⴷⴻⴳ ⵜⵎⵓⵔⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵔⵣⴰ ⵍⴻⵇⴷⵉⵛ ⵏ ⵓⵙⴻⴼⵔⴻⵯ ⵏ ⵡⴰⵍⵍⴰⵍⴻⵏ ⵉⵖⴻⵍⵏⴰⵡⴻⵏ ⵉ ⴷ-ⵢⴻⵜⵜⴰⴽⴽⴻⵏ ⵜⴰⵍⵍⴻⵍⵜ ⵉ ⵡⵓⵙⵓⵎⴻⵔ, ⵉ ⵡⴰⴽⴽⴻⵏ ⴰⴷ ⵊⵊⴻⵀⴷⴻⵏ ⵢⴻⵔⵏⴰ ⴰⴷ ⵅⴷⴻⵎⴻⵏ ⵙ ⵜⵎⵓⵙⵏⵉ ⵜⴰⵎⴻⵇⵇⵔⴰⵏⵜ. ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⴰⵙⵇⴰⵎⵓ ⵢⴻⵅⴷⴻⵎ ⵖⴻⴼ ⵡⴰⵎⴻⴽ ⴰⵔⴰ ⵢⴻⵜⵜⵓⵙⴻⴷⵎⴻⵔ ⵍⵇⴰⵏⵓⵏ-ⴰⴳⵉ ⴷ ⵡⴰⵎⴻⴽ ⴰⵔⴰ ⵙⵙⴻⴳⴳⵎⴻⵏ ⵍⵃⴰⵍⴰ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⵜⴰⵢⵏⵉⵜ ⵉ ⵍⴻⴱⵖⵉ ⴷ ⵓⵙⵙⵉⵔⴻⵎ ⵏ ⵡⵉⴷ ⵢⴻⴱⵯⴰⵏ ⴰⴷ ⵙⵙⴻⴽⵛⴻⵎⴻⵏ ⴰⴷⵔⵉⵎ-ⵏⵙⴻⵏ ⴷⴻⴳ ⵢⵉⵙⴻⵏⴼⴰⵔⴻⵏ ⴷⴻⴳ ⵍⵣⵣⴰⵢⴻⵔ.
ⴷⴻⴳ ⵜⵉⴳⵏⵉⵜ-ⴰⴳⵉ ⴷⴰⵖⴻⵏ, ⴱⴻⵔⵔⴻⵃⵏ-ⴷ ⵓⵏⵚⵉⴱ ⵖⴻⴼ ⵓⵀⴻⴳⴳⵉ ⵏ "ⵜⵖⴻⵔⵜ ⵜⴰⵖⴻⵍⵏⴰⵡⵜ ⵏ ⵓⵙⵓⵎⴻⵔ". ⵜⴰⵖⴻⵔⵜ-ⴰⴳⵉ ⵜⴻⴱⵯⴰ ⴰⴷ ⵜⴻⵔⵔ ⵍⵣⵣⴰⵢⴻⵔ ⴷ ⵜⴰⵎⵓⵔⵜ ⵢⴻⵍⵀⴰⵏ ⵉ ⵡⵓⵙⵓⵎⴻⵔ ⵢⴻⵔⵏⴰ ⴰⴷ ⵜⴻⵡⵡⴻⵍⵀⴻⴷ ⴰⴱⵔⵉⴷ ⵏ ⵜⴷⴰⵎⵙⴰ ⵖⴻⴼ ⵍⵡⴻⵇⵜ ⴰⵏⴰⵎⵎⴰⵙ ⴷ ⵓⴽⵓⵢⴰⵏ
ⵜⴰⴳⴳⴰⵔⴰ, ⵜⵉⵎⵍⵉⵍⵉⵜ-ⴰⴳⵉ ⵜⴻⵙⴽⴰⵏⴰⵢ-ⴷ ⵍⴻⵇⴷⵉⵛ ⵏ ⵜⵏⴻⴱⴱⴰⴹⵜ ⵉ ⵡⴰⴽⴽⴻⵏ ⴰⴷ ⵜⴻⵙⵊⴻⵀⴻⴷ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴰⴷ ⵜⴻⵍⴷⵉ ⵜⵉⴱⵓⵔⴰ ⵉ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⵉ ⵢⴻⵜⵜⴰⵡⵉⵏ ⵖⴻⵔ ⵓⵏⴻⴳⵎⵓ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
