ⵢⴻⵙⵙⴻⵍⵡⴰⵢ ⴰⵙⵙ-ⴰ ⵏ ⵜⵜⵍⴰⵜⴰ ⵓⵏⴻⵖⵍⴰⴼ ⵏ ⵜⴰⵣⵣⵉⵜ, ⵎⴰⵙⵙ ⵎⵓⵀⴰⵎⴻⴷ ⵙⴻⴷⴷⵉⵇ ⴰïⵜ ⵎⴻⵙⵙⴰⵓⵓⴷⴰⵏ, ⴰⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⴰⵣⵣⵉⵜ, ⵙ ⴷⴷⴰⵡ ⵏ ⵓⵣⴻⵏⵣⵉⵖ ⴰⵎⴰⴹⵍⴰⵏ: "ⴷⴷⵓⴽⴽⴻⵍ ⵖⴻⴼ ⵜⴰⵣⵣⵉⵜ, ⵙⴷⴻⴳⴳⴻⵔ ⵜⵓⵙⵙⵏⴰ", ⴷ ⵓⵣⴻⵏⵣⵉⵖ ⴰⵖⴻⵍⵏⴰⵡ: "ⵜⴰⵔⵇⵎⵉⵜ ⴷ ⴰⵎⴼⵓⵕ ⵉ ⵜⴰⵣⵣⵉⵜ ⵉⴶⴻⵀⴷⴻⵏ ⵓ ⵏⴼⴰⵄⴻⵏ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ ⴰⵙⴻⵏⵜⴻⵍ ⵏ ⵓⵙⴻⴳⴳⴰⵙ-ⴰⴳⵉ ⵉⵙⵔⴻⵚ-ⴷ ⵖⴻⴼ ⵙⵏⴰⵜ ⵏ ⵜⵎⵓⵖⵍⵉⵡⵉⵏ: ⴰⵙⴻⴶⵀⴻⴷ ⵏ ⵓⵎⴹⴰⵎⴰⵏ ⴰⴳⵔⴻⵖⵍⴰⵏ ⴷ ⵓⵙⵏⴻⴼⵍⵉ ⵏ ⵏⴼⴰⵄ ⵏ ⵜⵔⵉⵔⵉⵜ ⵣⴷⴰⵜ ⵏ ⵢⵉⵎⵉⵀⵉⵢⴻⵏ ⵏ ⵜⴰⵣⵣⵉⵜ ⵉⵣⴻⴳⵔⴻⵏ ⵜⵉⵍⵉⵙⴰ, ⴷⴻⴳ ⵜⴰⵍⵍⵉⵜ ⵏ ⵢⵉⴽⴰⵢⴰⴷⴻⵏ ⵏ ⵜⴰⵣⵣⵉⵜ ⵉ ⵉⵜⴻⴷⴷⵓⵏ ⴷⴻⴳ ⵓⵙⵡⵉⵔ ⴰⵎⴰⴹⵍⴰⵏ.
ⵉⵙⴽⴰⵏ-ⴷ ⴷⴰⵖⴻⵏ ⵡⴰⵙⵙ-ⴰⴳⵉ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵜⴰⴳⴳⴰⵔⴰ ⵏ ⵓⵙⵉⵡⴹ — ⴰⵣⴰⵍ ⵏ ⵓⵃⵔⴰⵣ ⵏ ⵢⵉⵎⴻⵣⵣⵓⵍⴰⵏⴻⵏ ⵏ ⵜⴰⵣⵣⵉⵜ ⴷ ⵓⵙⴰⵜⵉⴳ ⵏ ⵓⵎⴰⵀⵉⵍ-ⵏⵙⴻⵏ, ⴷ ⵓⴷⴻⴳⴳⴻⵔ ⵏ ⵓⵏⴰⴷⵉ ⴰⵎⴰⵙⵙⴰⵏ ⴷ ⵓⵙⵏⵓⵍⴼⵓ, ⴷ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵜⵎⵓⵔⴰ ⴷ ⵜⵎⵓⵙⵏⵉⵡⵉⵏ ⵏ ⵜⴰⵣⵣⵉⵜ, ⵙ ⵓⵕⵓⵚⵓ ⵏ ⵜⴻⴼⵍⴻⵙⵜ ⴷⴻⴳ ⵜⵓⵙⵙⵏⴰ ⴰⵎ ⵍⵍⵙⴰⵙ ⵉⵕⴻⵙⵙⴰⵏ ⵉ ⵓⵃⵔⴰⵣ ⴷ ⵓⵊⵊⴻⵢ.
ⴰⵔⵏⵓ ⵖⴻⵔ
