ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵓⵎⴰⵏⴰⵢ ⴰⵎⴰⵜⴰ ⵏ ⵣⵉⴽ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ONU), ⵎⴰⵙⵙ ⴱⴰⵏ ⴽⵉ ⵎⵓⵓⵏ. ⴰⵎⴻⴳⴳⴰⵔⵉ-ⴰⴳⵉ ⵢⵓⵙⴰ-ⴷ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵜⵓⵏⵚⵉⴱⵜ ⵖⴻⵔ ⵍⴻⵣⵣⴰⵢⴻⵔ ⵙ ⵙⵙⵢⵉⴼⴰ-ⵙ ⵏ ⵓⵙⴻⵍⵡⴰⵢ ⵏ ⵜⵙⴻⵎⵎⵓⵏⵜ ⵜⴰⵎⴰⵜⵓⵜ ⴷ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵏ ⵓⵎⴰⵄⵀⴻⴷ ⴰⵎⴰⴹⵍⴰⵏ ⵉ ⵓⵙⵏⴻⴼⵍⵉ ⴰⵣⴻⴳⵣⴰⵡ (GGGI), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⴷⴻⴳ ⵜⴰⵍⵍⵉⵜ-ⴰⴳⵉ, ⴰⵃⵎⴻⴷ ⴰⵟⵟⴰⴼ ⵢⴻⵅⴷⴻⵎ ⵜⵉⵎⵍⵉⵍⵉⵜ ⵡⴻⵃⴷ-ⴻⵙ ⴷ ⴱⴰⵏ ⴽⵉ ⵎⵓⵓⵏ, ⵙⴻⵍⴷ-ⴰⵙ ⴷⴷⴰⵏ-ⴷ ⵢⵉⵎⴻⵙⵍⴰⵢⴻⵏ ⵡⴻⵙⵙⵉⵄⴻⵏ ⵉ ⴷⴻⴳ ⵜⵜⴻⴽⴽⴰⵏ ⵢⵉⵎⴰⵙⵍⴰⴷⴻⵏ ⵏ ⵙⵏⴰⵜ ⵏ ⵜⴰⵔⴱⴰⵄⵉⵏ.
ⵜⵉⵎⵍⵉⵍⵉⵢⵉⵏ-ⴰⴳⵉ ⵍⵍⴰⵏⵜ ⴷ ⵜⴰⴳⵏⵉⵜ ⵉ ⵓⵇⴻⵔⴷⴻⵛ ⵏ ⵜⴰⵔⵔⴰⵢⵉⵏ ⵏ ⵓⵣⴻⴶⴶⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵓⵎⴰⵄⵀⴻⴷ ⴰⵎⴰⴹⵍⴰⵏ ⵉ ⵓⵙⵏⴻⴼⵍⵉ ⴰⵣⴻⴳⵣⴰⵡ, ⴷⴻⴳ ⵓⴱⵔⵉⴷ ⵏ ⵓⵙⵎⴻⴷ ⵏ ⵜⵉⴳⴳⴰⵜⵉⵏ ⵢⴻⵄⵏⴰⵏ ⵓⵍⴷⴰⵢ ⵏ ⵓⴱⵉⵕⵓ ⵏ ⵜⵓⴷⴷⵙⴰ-ⴰⴳⵉ ⴷⴻⴳ ⵍⴻⵣⵣⴰⵢⴻⵔ. ⴰⵢⴰⴳⵉ ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵓⵙⴻⴶⵀⴻⴷ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ (durable), ⵜⴰⵎⴰⵏⴻⴳⵜ ⵏ ⵡⵓⵞⵞⵉ, ⴰⵃⵔⴰⵣ ⵏ ⵜⴰⵡⵏⵏⴰⴹⵜ, ⴰⵙⵏⴻⴼⵍⵉ ⵏ ⵜⴷⴰⵎⵙⴰ ⵜⴰⵣⴻⴳⵣⴰⵡⵜ, ⴰⵙⴻⴼⵔⴻⴽ ⵏ ⵡⴰⵎⴰⵏ ⴷ ⵓⵙⴰⵍⵉ ⵏ ⵓⵙⴻⵎⵔⴻⵙ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ.
ⴷⴰⵖⴻⵏ, ⵙⵉⵏ ⵏ ⵢⵉⴽⵓⴱⴰⵔ ⵎⵓⴱⴱⴰⴷⴷⴻⵍⴻⵏ ⵜⵎⵓⵖⵍⵉⵡⵉⵏ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ — ⵖⴻⴼ ⵢⵉⵙⵏⵉⵢⴰⵍⴻⵏ ⵏ ⵓⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴻⵍⴽⴻⵎ ⵏ ⵡⴰⵀⵉⵍⴻⵏ ⵏ ⵓⵎⴰⵄⵀⴻⴷ ⴷⴻⴳ ⵜⴻⴼⵔⵉⵇⵜ ⴷ ⵓⵎⴰⴹⴰⵍ ⴰⵄⵔⴰⴱ. ⴰⵢⴰⴳⵉ ⵉⵜⴻⴷⴷⵓ ⴷ ⵓⵎⴰⵀⵉⵍ ⵉⵕⴻⵙⵙⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⴷⴻⴳⴳⴻⵔ ⵏ ⵓⵎⵢⴻⵛⵛⴻⵔ "ⵓⵏⵥⵓⵍ-ⵓⵏⵥⵓⵍ" ⴷ ⵓⵃⵓⴷⴷⵓ ⵖⴻⴼ ⵍⵍⵙⴰⵙⴻⵏ ⵏ ⵜⵜⴰⴳⴷⴰ ⵏ ⵜⴰⵡⵏⵏⴰⴹⵜ ⴷ ⵓⵙⴻⴶⵀⴻⴷ ⵏ ⵓⵙⵉⴷⵔⴻⵡ ⵏ ⵜⵎⴻⵏⵏⴰⵟ.
ⴰⵔⵏⵓ ⵖⴻⵔ
