ⵢⴻⵅⴷⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵙⵢⵓⵍ (Seoul), ⵉⵎⴻⵙⵍⴰⵢⴻⵏ ⵏ ⵙⵉⵏ ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⵜⴻⴳⴷⵓⴷⴰ ⵏ ⵏⵉⵊⴻⵔⵢⴰ ⵜⴰⴼⵉⴷⵉⵔⴰⵍⵉⵜ ⵜⵉⵙⵏⵉⵜ, ⵎⴰⵙⵙⴰ ⴱⵉⴰⵏⴽⴰ ⵓⴷⵓⵎⴻⴳⵡⵓ ⵓⵊⵓⴽⵡⵓ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵔⵔⵉⴼ ⵏ ⵓⵜⴻⴽⴽⵉ-ⵉⵙ ⴷⴻⴳ ⵉⵎⴰⵀⵉⵍⴻⵏ ⵏ ⵜⴻⵎⵍⵉⵍⵉⵜ ⵏ ⵢⵉⵏⴻⵖⵍⴰⴼⴻⵏ ⵏ ⵜⴷⵓⴽⵍⵉ ⴳⴰⵔ ⵜⴻⴼⵔⵉⵇⵜ ⴷ ⵜⴻⴳⴷⵓⴷⴰ ⵏ ⴽⵓⵔⵢⴰ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⴰⵍⵍⵉⵜ ⵏ ⵜⴻⵎⵍⵉⵍⵉⵜ-ⴰⴳⵉ, "ⴰⵏⴻⵖⵍⴰⴼ ⴰⵃⵎⴻⴷ ⴰⵟⵟⴰⴼ ⵉⵄⴰⵡⴻⴷ ⵉⵙⵙⴻⴱⵕⴻⴽ ⵉ ⵓⵏⵉⵍⵖⴰⴼ-ⵉⵙ ⵏ ⵏⵉⵊⴻⵔⵢⴰ ⵙⴻⵍⴷ ⵎⵉ ⵜⴻⵜⵜⵡⴰⵙⴱⴻⴷⴷ ⴷⴻⴳ ⵓⵇⴻⵔⵔⵓ ⵏ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⵜⵎⵓⵔⵜ-ⵉⵙ. ⴷⴰⵖⴻⵏ, ⵎⵎⴻⵙⵍⴰⵢⴻⵏ ⵖⴻⴼ ⵢⵉⵙⵏⵉⵢⴰⵍⴻⵏ ⵏ ⵓⵣⴻⴶⴶⴻⴷ ⵏ ⵡⴰⵙⵙⴰⵖⴻⵏ ⵉⴼⴰⵣⴻⵏ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
"ⴷⴰⵖⴻⵏ, ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⵇⴻⵔⴷⵛⴻⵏ ⵢⴰⴽⴽ ⵉⴱⴻⴷⴷⵉⵍⴻⵏ ⵏ ⵜⵓⵔⴰ ⴷⴻⴳ ⵜⴻⵎⵏⴰⵟ ⵏ ⵙⴰⵃⴻⵍ ⴷ ⵓⵏⴻⵥⵔⵓⴼ, ⴷ ⵜⴰⵔⵔⴰⵢⵉⵏ ⵏ ⵓⵜⴻⴽⴽⵉ ⴰⵎⴻⵣⴷⴰⵢ ⵉ ⵓⵙⴻⴶⵀⴻⴷ ⵏ ⵍⴻⵀⵏⴰ ⴷ ⵓⵙⵏⴻⴼⵍⵉ ⴷⴻⴳ ⵓⵎⵔⴰⵃ-ⴰⴳⵉ. ⴰⵢⴰⴳⵉ ⵙ ⵓⴱⵔⵉⴷ ⵏ ⵓⴽⴻⵎⵎⴻⵍ ⵏ ⵢⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ (structurants) ⵢⴻⵙⵄⴰⵏ ⵓⴷⴻⵎ ⵏ ⵓⵙⵉⴷⵔⴻⵡ (intégration)", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ.
ⴰⵔⵏⵓ ⵖⴻⵔ
