ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⵎⴰⵍⵉⴽⴰ ⴱⴻⵏⴷⵓⴷⴰ, ⴱⴻⵍⵍⵉ ⵜⴻⵜⵜⴻⴳⴳ ⴰⵀⵉⵍ ⵓⵙⵍⵉⴳ ⵉ ⵓⵙⴷⵓⵙ ⵏ ⵜⵎⵏⴰⴹⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵏⵥⵓⵍ, ⵉ ⵡⴰⴽⴽⴻⵏ ⴰⴷ ⵜⵙⵎⴻⵔⵎⴻⵔ ⴰⵙⴰⵢⴻⵙ ⴰⴷⴻⵍⵙⴰⵏ ⴷⵉⵙⵏⵜ, ⵜⴻⴼⴽⴰ ⵜⴰⵍⵍⴰⵍⵜ ⵉ ⵜⵉⴷⵓⴽⵍⵉⵡⵉⵏ ⴷ ⵜⵎⵓⵔⵙⴰⵍ ⵜⵉⴷⴻⵍⵙⴰⵏⵉⵏ, ⵉ ⵡⴰⴽⴽⴻⵏ ⴰⴷ ⵜⵙⵏⴻⵔⵏⵉ ⴰⵙⵏⵓⵍⴼⵓ ⴰⴷⵉⴳⴰⵏ ⴷ ⵓⵙⴷⵓⵙ ⵏ ⵜⵎⴰⵍⴰⵢⵉⵏ ⵜⵉⴷⴻⵍⵙⴰⵏⵉⵏ ⴷⴻⴳ ⵜⵎⵏⴰⴹⵉⵏ-ⴰ ⵜⵉⵎⴰⵢⵏⵓⵜⵉⵏ.
ⵜⴻⵏⵏⴰ-ⴷ ⴱⴻⵏⴷⵓⴷⴰ ⴷⴻⴳ ⵜⴻⵎⵍⵉⵍⵉⵢⵉⵏ ⵏ ⵓⵙⴻⵍⴽⴻⵏ ⵏ ⵢⵉⵏⴻⵎⵀⴰⵍⴻⵏ ⵉⵡⴻⵍⴰⵢⵉⵢⴻⵏ ⴷ ⵜⵎⵓⵔⵙⴰⵍ ⵜⵉⴷⴻⵍⵙⴰⵏⵉⵏ, ⴷⴻⴳ ⵜⴻⵎⵍⵉⵍⵉⵜ ⵜⵉⵙ ⵙⵏⴰⵜ ⵉ ⴷ-ⵢⴻⵍⵍⴰⵏ ⴷⴻⴳ ⵓⵇⵚⴰⵔ ⵏ ⵢⵉⴷⵍⴻⵙ "ⵎⵓⴼⴷⵉ ⵣⴰⴽⴰⵔⵢⴰ", ⵉ ⵓⵙⴻⵍⴽⴻⵏ ⵏ ⵜⵎⵏⴰⴹⵉⵏ ⵜⵉⵎⴰⵢⵏⵓⵜⵉⵏ ⵎⵔⴰⵡ (10): ⵜⵉⵎⵉⵎⵓⵏ, ⴱⵓⵔⴶ ⴱⴰⴶⵉ ⵎⵓⵅⵜⴰⵔ, ⴰⵜ ⴶⴻⵍⵍⴰⵍ, ⴱⵏⵉ ⵄⴻⴱⴱⴰⵙ, ⵄⵉⵏ ⵚⴰⵍⴻⵃ, ⵄⵉⵏ ⵇⴻⵣⵣⴰⵎ, ⵜⵓⵇⵓⵔⵜ, ⴶⴰⵏⴻⵜ, ⵍⵎⵖⵉⵔ, ⴷ ⵍⵎⴻⵏⵉⵄⴰ. ⵜⴻⵙⵙⴻⴽⵏ-ⴷ ⴱⴻⵍⵍⵉ ⵜⴰⵏⴻⵖⵍⴰⴼⵜ ⵜⴻⴼⴽⴰ ⵜⴰⵣⵡⴻⵔⵜ ⵉ ⵓⵙⵏⴻⵔⵏⵉ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ ⴷⴻⴳ ⵜⵎⵏⴰⴹⵉⵏ-ⴰ, ⵉ ⵡⴰⴽⴽⴻⵏ ⴰⴷ ⵜⴷⴷⵓ ⴷ ⵜⵎⵓⵖⵍⵉ ⵏ ⵓⵡⴰⵏⴻⴽ ⵖⴻⴼ ⵓⴱⵟⵓ ⴰⴷⴻⴱⵍⴰⵏ ⴰⵎⴰⵢⵏⵓ, ⴷ ⵓⵙⴹⴻⵎⵏ ⵏ ⵓⵎⵙⴰⵙⴰ ⵏ ⵜⵏⴻⴼⵍⵉⵜ ⵜⴰⴷⴻⵍⵙⴰⵏⵜ.
ⵜⴰⵏⴻⵖⵍⴰⴼⵜ ⵜⴹⴻⴼⴼⴻⵔ ⴰⴽⴽ ⵜⵉⵛⴻⵇⵇⵓⴼⵉⵏ ⵏ ⵓⵅⴻⴷⴷⵉⵎ, ⵜⴻⵙⵍⴰ ⵉ ⵢⵉⵎⴻⴽⵏⴰⵢⴻⵏ, ⵜⴻⵥⵔⴰ ⴰⴽⴽ ⴰⵢⴻⵏ ⵉ ⵢⴻⵛⵖⴻⵍⵏ ⵢⵉⵏⴻⵎⵀⴰⵍⴻⵏ ⵏ ⵢⵉⴷⵍⴻⵙ ⴷⴻⴳ ⵜⵎⵏⴰⴹⵉⵏ-ⴰ.
ⵜⴻⵙⵙⴻⴽⵏ-ⴷ ⵓⵍⴰ ⴷ ⴰⵣⴰⵍ ⵏ ⵓⵙⴻⵍⴽⴻⵏ ⵏ ⵓⵏⵏⴰⵔ ⴷ ⵓⵎⵛⴰⵡⴰⵔ ⴰⵙⵔⵉⴷ, ⴰⵎ ⵜⴰⵍⵜⴰⵖⵜ ⵉ ⵓⵙⵓⴼⵖⴻⵏ ⵏ ⵜⵎⵓⵖⵍⵉⵡⵉⵏ ⵏ ⵓⵅⴻⴷⴷⵉⵎ ⵉ ⵓⵙⵎⵓⵜⵜⴻⵢ ⵏ ⵜⵓⵎⴰⵏⵜ, ⴷ ⵓⵙⴷⵓⵙ ⵏ ⵜⵏⴻⴼⵍⵉⵜ ⵜⴰⴷⴻⵍⵙⴰⵏⵜ ⵉ ⵡⴰⴽⴽⴻⵏ ⴰⴷ ⵜⵎⵙⴰⵙⴰ ⴷ ⵜⵓⵎⴰⵏⵜ ⵏ ⵜⵎⵏⴰⴹⵉⵏ-ⴰ ⴷ ⵡⴰⵢⴻⵏ ⵓⵔⴶⴰⵏ ⵢⵉⵎⴻⵣⴷⴰⵖ-ⵉⵙ.
ⴰⵔⵏⵓ ⵖⴻⵔ
