ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴷⴷⵉⵏ ⴷ ⵍⵡⴰⵇⴼ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⴰⵎⴻⵖⵔⴰ ⵏ ⵜⴰⴳⴳⴰⵔⴰ ⵏ ⵢⵉⵎⴻⵀⵍⴰⵏ ⵏ ⵜⵙⴻⵎⵓⵢⵜ ⵏ ⵜⴰⵢⴻⵔⵣⴰ (2025/2026) ⵏ ⵡⴰⵎⵎⴰⵙ ⵏ ⵜⴰⵢⴻⵔⵣⴰ ⵉⵏⴻⵙⵍⴻⵎ (ⵛⵛⵉ) ⴷ ⵢⵉⴼⵓⵔⵓⵄ-ⵉⵙ ⴷⴻⴳ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⴷⴻⴳ ⵡⴰⵡⴰⵍ ⵉ ⴷ-ⵢⴻⴼⴽⴰ ⴷⴻⴳ ⵜⴻⵎⵍⵉⵍⵉ-ⴰⴳⵉ ⵉ ⴷ-ⵢⵓⵙⴰⵏ ⴷ ⵓⴽⵜⴰⵢ ⵏ ⵓⵎⵓⵍⵍⵉ ⵡⵉⵙ 64 ⵏ ⵜⵎⵓⵏⴻⵏⵜ, ⴰⵏⴻⵖⵍⴰⴼ ⵢⴻⵙⵙⴻⵏⵜⴻⵎ ⴱⴻⵍⵍⵉ ⴰⵎⵎⴰⵙ ⵏ ⵜⴰⵢⴻⵔⵣⴰ ⵉⵏⴻⵙⵍⴻⵎ ⴷ "ⵍⵙⴰⵙ ⴰⵎⴻⵇⵇⵔⴰⵏ ⵉ ⵓⵙⴻⵍⵍⴻⴽ ⵏ ⵔⵔⵉⵙⴰⵍⴰ ⵏ ⵓⵃⵔⵉⵛ ⵉ ⵓⵞⵀⴻⴷ ⵏ ⵍⵍⵙⴰⵙ ⵏ ⴷⴷⵉⵏ ⴰⵖⴻⵍⵏⴰⵡ ⴷ ⵓⴱⴻⵇⵇⴻⵙ ⵏ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ".
ⵉⵙⴻⴳⵣⵉ-ⴷ ⴱⴻⵍⵎⴻⵀⴷⵉ ⴱⴻⵍⵍⵉ ⴰⵎⵎⴰⵙ-ⴰⴳⵉ ⵉⵅⴷⴻⵎ ⴰⵎⴻⵀⵍⴰⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⴷ ⵜⵎⴻⵣⴳⵉⴷⴰ ⴷ ⵓⵖⴻⵔⴱⴰⵣ ⵏ ⵍⵇⵓⵔⴰⵏ, ⵉ ⵓⵟⵎⴰⵏ ⵏ ⵢⵉⵙⵓⵢⴰⵙ ⵏ ⵓⵙⵉⵍⴻⵖ, ⵜⵓⵙⵙⵏⴰ ⴷ ⵓⵏⵢⵓⴷⵓ ⵉ ⵢⴰⵍ ⵜⴰⴳⴳⴰⵢⵜ ⵏ ⵜⵎⴻⵜⵜⵉ, ⵍⴰⴷⵖⴰ ⵢⵉⵍⵎⴻⵣⵢⴻⵏ.
ⴰⵏⴻⵖⵍⴰⴼ ⵢⴻⵙⴱⴻⴷⴷ ⴰⵡⴰⵍ ⵖⴻⴼ ⵏⴼⴰⵄ ⵏ "ⵓⴱⴻⴳⴳⴻⵏ ⵏ ⵍⵇⵉⵎⴰ ⵏ ⵢⵉⵏⴻⵙⵍⴻⵎ", ⵢⴻⵙⵙⴰⵡⴻⵍ ⵉ "ⵡⴻⵙⵏⴻⵔⵏⵉ ⵏ ⵢⵉⵙⴰⵍⵍⴻⵏ ⵏ ⵜⴰⵢⴻⵔⵣⴰ ⵏ ⵡⴰⵎⵎⴰⵙⴻⵏ-ⴰⴳⵉ ⵉⵡⴰⴽⴽⴻⵏ ⴰⴷ ⵙⴼⴻⵔⵣⴻⵏ ⴰⵎⴻⵙⵍⴰⵢ ⵉ ⵢⵉⵍⵎⴻⵣⵢⴻⵏ".
ⵢⴻⵙⵙⴰⵡⴻⵍ ⴷⴰⵖⴻⵏ ⵉ "ⵡⴻⵙⵙⴻⵣⵔⴻⵄ ⵏ ⵢⵉⵎⴻⵀⵍⴰⵏ ⵏ ⵡⴰⵎⵎⴰⵙ ⴷ ⵢⵉⴼⵓⵔⵓⵄ-ⵉⵙ ⵉ ⵓⴹⴼⴰⵔ ⵏ ⵡⴰⵀⵉⵍⴻⵏ ⵏ ⵜⵎⵓⵔⵜ ⵏ ⵓⵙⵎⴻⴽⵜⴰⵢ ⴷ ⵓⵏⵎⴻⵜⵜⵉ, ⵍⴰⴷⵖⴰ ⴷⴻⴳ ⵡⴰⵏⵏⴰⵔ ⵏ ⵓⵃⵔⴰⵣ ⵏ ⵜⵡⴻⵏⵏⴰⴹⵜ, ⴰⵅⴻⴷⴷⵉⵎ ⵏ ⵜⵙⴻⴱⴱⵉⵜ (ⵠⵓⵍⵓⵏⵜⴰⵔⵉⴰⵜ)".
ⴰⵔⵏⵓ ⵖⴻⵔ
