ⴼⵉⵍⵉⴱⴱⴻ ⵍⴰⵣⵣⴰⵔⵉⵏⵉ, ⴰⵎⴷⴻⴱⴱⴻⵕ ⴰⵎⴰⵜⵓ ⵏ ⵜⵓⴷⴷⵙⴰ ⵏ "ⵓⵏⵔⵡⴰ", ⵢⴻⵏⵏⴰ-ⴷ ⴱⴻⵍⵍⵉ ⵓⴳⴰⵔ ⵏ 600.000 ⵏ ⵢⵉⴳⴻⵔⴷⴰⵏ ⴷⴻⴳ ⵖⴰⵣⴰ ⵓⵔ ⵅⴻⴷⴷⵉⵎⴻⵏ ⴰⵔⴰ ⵓⵍⵎⴰⴷ ⵓⵏⵚⵉⴱ ⵓⴳⴰⵔ ⵏ ⵙⵉⵏ ⵉⵙⵙⴻⴳⴳⵡⴰⵙⴻⵏ. ⴰⵢⴰⴳⵉ ⴷ ⵍⵊⴰⵍ ⵏ ⵍⵓⵓⴷ ⵏ ⵍⴻⴱⵏⵉ ⴷ ⵜⴻⴳⵏⵉⵜ ⵏ ⵍⵃⵉⴼ ⵉ ⴷ-ⵉⵊⵊⴰ ⵓⴱⴻⵣⵣⵓⵍ ⵏ ⵓⴷⴰⴱⵓ ⵏ ⵉⵙⵔⴰⵢⴻⵍ ⵖⴻⴼ ⵜⵓⵎⵏⴰⵏⵜ-ⴰⴳⵉ.
ⵍⴰⵣⵣⴰⵔⵉⵏⵉ ⵢⴻⵏⵏⴰ-ⴷ ⴷⴻⴳ ⵓⵣⴻⵟⵟⴰ ⵏ ⵜⵎⴻⵜⵜⵉ ⴱⴻⵍⵍⵉ ⴰⵔⵔⴰⵡ-ⴰⴳⵉ ⴷⴷⵔⴻⵏ ⴷⴻⴳ ⵍⵅⵓⴼ ⴷ ⵍⵃⵉⴼ ⴰⵎⴻⵇⵇⵔⴰⵏ ⴳⴰⵔ ⵢⴻⵔⴷⵉⵎⴻⵏ, ⵢⴻⵔⵏⴰ ⵜⴰⵡⵓⵔⵉ ⵜⴰⵎⴻⵣⵡⴰⵔⵓⵜ ⵏ "ⵓⵏⵔⵡⴰ" ⵜⵓⵔⴰ ⴷ ⴰⵙⵓⵖⴰⵍ ⵏ ⵢⵉⴳⴻⵔⴷⴰⵏ-ⴰⴳⵉ ⵖⴻⵔ ⵜⵏⴻⵢⴱⴰ ⵏ ⵓⵍⵎⴰⴷ ⵉⵚⴻⴼⴼⴰⵏ.
ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵜⵓⵔⴰ ⵍⵍⴰⵏ 65.000 ⵏ ⵢⵉⴳⴻⵔⴷⴰⵏ ⴷⴻⴳ ⵉⵎⵓⴽⴰⵏ ⵏ ⵓⵍⵎⴰⴷ ⵏ "ⵓⵏⵔⵡⴰ" ⴷⵉ ⵖⴰⵣⴰ, ⵢⴻⵔⵏⴰ ⵍⵍⴰⵏ ⵎⴱⴻⵄⴷ 300.000 ⵏⵏⵉⴹⴻⵏ ⵉ ⵉⵖⴰⵔⴻⵏ ⵜⴰⵙⴻⴽⵍⴰ ⴷ ⵓⵙⵉⴹⴻⵏ ⵙ ⵡⴰⵍⵍⴰⵍⴻⵏ ⵏ ⵓⵣⴻⵟⵟⴰ (ⴷⵉⴳⵉⵜⴰⵍ).
ⵓⵏⵔⵡⴰ ⵜⴻⵙⵙⵉⵡⵉⴹ ⵍⴻⵇⴷⵉⵛ-ⵉⵙ ⵏ ⵟⵟⴱⵉ ⴷ ⵓⵍⵎⴰⴷ ⵉ ⵉⵎⵉⵏⵉⴳⵓⵏ (ⵍⴰⵊⵉⵢⵉⵏ) ⵓⵍⴰ ⵎⴰ ⵢⴻⵍⵍⴰ ⵍⵃⵉⴼ ⴷ ⵓⵃⴱⴰⵙ ⵉ ⴷ-ⵉⵜⵜⴰⵙ ⵙⴻⴳ ⵓⵄⴷⴰⵡ, ⵖⴻⵔ ⵜⴰⵎⴰ ⵏ ⵍⴱⴰⵟⴻⵍ ⵉ ⴷ-ⵉⴹⴻⵔⵔⵓⵏ ⴷⴻⴳ ⵖⴰⵣⴰ.
ⴰⵎⴹⴰⵏ ⵏ ⵡⵉⴷ ⵢⴻⵎⵎⵓⵜⴻⵏ (ⵛⵓⵀⴰⴷⴰ) ⴷⴻⴳ ⵖⴰⵣⴰ ⵙⴻⴳ ⵡⴰⵙⵙ ⵏ 7 ⵜⵓⴱⴻⵔ 2023 ⵢⴻⵡⵡⴻⴹ ⵖⴻⵔ 71.654, ⴷ 171.391 ⵏ ⵡⵉⴷ ⵉ ⵜⵜⵓⵡⴰⵊⵔⴻⵃⴻⵏ, ⴰⵎⵓⵔ ⴰⵎⴻⵇⵇⵔⴰⵏ ⴷⴻⴳ-ⵙⴻⵏ ⴷ ⵜⵉⵍⴰⵡⵉⵏ ⴷ ⵢⵉⴳⴻⵔⴷⴰⵏ, ⴰⴽⴽⴻⵏ ⵉ ⴷ-ⵏⵏⴰⵏ ⵉⵎⴷⴻⴱⴱⵔⴻⵏ ⵏ ⵚⵚⴻⵃⴰ ⵏ ⴼⴰⵍⴰⵙⵟⵉⵏ.
ⵙⴻⴳ ⵓⴳⴰⵔ ⵏ ⵙⵉⵏ ⵉⵙⵙⴻⴳⴳⵡⴰⵙⴻⵏ, ⴰⴷⴰⴱⵓ ⵏ ⵉⵙⵔⴰⵢⴻⵍ ⵉⵅⴻⵍⴻⴷ ⵜⵉⵡⴰⵖⵉⵢⵉⵏ ⵏ "ⴳⴻⵏⵓⵛⵉⴷⴻ" ⴷⴻⴳ ⵖⴰⵣⴰ: ⵍⵎⵓⵜ, ⵍⴰⵥ, ⵍⵓⵓⴷ ⴷ ⵓⵏⴻⴳⴳⴻⵍ ⵏ ⵍⵖⴰⵛⵉ, ⵓⵔ ⵙ-ⴷ-ⵢⴻⴽⴽⵉ ⵙⴻⴳ ⵓⴹⴰⵎⴰⵏ ⵏ ⵜⵎⵓⵔⴰ ⵏⴻⵖ ⵏ ⵍⵎⴰⵃⴽⴰⵎⴰ ⵜⴰⴳⵔⴰⵖⵍⴰⵏⵜ.
ⴰⵔⵏⵓ ⵖⴻⵔ
