ⵢⴻⵍⴷⵉ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⵜⴰⵙⵉⴷⵍⴰⵏⵜ, ⵡⴰⵙⵉⵎ ⴽⵡⵉⴷⵔⵉ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵜⴰⵛⴻⵇⵇⵓⴼⵜ ⵜⴰⵎⵏⴰⴹⴰⵏⵜ ⵏ ⵜⵏⴻⴳⴳⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵙⵓⴼⴰⵔ ⵉⵙⵉⴷⵍⴰⵏⴻⵏ ⴷⴻⴳ ⵇⵙⴻⵏⵟⵉⵏⴰ, ⴷⴷⴰⵡ ⵢⵉⵙⴻⵎ ⵏ ⵍⵎⴻⵔⵃⵓⵎ ⴰⵙⴻⵍⵎⴰⴷ ⵢⴻⵃⵢⴰ ⴳⵉⴷⵓⵎ, ⵉⵍⵎⴻⵏⴷ ⵏ ⵡⴰⵢⴻⵏ ⵉ ⴷ-ⵢⴻⴼⴽⴰ ⵡⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⴳⵓⵔⵉ ⵜⴰⵙⵉⴷⵍⴰⵏⵜ.
ⵉⵙⴻⵏⵇⴻⴷ ⵓⵏⴻⵖⵍⴰⴼ ⴷⴻⴳ ⵜⵉⵔⵣⴰ-ⴰ ⵉ ⵜ-ⵢⴻⵡⵡⵉⵏ ⴰⵙⵙ-ⴰ ⵏ ⵍⴻⵜⵏⴰⵢⴻⵏ ⵖⴻⵔ ⵜⵡⵉⵍⴰⵢⵜ ⵏ ⵇⵙⴻⵏⵟⵉⵏⴰ, ⴰⵟⴰⵙ ⵏ ⵜⵉⴳⴳⴰⵢⵉⵏ ⴷ ⵢⵉⵎⴻⵅⴱⴰⵔⴻⵏ ⵏ ⵜⵏⴻⴳⴳⴰⵔⵉⵜ-ⴰ ⵜⴰⵎⵏⴰⴹⴰⵏⵜ, ⵉ ⴷ-ⵢⴻⵜⵜⴰⴽⴻⵏ ⵜⵉⵎⴻⵣⵍⵉⵢⵉⵏ-ⵉⵙ ⵉ ⵍⵖⴻⵔⴹ ⵏ ⵢⵉⵎⵢⴰⴳⴰⵡⴻⵏ ⴷⴻⴳ 16 ⵏ ⵜⵡⵉⵍⴰⵢⵉⵏ ⴷⴻⴳ ⵡⴻⴳⵎⵓⴹ ⴷ ⵓⵏⵥⵓⵍ-ⴰⴳⵎⵓⴹⴰⵏ ⵏ ⵜⵎⵓⵔⵜ, ⴰⵢⴰ ⵉ ⵡⴰⴽⴽⴻⵏ ⴰⴷ ⵉⵙⵙⴻⵇⵔⴻⴱ ⵜⵉⵎⴻⵣⵍⵉⵢⵉⵏ-ⵉⵙ ⵢⴻⵔⵏⴰ ⴰⴷ ⵉⴹⵎⴻⵏ ⵜⴰⵣⵣⵍⴰ ⴷ ⵜⵙⴻⴷⴷⵉ ⴷⴻⴳ ⵜⴻⵎⵀⴻⵍⵜ ⵏ ⵓⵙⴻⵏⵇⴻⴷ ⵏ ⵜⵖⴰⵔⴰ ⵏ ⵢⵉⵙⵓⴼⴰⵔ ⵉⵙⵉⴷⵍⴰⵏⴻⵏ.
ⴰⵎ ⵡⴰⴽⴽⴻⵏ ⵉ ⴷ-ⵢⴻⵍⵍⴰ ⵓⵙⵜⴻⵏⵢⵉ ⵖⴻⴼ ⵢⵉⵡⴻⵜ ⵏ ⵜⴻⵣⵎⴰⵎⵜ ⵏ ⵓⵎⵜⴰⵡⴰ ⴳⴰⵔ ⵜⵏⴻⴳⴳⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵙⵓⴼⴰⵔ ⵉⵙⵉⴷⵍⴰⵏⴻⵏ ⴷ ⵡⴻⴳⵔⴰⵡ ⴰⵣⴰⵢⴻⵣ ⵙⴰⵢⴷⴰⵍ, ⵉⵙⵡⵉ-ⵉⵏⴻⵙ ⴷ ⴰⵙⴷⵓⴽⴽⴻⵍ ⵏ ⵍⵎⴻⵊⵀⵓⴷⴰⵜ ⴷ ⵓⵙⴻⵇⴷⴻⵛ ⴰⵎⴻⵙⴷⴰⴽⴽⴻⵍ ⵏ ⵜⴻⵣⵎⴻⵔⵜ ⴷ ⵡⴰⵍⵍⴰⵍⴻⵏ ⵉⵎⴰⴷⴷⴰⴷⴻⵏ ⴷ ⵢⴻⵎⴷⴰⵏⴻⵏ ⵉ ⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵏⴰⴷⵉ ⵓⵙⵙⵏⴰⵏ ⴷⴻⴳ ⵜⴰⵖⵓⵍⵜ ⵏ ⵓⵙⵏⵓⵍⴼⵓ ⵓⵙⵙⵏⴰⵏ ⴷⴻⴳ ⵜⴻⵎⴳⵓⵔⵉ ⵏ ⴷⴷⵡⴰ, ⴰⵢⴰ ⵎⴱⴰⵄⴷ ⵎⵉ ⵜⵜⵡⴰⵙⴻⴵⵀⴻⴷ ⵜⵏⴻⴳⴳⴰⵔⵉⵜ ⵜⴰⵎⵏⴰⴹⴰⵏⵜ ⵙ ⵓⵎⴻⵅⴱⴻⵔ ⵏ ⵓⵙⴻⵎⴷⵓ ⵏ ⴷⴷⵡⴰ ⴷ ⵙⵙⴻⵎ.
ⴰⵔⵏⵓ ⵖⴻⵔ
