ⵜⴻⵙⵙⴻⵏⴽⴰⴷ ⵜⵉⵙⴻⵍⵡⴰⵢⵜ ⵏ ⵜⴰⵙⵏⵉⴼⴻⵔⵉⵜ ⵏ ⵜⵎⴻⵏⴹⴰⵡⵜ, ⵎⴰⵙⵙⴰ ⵍⴰⵢⵍⴰ ⵄⴻⵙⵍⴰⵡⵉ, ⴰⵙⵙ-ⴰ ⵏ ⵜⵜⵍⴰⵜⴰ, ⴷⴻⴳ ⵓⵏⵏⴰⵔ ⵏ ⵓⵙⴼⴻⴳⴳⴻⵔ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵏⴻⵍⵎⴰⴷ, ⴰⵣⴰⵍ ⵏ ⵓⵎⴰⵀⵉⵍ ⵏ ⵢⵉⵏⴻⵍⵎⴰⴷⴻⵏ ⵍⴻⵣⵣⴰⵢⵔⵉⵢⴻⵏ ⴷⴻⴳ ⵓⴱⵔⵉⴷ ⵏ ⵓⵎⴻⵏⵏⵓⵖ ⴷ ⵓⵙⵍⴻⵍⵍⵉ ⵏ ⵜⵎⵓⵔⵜ ⵙⴻⴳ ⴷⴷⵉⵇ ⵏ ⵓⵏⴻⴽⵛⵓⵎ ⴰⴼⵔⴰⵏⵙⵉⵙ.
ⵎⴰⵙⵙⴰ ⵄⴻⵙⵍⴰⵡⵉ ⵜⵓⵔⴰ ⴷⴻⴳ ⵜⴰⵍⵍⵉⵜ-ⴰⴳⵉ ⵜⴻⵏⵏⴰ-ⴷ: "ⵉⵙⵎⴻⴽⵜⴰⵢ-ⵉⵢⵉ-ⴷ ⵡⵓⴷⴻⵎ ⵏ ⵢⵉⵡⴻⵜ ⵏ ⵜⵙⵓⵜⴰ ⵏ ⵢⵉⵏⴻⵍⵎⴰⴷⴻⵏ ⵉⵕⴻⵙⵙⴰⵏⴻⵏ ⵢⴻⵔⵏⴰ ⴷ ⵢⵉⵡⴰⵢⴻⵏ ⵉ ⵢⵓⵎⵏⴻⵏ ⵙ ⵜⵍⴻⵍⵍⵉ ⵏ ⵍⴻⵣⵣⴰⵢⴻⵔ ⵙ ⵢⵉⵡⴻⵏ ⵏ ⵡⴻⴼⵀⴰⵎ ⵍⵇⴰⵢⴻⵏ. ⴷⴻⴳ ⵡⴰⵙⵙ-ⵏⵏⵉ ⵏ ⵓⵙⴻⴳⴳⴰⵙ 1956, ⴼⴻⵔⵔⵏⴻⵏ ⴰⴷ ⴶⴶⴻⵏ ⴰⴱⵔⵉⴷ ⵏ ⵜⴻⵙⴷⴰⵡⵉⵜ ⴷ ⵢⵉⵙⵏⵉⵢⴰⵍⴻⵏ ⵉ ⴷ-ⵉⵟⵟⴰⴽ ⵉⵡⴰⴽⴽⴻⵏ ⴰⴷ ⴷ-ⴷⵓⴽⴽⵍⴻⵏ ⴷ ⵢⵉⵎⵊⴰⵀⴷⴻⵏ ⵓ ⴰⴷ ⴼⴽⴻⵏ ⵢⵉⵎⴰⵏ-ⵏⵙⴻⵏ ⴷ ⵜⵎⵓⵙⵏⵉ-ⵏⵙⴻⵏ ⵉ ⵏⴼⴰⵄ ⵏ ⵜⴻⴳⵔⴰⵡⵍⴰ-ⵏⵏⴻⵖ ⵉⴶⴻⵀⴷⴻⵏ. ⵜⵉⴳⴳⴰⵡⵜ-ⴰⴳⵉ ⵜⴻⵍⵍⴰ ⴷ ⵜⴰⵍⵍⵉⵜ ⵉⵕⴻⵙⵙⴰⵏ ⵉ ⵓⵙⴻⴶⵀⴻⴷ ⵏ ⵓⴱⵔⵉⴷ ⵖⴻⵔ ⵍⴻⵣⵣⴰⵢⴻⵔ ⵜⵉⵍⴻⵍⵍⵉⵜ."
ⵢⴻⵔⵏⴰ-ⴷ ⵜⴻⵏⵏⴰ-ⴷ: "ⴷⴻⴳ ⵓⴱⵔⵉⴷ ⵏ ⵢⵉⵔⴳⴰⵣⴻⵏ-ⴰⴳⵉ ⵏ ⵏⴻⵢⵢⴰ, ⵢⵉⵏⴻⵍⵎⴰⴷⴻⵏ ⵏ ⵜⴻⵙⴷⴰⵡⵉⵢⵉⵏ ⴷ ⵢⵉⵎⴰⵄⵀⴷⴻⵏ ⵏ ⵜⵓⵔⴰ ⴷ ⴰⴳⴻⵔⵔⵓⵊ ⵉ ⵓⵡⴰⵏⴰⴽ ⴷ ⵍⵍⵙⴰⵙ ⵓⵔ ⵏⵔⴻⴽⴽⴰⵍ ⴰⵔⴰ ⵉ ⵓⵙⵏⴻⴼⵍⵉ ⴷ ⵓⵙⴰⵍⵉ-ⵉⵙ. ⵏⵓⵜⵏⵉ ⴷ ⵢⵉⵎⵓⵙⵙⵏⴰⵡⴻⵏ ⵙ ⵜⵓⵙⵙⵏⴰ ⴷ ⵍⵃⵉⵙ, ⵃⴻⵔⵣⴻⵏ ⴰⵣⴰⵍⴻⵏ ⵏ ⵜⵓⵛⵛⵉⵜ ⵜⴰⵖⴻⵍⵏⴰⵡⵜ ⴷ ⵍⵡⴻⴼⴰ ⵉ ⵍⴻⵊⴷⵓⴷ, ⵢⴻⵔⵏⴰ ⵏⵡⴰⵏ ⵙ ⵍⴶⴻⵀⴷ ⵉⵡⴰⴽⴽⴻⵏ ⴰⴷ ⴽⵛⵛⵎⴻⵏ ⵢⴰⴽⴽ ⵢⵉⵏⵏⴰⵔⴻⵏ ⵏ ⵜⵓⵙⵙⵏⴰ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⵙ ⵜⵎⵓⵙⵏⵉ-ⵏⵙⴻⵏ ⴷⴻⴳ ⵓⵙⴱⴻⴷⴷⵉ ⵏ ⵍⵀⵉⴱⴰ ⵏ ⵍⴻⵣⵣⴰⵢⴻⵔ ⵜⴰⵏⵏⴻⵣⵣⵉⵜ."
ⴰⵔⵏⵓ ⵖⴻⵔ
