ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⴰⵢ ⵓⵏⵖⵍⴰⴼ ⵏ ⵜⵎⴻⴳⵓⵔⵉ ⵜⴰⵙⵏⴰⵙⴼⴰⵔⵜ, ⵎⴰⵙⵙ ⵡⴰⵙⵉⵎ ⵇⵡⵉⴷⵔⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵓⵎⵢⴻⵍⵍⴻⵍ ⵏ ⵢⵉⵎⴻⵙⵍⴻⵢⴻⵏ ⵏ ⵜⵔⴰⴱⵄⵜ ⵏ ⵓⵎⴰⵀⵉⵍ ⵜⴰⵖⴻⵍⵏⴰⵡⵜ ⵢⴻⵔⵣⴰⵏ ⴰⵟⴰⵙ ⵏ ⵢⵉⵃⵔⵉⵛⴻⵏ ⴷ ⵜⵎⵓⵙⵏⵉⵡⵉⵏ. ⵜⵉⵎⵍⵉⵍⵉⵜ-ⴰⴳⵉ ⵜⴻⵔⵣⴰ ⴰⴹⴼⴰⵔ ⵏ ⵓⵙⴻⵏⴼⴰⵔ ⵏ ⵓⵙⴱⴻⴷⴷ ⵏ ⵢⵉⵡⴻⵏ ⵡⴰⵎⵎⴰⵙ ⵢⴻⴷⴷⵓⴽⴽⵍⴻⵏ ⵉ ⵓⵏⴰⴷⵉ ⵓⵙⵙⵏⴰⵏ ⴷⴻⴳ ⵜⵓⵙⵙⵏⴰ ⵏ ⵢⵉⴼⵉⵔⵓⵙⴻⵏ ⴷ ⵜⵎⴻⵔⵙⴻⵍⵜ ⵏ ⵓⴼⴰⵔⵉⵙ ⵏ ⵢⵉⵙⵉⴳⴳⴻⵣⵏ.
ⴷⴻⴳ ⵜⵉⴳⵏⵉⵜ-ⴰⴳⵉ, ⴰⵏⴰⴳⵎⴰⵢ ⴷⴻⴳ ⵜⵓⵙⵙⵏⴰ ⵏ ⵢⵉⴼⵉⵔⵓⵙⴻⵏ, ⵎⴰⵙⵙ ⵢⴰⵃⵢⴰ ⵛⴻⴱⵍⵓⵏ, ⵢⴻⴼⴽⴰ-ⴷ ⵢⵉⵡⴻⵏ ⵓⵙⴻⴼⵔⴻⵯ ⵢⴻⵛⵛⵓⵔⴻⵏ ⵖⴻⴼ ⵢⵉⵙⵡⵉⵢⴻⵏ ⵏ ⵓⵙⴻⵏⴼⴰⵔ-ⴰⴳⵉ ⴷ ⵡⴰⵎⴻⴽ ⵀⴻⴳⴳⴰⵏ ⵉ ⵓⵙⴻⴷⵎⴻⵔ-ⵉⵙ. ⵢⴻⵙⵙⵉⵡⴻⵍ-ⴷ ⴷⴰⵖⴻⵏ ⵖⴻⴼ ⵓⵏⴰⴷⵉ ⴰⵔⴰ ⴷ-ⵢⵉⵍⵉⵏ ⵙ ⵓⵎⵢⴻⵍⵍⴻⵍ ⴷ ⵎⵎⵓⵊⵎⵎⵓⵄ ⵏ ⵜⵎⴻⴳⵓⵔⵉ "ⵚⴰⵢⴷⴰⵍ". ⵢⴻⵙⵙⴻⵊⴷⴻⴷ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴰⴷ ⵢⴻⵊⵊ ⵍⵣⵣⴰⵢⴻⵔ ⴰⴷ ⵜⴻⴼⴽ ⵢⵉⵙⵉⴳⴳⴻⵣⵏ ⵉ ⵃⵡⴰⵊⴻⵏ ⵢⵉⵎⴷⴰⵏⴻⵏ ⴷ ⵢⵉⵎⵓⴷⴰⵔ (ⵍⵎⴰⵍ), ⴰⵢⴻⵏ ⴰⵔⴰ ⵢⴻⵔⵔ ⵜⴰⵎⵓⵔⵜ-ⵏⵏⴻⵖ ⴷ ⵜⴰⴷⴻⵔⴼⵜ ⵢⴻⵔⵏⴰ ⴰⴷ ⵜⴻⵇⵇⵉⵎ ⴷ ⵜⴰⴷⵓⴳⴰⵎⵜ ⴷⴻⴳ ⵓⵃⵔⵉⵛ-ⴰⴳⵉ.
ⵜⴰⵔⴰⴱⵄⵜ-ⴰⴳⵉ ⵏ ⵓⵎⴰⵀⵉⵍ ⵜⴻⵙⵄⴰ 22 ⵏ ⵢⵉⵎⴻⵙⵍⴻⵢⴻⵏ ⴳⴰⵔ ⵢⵉⵎⵓⵙⵏⴰⵡⴻⵏ ⴷ ⵢⵉⵎⴻⵎⵎⴻⵜⵜⵉⵍⴻⵏ ⵏ ⵡⴰⵟⴰⵙ ⵏ ⵜⵏⴻⵖⵍⴰⴼⵉⵏ ⴰⵎ: ⵓⵃⴰⴷⴰⵔ ⴰⵖⴻⵍⵏⴰⵡ, ⵜⴰⵎⴻⴳⵓⵔⵉ ⵜⴰⵙⵏⴰⵙⴼⴰⵔⵜ, ⵜⴰⵣⵎⴻⵔⵜ, ⵜⴰⵎⴻⴳⵓⵔⵉ, ⴰⵙⵍⵎⴻⴷ ⵓⵏⵏⵉⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵜⴰⴼⵍⴰⵃⵜ ⴷ ⵓⵏⴻⴳⵎⵓ ⵏ ⵔⵔⵉⴼ, ⵖⴻⵔ ⵜⴰⵎⴰ ⵏ ⵜⵏⴻⴱⴷⴰⴷⵜ ⵜⴰⵖⴻⵍⵏⴰⵡⵜ ⵏ ⵍⴰⵎⴰⵏ ⴰⵣⵎⴻⵔⴰⵏ.
ⴰⵔⵏⵓ ⵖⴻⵔ
