ⴷⴻⴳ ⵓⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⴰⵣⴻⵏⵣⵉ ⵓⵔ ⵏⴻⵍⵍⵉ ⴷⴻⴳ ⵓⵣⴻⵔⴼ ⵏ ⵙⵙⴻⵎ ⴷ ⵢⵉⵙⴻⴳⴳⵓⵔⴻⵏ ⵏ ⵡⴰⵍⵍⴰⵖ ⵉⵎⵓⵀⴻⵍⵍⴻⵏ ⵏ ⵓⴼⵓⵔⴽ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⴱⴱⴻⵉⵛⴻⵔⵜ ⵏ ⵜⴻⵎⴷⵉⵏⵜ ⴷⴻⴳ ⵜⵎⴰⵏⴻⴳⵜ ⵏ ⴱⵓⴼⴰⵔⵉⴽ (ⵍⴻⴱⵍⵉⴷⴰ), ⵙⵙⴰⵡⴹⴻⵏ ⵉⵎⴰⵍⴰⵙ ⵉⵄⴻⴷⴷⴰⵏ ⴰⴷ ⴷ-ⴽⴻⵎⵣⴻⵏ ⴽⵓⵣ (04) ⵏ ⵢⵉⵎⵛⴻⴽⴽⴰⵢⴻⵏ, ⵙ ⵓⵃⵙⴰⵔ ⵏ ⵍⵇⴻⴷⴷ ⴰⵎⴻⵇⵇⵔⴰⵏ ⵏ ⵢⵉⵙⴻⴳⴳⵓⵔⴻⵏ ⵏ ⵡⴰⵍⵍⴰⵖ ⴷ ⵜⴻⴷⵔⵉⵎⵜ ⵉ ⴷ-ⵢⵓⵙⴰⵏ ⵙⴻⴳ ⵜⵏⴻⵣⵣⵓⵜ ⵏ ⵙⵙⴻⵎ-ⴰⴳⵉ.
ⵜⴰⵍⵓⴼⵜ-ⴰⴳⵉ ⵜⴱⴻⴷⴷⴰ-ⴷ ⵙⴻⴳ ⵢⵉⵙⴰⵍⴰⵏ ⵉ ⴷ-ⵢⵓⵙⴰⵏ ⵖⴻⵔ ⵓⴼⵓⵔⴽ-ⴰⴳⵉ, ⵉ ⴷ-ⵢⴻⵏⵏⴰⵏ ⴱⴻⵍⵍⵉ ⵢⴻⵍⵍⴰ ⵢⵉⵡⴻⵜ ⵏ ⵓⵔⴳⴰⵣ ⵢⴻⵙⵄⴰⵏ ⵙⵙⴻⴱⴱⵉⵇⴰⵜ ⵉ ⵉⵅⴻⴷⴷⵎⴻⵏ ⴰⵎⴰⵀⵉⵍ ⵏ ⵛⵛⴻⴽ ⴷⴻⴳ ⵢⵉⵃⵔⵉⵛⴻⵏ ⵏ ⵜⴻⵎⴷⵉⵏⵜ ⵏ ⴱⵓⴼⴰⵔⵉⴽ, ⵉ ⵢⴻⵍⵍⴰⵏ ⴷ ⵜⴰⵎⴻⴷⴷⵓⵔⵜ ⵏ ⵜⵏⴻⵣⵣⵓⵜ ⵏ ⵢⵉⵙⴻⴳⴳⵓⵔⴻⵏ ⵏ ⵡⴰⵍⵍⴰⵖ.
ⵙ ⵓⵏⴰⴷⵉ ⵏ ⵢⵉⵙⴰⵍⴰⵏ, ⵜⴱⴰⵏ-ⴷ ⵜⵉⴷⴻⵜ ⵏ ⵓⵎⴰⵀⵉⵍ ⵏ ⵓⵔⴳⴰⵣ-ⴰⴳⵉ ⵉ ⵢⴻⵣⵣⴻⵏⵣⴰⵢⴻⵏ ⵙⵙⴻⵎ ⵉ ⵢⵉⵍⴻⵎⵣⵢⴻⵏ ⵏ ⴱⵓⴼⴰⵔⵉⴽ ⴷ ⵜⴰⵎⵉⵡⵉⵏ ⵉ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ. ⴰⵔⴳⴰⵣ-ⴰⴳⵉ ⵢⴻⵍⵍⴰ ⵢⴻⵙⵙⴻⵅⴷⴰⵎ ⵜⴰⵎⴻⴽⵍⴰ-ⵉⵏⴻⵙ ⵉ ⵓⵃⵔⴰⵣ ⵏ ⵙⵙⴻⵎ-ⴰⴳⵉ ⴷⴻⴳ ⵜⴰⵍⵍⵉⵜ ⵏ ⵓⵣⵓⵏⴻⵢ-ⵉⵙ ⴳⴰⵔ ⵜⵡⵉⵍⴰⵢⵉⵏ, ⴰⵏⵉⴷⴰ ⵉ ⵜ-ⵢⴻⴼⴼⴼⴻⵔ ⴷⴰⵅⴻⵍ ⵏ ⵜⴻⵣⵎⴻⵔⵜ ⵏ ⵜⴻⴼⵜⵉⵍⵉⵏ ⵏ ⵜⴽⴰⵔⵔⵓⵚⵜ-ⵉⵙ.
ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵓⵎⴻⵍⵍⴰⵍ ⵏ ⵜⴻⴳⴷⵓⴷⴰ ⵓⴼⵔⵉⵏ, ⵉⵎⵓⵀⴻⵍⵍⴻⵏ ⵏ ⵜⵎⴰⵏⴻⴳⵜ ⵙⵙⴰⵡⴹⴻⵏ ⴰⴷ ⵜ-ⵉⴷ-ⴽⴻⵎⵣⴻⵏ, ⵓ ⵃⵙⴰⵔⴻⵏ 2490 ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ ⴷ ⵓⵙⵉⴳⵔⴻⵜ ⵏ 20 ⵏ ⵢⵉⵎⴻⵍⵢⴰⵢⴻⵏ ⵏ ⵜⵙⵓⵎⵜ ⵙⴻⴳ ⵢⵉⴷⵔⵉⵎⴻⵏ ⵏ ⵜⵎⵓⵔⵜ ⵉ ⴷ-ⴰⴳⵎⴻⵏ ⵙⴻⴳ ⵜⵏⴻⵣⵣⵓⵜ-ⴰⴳⵉ.
ⵓⵏⴰⴷⵉ ⵢⴻⵡⵡⵉ-ⴷ ⴷⴰⵖⴻⵏ ⵖⴻⵔ ⵓⴽⵎⴰⵣ ⵏ ⵢⵉⵎⵛⴻⴷⴷⵉⵡⴻⵏ ⵏ ⵜⵉⴳⴳⴰⵡⵜ-ⴰⴳⵉ. ⵜⵜⵓⵏⴻⵎⵍⴻⵏ ⵢⵉⵎⵛⴻⴽⴽⴰⵢⴻⵏ ⵣⴷⴰⵜ ⵏ ⵓⴱⵉⵕⵓ ⵏ ⵓⵏⴻⴼⵔⴰⵢ ⴷⴻⴳ ⵜⵏⴻⴼⵔⵓⵜ ⵏ ⴱⵓⴼⴰⵔⵉⴽ ⵖⴻⴼ ⵜⵎⵙⴰⵍⵜ ⵏ ⵓⵙⴱⴻⴷⴷⵉ ⵏ ⵓⵣⴻⵟⵟⴰ ⵏ ⵜⵉⴱⴱⴻⵉⵛⴻⵔⵜ ⵢⴻⵄⵏⴰⵏ ⵓⵣⵓⵏⴻⵢ, ⵓⵃⵔⴰⵣ ⴷ ⵜⵏⴻⵣⵣⵓⵜ ⵏ ⵢⵉⵙⴻⴳⴳⵓⵔⴻⵏ ⵏ ⵡⴰⵍⵍⴰⵖ ⵙ ⵜⴰⵔⵔⴰⵢⵜ ⵓⵔ ⵏⵍⴰⵇ ⴰⵔⴰ.
ⴰⵔⵏⵓ ⵖⴻⵔ
