ⵙⵙⴻⵖⵣⴻⵍⴻⵏ ⵢⵉⵏⴻⵖⵍⴰⴼⴻⵏ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⵜⴻⴳⴷⵓⴷⴰ ⵜⴰⵣⵣⴰⵢⵔⵉⵜ ⵜⴰⴷⴻⵎⵓⴽⵔⴰⵜⵉⵜ ⵜⴰⵖⴻⵔⴼⴰⵏⵜ, ⵜⴳⴻⵍⴷⴰ ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ, ⵜⴰⵎⵓⵔⵜ ⵏ ⵇⴰⵜⴰⵔ, ⵜⴰⴳⴷⵓⴷⴰ ⵏ ⵎⴰⵚⴻⵔ, ⵜⴳⴻⵍⴷⴰ ⵏ ⵍⵓⵔⴷⵓⵏ, ⵜⴰⴳⴷⵓⴷⴰ ⵏ ⵜⵓⵔⴽⵢⴰ, ⵜⴰⴳⴷⵓⴷⴰ ⵏ ⴱⴰⴽⵉⵙⵜⴰⵏ, ⵜⴰⴳⴷⵓⴷⴰ ⵏ ⵉⵏⴷⵓⵏⵉⵣⵢⴰ, ⵜⴰⴳⴷⵓⴷⴰ ⵏ ⴶⵉⴱⵓⵜⵉ, ⵜⴰⴳⴷⵓⴷⴰ ⵏ ⵙⵓⵎⴰⵍ ⵜⴰⴼⵉⴷⵉⵔⴰⵍⵉⵜ, ⵜⴰⵎⵓⵔⵜ ⵏ ⴼⴰⵍⴻⵙⵟⵉⵏ, ⵜⴰⵙⴻⵍⵟⴰⵏⵜ ⵏ ⵄⵓⵎⴰⵏ, ⵜⴰⴳⴷⵓⴷⴰ ⵏ ⵙⵓⴷⴰⵏ, ⵜⴰⴳⴷⵓⴷⴰ ⵏ ⵍⵢⴰⵎⴰⵏ, ⵜⴰⴳⴷⵓⴷⴰ ⵏ ⵍⵓⴱⵏⴰⵏ, ⵜⴰⴳⴷⵓⴷⴰ ⵜⵉⵏⴻⵙⵍⴻⵎⵜ ⵏ ⵎⵓⵔⵉⵟⴰⵏⵢⴰ, ⵜⴰⵎⵓⵔⵜ ⵏ ⵍⴻⴽⵡⵉⵜ, ⴷ ⵜⴻⴳⴷⵓⴷⴰ ⵏ ⴱⴰⵏⴳⵍⴰⴷⵉⵛ, ⵙ ⵜⵉⵏⴼⴰⵍⵉⵡⵉⵏ ⵉⵇⴻⵙⵙⵉⵃⴻⵏ ⵙ ⵍⴶⴻⵀⴷ, ⵜⵉⴳⴳⴰⵡⵜ ⵓⵔ ⵏⴻⵍⵍⵉ ⴷⴻⴳ ⵓⵙⴰⴷⵓⴼ ⵉ ⴷ-ⵜⴻⵅⴷⴻⵎ ⵜⴻⵎⵏⴰⵟ ⵓⵎⵉ ⵙⴻⵎⵎⴰⵏ "ⵙⵓⵎⴰⵍⵉⵍⴰⵏⴷ" ⵙ ⵓⵍⴷⴰⵢ ⵏ ⵢⵉⵡⴻⵜ ⵏ "ⵜⵎⴰⵙⵓⵏⵜ" ⴷⴻⴳ ⵜⴻⵎⴷⵉⵏⵜ ⵏ ⵍⵇⵓⴷⵙ ⵢⴻⵜⵜⵡⴰⵃⵔⴻⵙⴻⵏ. ⴰⵢⴰⴳⵉ ⴷ ⵓⵃⵓⵟⵟⵓ ⵉⴶⴻⵀⴷⴻⵏ ⵏ ⵓⵙⴰⴷⵓⴼ ⴰⴳⵔⴻⵖⵍⴰⵏ ⴷ ⵜⵏⴻⵖⵜⴰⵙⵉⵏ ⵏ ⵓⵣⴻⵔⴼ ⴰⴳⵔⴻⵖⵍⴰⵏ, ⵢⴻⵔⵏⴰ ⴷ ⴰⵏⵡⴰⵍ ⵏ ⵡⴰⴷⴷⴰⴷ ⴰⵙⴰⴷⵓⴼⴰⵏ ⴷ ⵓⵎⴻⵣⵔⴰⵢ ⵏ ⵍⵇⵓⴷⵙ.
ⵢⵉⵏⴻⵖⵍⴰⴼⴻⵏ ⵙⵏⴻⴽⴷⴻⵏ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵎⴻⵣⴷⴰⵢ ⴱⴻⵍⵍⵉ "ⵓⴳⵉⵏ ⵙ ⵍⴻⴽⵎⴰⵍ ⵢⴰⵍ ⵜⴰⵔⵔⴰⵢⵜ ⵏ ⵢⵉⵡⴻⵏ ⵏ ⵓⴼⵓⵔⴽ ⵉ ⵢⴻⴱⵖⴰⵏ ⴰⴷ ⴷ-ⵢⴻⵔⵔ ⵢⵉⵡⴻⵏ ⵏ ⵡⴰⴷⴷⴰⴷ ⵓⵔ ⵏⴻⵍⵍⵉ ⴷⴻⴳ ⵓⵣⴻⵔⴼ ⴷⴻⴳ ⵍⵇⵓⴷⵙ ⵢⴻⵜⵜⵡⴰⵃⵔⴻⵙⴻⵏ, ⵏⴻⵖ ⴰⴷ ⴷ-ⵢⴻⴼⴽ ⵜⴰⵣⴰⵢⴻⵣⵜ ⵉ ⴽⵔⴰ ⵏ ⵜⵓⴷⴷⵙⵉⵡⵉⵏ ⵉ ⵎⴳⴰⵍⴻⵏ ⵢⵉⵍⵓⴳⴰⵏ ⵏ ⵓⵙⴰⴷⵓⴼ ⴰⴳⵔⴻⵖⵍⴰⵏ ⴷ ⵜⵏⴻⵖⵜⴰⵙⵉⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ". ⵄⴰⵡⴷⴻⵏ ⵙⵏⴻⴽⴷⴻⵏ ⴱⴻⵍⵍⵉ ⵍⵇⵓⴷⵙ ⵜⴰⴳⵎⵓⴹⴰⵏⵜ ⴷ ⴰⴽⴰⵍ ⴰⴼⴰⵍⴻⵙⵟⵉⵏⵉⵜ ⵢⴻⵜⵜⵡⴰⵃⵔⴻⵙⴻⵏ ⵙⴻⴳ ⵓⵙⴻⴳⴳⴰⵙ ⵏ 1967, ⵓ ⵢⴰⵍ ⴰⵙⵓⵔⵉⴼ ⵉ ⵢⴻⴱⵖⴰⵏ ⴰⴷ ⵉⴱⴻⴷⴷⴻⵍ ⴰⴷⴷⴰⴷ-ⵉⵙ ⴰⵙⴰⴷⵓⴼⴰⵏ ⴷ ⵓⵎⴻⵣⵔⴰⵢ ⴷ ⴰⵎⴰⴳⵓⵙ (ⴱⴰⵟⴻⵍ) ⵢⴻⵔⵏⴰ ⵓⵔ ⵢⴻⵙⵄⵉ ⴰⵣⴰⵍ ⵏ ⵓⵣⴻⵔⴼ.
ⴷⴰⵖⴻⵏ, ⵢⵉⵏⴻⵖⵍⴰⴼⴻⵏ ⵙⴻⵃⵔⴻⵙⴻⵏ ⵖⴻⴼ ⵜⴰⵍⵍⴻⵍⵜ-ⵏⵙⴻⵏ ⵉ ⵜⴷⵓⴽⵍⵉ ⴷ ⵜⵉⵎⵓⵎⴻⵏⵜ ⵏ ⵜⴻⴳⴷⵓⴷⴰ ⵏ ⵙⵓⵎⴰⵍ ⵜⴰⴼⵉⴷⵉⵔⴰⵍⵉⵜ ⴷ ⵜⴻⴳⴳⵔⴻⵣ ⵏ ⵡⴰⴽⴰⵍ-ⵉⵙ, ⵓⴳⵉⵏ ⵙ ⵍⴻⴽⵎⴰⵍ ⵢⴰⵍ ⵜⵉⴳⴳⴰⵡⵜ ⵏ ⵢⵉⵡⴻⵏ ⵏ ⵓⴼⵓⵔⴽ ⵉ ⵢⴻⵏⵏⴰⵍⴻⵏ ⵜⴷⵓⴽⵍⵉ ⵏ ⵡⴰⴽⴰⵍ ⵏ ⵙⵓⵎⴰⵍ ⵏⴻⵖ ⵉ ⵢⴻⵙⵎⵉⴳⴳⵉⵣⴻⵏ ⵜⵉⵎⵓⵎⴻⵏⵜ-ⵉⵙ.
ⴰⵔⵏⵓ ⵖⴻⵔ
