ⵢⴻⴱⴷⴻⵔ-ⴷ ⵡⵓⵏⵎⵉⵔ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⴰⵔⵉⴱ, ⴰⵙⵙ-ⴰ ⵏ ⵜⵍⴰⵜⴰ ⴷⵉ ⵏⵉⵢⴰⵎⵢ, ⵜⴰⵏⴼⴰⵍⵉ ⵜⴰⵎⴻⵇⵇⵔⴰⵏⵜ ⵉ ⴷ-ⵢⴻⵍⵍⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵏⵉⴶⴻⵔ ⴷⴻⴳ ⵓⴱⵔⵉⴷ ⵏ ⵜⴻⵛⵔⵉⴽⵜ-ⵏⵙⴻⵏ ⵜⴰⵙⵜⵔⴰⵜⵉⵜ. ⴰⵢⴰ ⵢⴻⵍⵍⴰ-ⴷ ⴷⴻⴼⴼⵉⵔ ⵢⵉⴳⵎⴰⴹ ⵏ ⵜⵙⴻⵖⵍⴰ ⵜⵉⵙ ⵙⵏⴰⵜ ⵏ ⵜⴻⵙⵇⵓⵎⵜ ⵜⴰⵎⵢⴻⵍⵍⵉ ⵜⴰⵎⴻⵇⵇⵔⴰⵏⵜ, ⴰⵏⴷⴰ ⵢⴻⵏⵏⴰ ⴱⴻⵍⵍⵉ ⵢⴻⵍⴰⵇ ⴰⴷ ⴷ-ⵢⴻⵔⵙ ⵡⴰⵍⵍⴰⵍ ⵏ ⵓⴹⴼⴰⵔ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⵏⴼⴻⴷ ⵏ ⵜⴽⴻⵔⴹⴰ ⵏ ⵓⴱⵔⵉⴷ ⵉ ⴷ-ⵙⵙⴻⵔⵙⴻⵏ ⵙⵏⴰⵜ ⵏ ⵜⵎⵓⵔⴰ.
ⴷⴻⴳ ⵜⴰⴳⴳⴰⵔⴰ ⵏ ⵜⵙⴻⵖⵍⴰ-ⴰⴳⵉ, ⵙ ⵜⵃⴰⴷⵔⵉⵜ ⵏ ⵡⵓⵏⵎⵉⵔ ⴰⵎⴻⵣⵡⴰⵔⵓ ⵏ ⵏⵉⴶⴻⵔ, ⵎⴰⵙⵙ ⵄⴰⵍⵉ ⵎⵓⵃⴰⵎⵎⴻⴷ ⵍⴰⵎⵉⵏ ⵣⴻⵢⵏ ⵎⴰⵀⴰⵎⴰⵏ, ⵎⴰⵙⵙ ⵙⵉⴼⵉ ⵖⴰⵔⵉⴱ ⵢⴻⵙⵙⴻⴊⵀⴻⴷ ⵖⴻⴼ "ⵡⵓⴽⴽⵓⵙ ⵏ ⵡⴰⵍⵍⴰⵍ ⵢⴻⴊⵀⴻⴷⵏ ⵉ ⵓⴹⴼⴰⵔ ⵏ ⵢⵉⴳⵎⴰⴹ ⵏ ⵜⵙⴻⵖⵍⴰ-ⴰⴳⵉ, ⵉⵡⴰⴽⴽⴻⵏ ⵜⴰⴽⴻⵔⴹⴰ ⵏ ⵓⴱⵔⵉⴷ ⴰⴷ ⵜⵓⵖⴰⵍ ⴷ ⵍⵅⴻⴹⵎⴰ ⵏ ⵜⵉⴷⴻⵜ".
ⴷⴻⴳ ⵓⵃⵔⵉⵛ-ⴰ, ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵍⴽⴻⵏ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⴰⵎ: ⴰⴱⵓⴷⴷⵓ ⵏ ⵍⴳⴰⵣ ⴰⵣⴻⴳⵔⴰⵏ ⵏ ⵚⵚⴻⵃⵔⴰ, ⴰⴱⵔⵉⴷ ⴰⵎⴻⵇⵇⵔⴰⵏ ⵏ ⵚⵚⴻⵃⵔⴰ, ⴷ ⵓⵙⴻⵇⵇⴻⵏ ⵙ ⵜⵎⵓⵙⵏⵉ ⵏ "ⵍⴼⵉⴱⵔ ⵓⴱⵜⵉⴽ", ⵎⵎⴰⵍⴻⵏ-ⴷ ⴱⴻⵍⵍⵉ ⵙⵏⴰⵜ ⵏ ⵜⵎⵓⵔⴰ ⴱⵖⴰⵏⵜ ⴰⴷ ⵔⵔⴻⵏⵜ ⵉⵙⴻⵏⴼⴰⵔⴻⵏ-ⴰⴳⵉ ⴷ ⵜⵉⵔⵙⴰⵍ ⵏ ⵓⵙⵏⴻⴼⵍⵉ ⴷⴻⴳ ⵜⴼⵔⵉⵇⵜ.
ⵢⴻⵏⵏⴰ-ⴷ ⴷⴰⵖⴻⵏ ⵡⵓⵏⵎⵉⵔ ⴰⵎⴻⵣⵡⴰⵔⵓ ⴱⴻⵍⵍⵉ ⵍⴻⵣⵣⴰⵢⴻⵔ ⴷ ⵏⵉⴶⴻⵔ "ⵙⵄⴰⵏⵜ ⵢⵉⵡⴻⵜ ⵏ ⵜⵎⵓⵖⵍⵉ ⵉ ⵓⴱⴻⵏⵏⵉ ⵏ ⵜⴼⵔⵉⵇⵜ ⵢⴻⴷⴷⵓⴽⴽⵍⴻⵏ, ⵢⴻⵣⵎⴻⵔⵏ ⴰⴷ ⵜⴻⵃⴽⴻⵎ ⴷⴻⴳ ⵢⵉⵎⴰⵍ-ⵉⵙ, ⴷ ⵓⵙⴻⴊⵀⴻⴷ ⵏ ⵍⴻⵀⵏⴰ ⴷ ⵓⵙⵏⴻⴼⵍⵉ ⵉ ⵢⴻⵖⵔⵉⵎⴻⵏ-ⵉⵙ".
ⵎⴰⵙⵙ ⵙⵉⴼⵉ ⵖⴰⵔⵉⴱ ⵢⴻⵙⵙⴻⴊⵀⴻⴷ ⴷⴰⵖⴻن ⵖⴻⴼ ⵡⵓⵎⵢⴻⵍⵍⵉ ⴷ ⵓⵎⵢⴻⵄⵡⴻⵏ ⵎⴳⴰⵍ ⵉⵎⵉⵀⵉⵢⴻⵏ ⵏ ⵡⴰⵎⴻⵏ , ⵍⴰⴷⵖⴰ ⴷⴻⴳ ⵜⵎⴻⵏⵏⴰⴹⵜ ⵏ ⵙⵙⴰⵃⴻⵍ.
ⵢⴻⴱⴱⴻⵔⵔⴻⵃ ⴷⴰⵖⴻⵏ ⵙ ⵓⴳⵔⴰⵡ ⵏ ⵜⵏⴻⵣⵎⵉ ⴳⴰⵔ ⵍⴻⵣⵣⴰⵢⴻⵔ ⴷ ⵏⵉⴶⴻⵔ, ⴰⵏⴷⴰ ⵉ ⴷ-ⵢⴻⵏⵏⴰ ⴱⴻⵍⵍⵉ ⴰⵃⵔⵉⵛ ⴰⴷⴰⵎⵙⴰⵏ ⵢⴻⵙⵄⴰ ⴰⴷⵓⵔ ⴰⵎⴻⵇⵇⵔⴰⵏ ⵉ ⵓⵙⵏⴻⵔ ⵏ ⵍⵎⵓⵄⴰⵎⴰⵍⴰⵜ ⴷ ⵓⵙⵏⵓⵍⴼⵓ ⵏ ⵢⵉⵎⴻⴽⴰⵏ ⵏ ⵓⵅⴻⴷⴷⵉⵎ.
ⴰⵔⵏⵓ ⵖⴻⵔ
