ⵜⴻⴽⴼⴰ ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⵎⴻⵣⴳⴻⵜ ⵜⵉⴽⴽⵉ-ⵏⵏⴻⵙ ⴷⴻⴳ ⵜⵉⵣⵍⵉⵜ ⵏ ⵜⴼⵔⵉⵇⵜ ⵉ ⵢⵉⵎⴻⵥⵢⴰⵏⴻⵏ ⴷ ⵢⵉⵍⵎⴻⵥⵢⴻⵏ, ⵉ ⴷ-ⵢⴻⵍⵍⴰⵏ ⴷⴻⴳ ⵜⵎⴰⵏⴻⵖⵜ ⵏ ⵙⵉⵏⵉⴳⴰⵍ "ⴷⴰⴽⴰⵔ" ⵙⴻⴳ 16 ⴰⵔ 22 ⴼⵓⵔⴰⵔ 2026. ⵍⴻⵣⵣⴰⵢⴻⵔ ⵜⴻⵡⵡⵉ-ⴷ ⵄⴻⵛⵔⴰ (10) ⵏ ⵜⵎⵉⴷⴰⵍⵢⵉⵏ: ⵢⵉⵡⴻⵜ ⵏ ⵡⵓⵔⴻⵖ, ⴽⴽⵓⵥ (4) ⵏ ⵍⴼⴻⵟⵟⴰ, ⴷ ⵅⴻⵎⵙⴰ (5) ⵏ ⵓⵎⵜⵉⵏ, ⴰⴽⴽⴻⵏ ⵉ ⴷ-ⵜⴻⵏⵏⴰ ⵜⴻⴷⴷⵓⴽⵍⴰ ⵜⴰⵣⵣⴰⵢⵔⵉⵜ ⵏ ⵜⵎⴻⵣⴳⴻⵜ.
ⵜⴰⵎⵓⵔⴰⵔⵜ ⵓⵎⴰⵢⵎⴰ ⵔⵓⵢⴱⴻⵟ ⵜⴻⵅⴷⴻⵎ ⵢⵉⵡⴻⵏ ⵓⵅⵙⴰⵔ ⴰⵎⵓⵇⵔⴰⵏ ⵎⵉ ⵜⴻⵡⵡⵉ ⵜⴰⵎⵉⴷⴰⵍⵜ ⵏ ⵡⵓⵔⴻⵖ (Gold) ⴷⴻⴳ ⵓⵙⵙⵉⴼ ⵏ "ⵍⵃⵓⵙⴰⵎ" (ⵜⵉⵍⴰⵡⵉⵏ).
ⴷⴻⴳ ⵜⴰⴳⴳⴰⵢⵜ ⵏ ⵢⵉⵍⵎⴻⵥⵢⴻⵏ :
- ⵄⴰⴱⵔⵓⵙ ⵎⴰⵍⵉⴽ: ⵜⴰⵎⵉⴷⴰⵍⵜ ⵏ ⵍⴼⴻⵟⵟⴰ (ⵙⵙⵉⴼ ⵍⵃⵓⵙⴰⵎ - ⵉⵔⴳⴰⵣⴻⵏ).
- ⵀⴰⴶⴻⵔ ⵍⵄⴻⵍⴰⵎⵉ: ⵜⴰⵎⵉⴷⴰⵍⵜ ⵏ ⵓⵎⵜⵉⵏ (ⵙⵙⵉⴼ ⵍⵃⵓⵙⴰⵎ - ⵜⵉⵍⴰⵡⵉⵏ).
- ⵓⴷⵢⴰ ⵙⵉⵍⵢⴰⵏ: ⵜⴰⵎⵉⴷⴰⵍⵜ ⵏ ⵓⵎⵜⵉⵏ (ⵙⵙⵉⴼ ⴰⵛⵉⵛ - ⵉⵔⴳⴰⵣⴻⵏ).
ⵎⴰ ⴷ ⵜⵉⴼⵔⵉⵡⵉⵏ ⵏ ⵜⴻⵔⴱⴰⵄⵉⵏ (Teams) ⵉ ⵢⵉⵍⵎⴻⵥⵢⴻⵏ:
ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴻⵡⵡⵉ-ⴷ ⴰⵎⴽⴰⵏ ⵡⵉⵙ ⵙⵉⵏ (ⵍⴼⴻⵟⵟⴰ) ⴷⴻⴳ ⵙⵙⵉⴼ ⵍⵃⵓⵙⴰⵎ (ⵉⵔⴳⴰⵣⴻⵏ) ⴷ ⵙⵙⵉⴼ ⴰⵛⵉⵛ (ⵉⵔⴳⴰⵣⴻⵏ), ⵢⴻⵔⵏⴰ ⵜⴻⵡⵡⵉ-ⴷ ⴰⵎⴽⴰⵏ ⵡⵉⵙ ⵜⵍⴰⵜⴰ (ⵓⵎⵜⵉⵏ) ⴷⴻⴳ ⵙⵙⵉⴼ ⵍⵃⵓⵙⴰⵎ (ⵜⵉⵍⴰⵡⵉⵏ).
ⴷⴻⴳ ⵜⴰⴳⴳⴰⵢⵜ ⵏ ⵢⵉⵎⴻⵥⵢⴰⵏⴻⵏ :
- ⵢⵓⵙⴻⴼ ⵎⵉⵎⵓⵏ ⴷ ⴱⴻⵏ ⵄⴰⴱⴻⴷ ⵣⵉⵢⴰⴷ: ⵙⵏⴰⵜ ⵏ ⵜⵎⵉⴷⴰⵍⵢⵉⵏ ⵏ ⵓⵎⵜⵉⵏ (ⵙⵙⵉⴼ ⴰⵛⵉⵛ).
- ⴷⴰⵍⵉ ⵉⵙⵃⴰⵇ: ⵜⴰⵎⵉⴷⴰⵍⵜ ⵏ ⵍⴼⴻⵟⵟⴰ (ⵙⵙⵉⴼ ⵍⵃⵓⵙⴰⵎ).
ⵢⴻⵔⵏⴰ ⵜⴰⵔⴱⴰⵄⵜ ⵏ ⵢⵉⵎⴻⵥⵢⴰⵏⴻⵏ ⵜⴻⵡⵡⵉ-ⴷ ⵜⴰⵎⵉⴷⴰⵍⵜ ⵏ ⵍⴼⴻⵟⵟⴰ ⵏⵏⵉⴹⴻⵏ ⴷⴻⴳ ⵙⵙⵉⴼ ⴰⵛⵉⵛ.
ⵜⴻⴽⴽⴰ ⵍⴻⵣⵣⴰⵢⴻⵔ ⴷⴻⴳ ⵜⵉⵣⵍⵉⵜ-ⴰ ⵙ 19 ⵏ ⵢⵉⵎⵓⵔⴰⵔⴻⵏ (12 ⴷ ⵉⵔⴳⴰⵣⴻⵏ, 7 ⴷ ⵜⵉⵍⴰⵡⵉⵏ), ⵙ ⵜⵜⴻⴽⵍⴰ ⵏ ⵢⵉⵙⴻⵍⵎⴰⴷⴻⵏ: ⵙⴰⵙⵉ ⴼⴻⵜⵜⴰⵛ, ⵃⴰⵎⴰ ⵄⴻⵏⵜⴻⵔ, ⴷ ⵣⴰⵀⵔⴰ ⴳⴰⵎⵉⵔ.
ⵢⴻⵏⵏⴰ-ⴷ ⵓⵙⵉⵡⴹ ⵏ ⵜⴻⴷⴷⵓⴽⵍⴰ ⴱⴻⵍ ⴰⵢⴰ ⵢⴻⵜⵜⴻⴽⴽⴰ-ⴷ ⴷⴻⴳ ⵓⴼⵔⴰⴳ ⵏ ⵓⵙⴷⴻⵀⵔⴻⵏ ⵏ ⵡⴰⴷⴷⴰⵍ-ⴰ ⴷ ⵓⵀⴻⴳ ⵏ ⵢⵉⵍⵎⴻⵥⵢⴻⵏ ⵉⵡⴰⴽⴽⴻⵏ ⴰⴷ ⵎⵜⴻⵍⵍⴻⵏ ⵍⴻⵣⵣⴰⵢⴻⵔ ⵙ ⵡⵓⴷⴻⵎ ⵢⴻⵍⵀⴰⵏ ⴷⴻⴳ ⵢⵉⵏⵉⴳⵓⵜⴻⵏ ⵉⴳⵔⴰⵖⵍⴰⵏⴻⵏ ⵉ ⴷ-ⵢⴻⴷⴷⵓⵏ.
ⴰⵔⵏⵓ ⵖⴻⵔ
