ⵓⵡⵢⴻⵏ ⵢⵉⵎⴰⵙⵍⴰⴷⴻⵏ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⵎⴻⵏⵖⵉⵡⵜ (wrestling) ⵙⴰ (7) ⵏ ⵜⵎⴻⴷⴷⴰⵍⵜⵉⵏ (3 ⵏ ⴷⴷⵀⴻⴱ ⴷ 4 ⵏ ⵍⴼⴻⵟⵟⴰ), ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⵉⵍⵖⵓⵖⴰ (championnat) ⵏ ⵜⴻⴼⵔⵉⵇⵜ ⵏ ⵜⵎⴻⵏⵖⵉⵡⵜ ⵉ ⵡⵉⴷ ⵢⴻⵙⵄⴰⵏ ⵙ ⴷⴷⴰⵡ ⵏ 17 ⵏ ⵢⵉⵙⴻⴳⴳⴰⵙⴻⵏ, ⵉ ⵉⵜⴻⴷⴷⵓⵏ ⴷⴻⴳ ⵎⴰⵚⴻⵔ (26 ⵢⴻⴱⵔⵉⵔ - 2 ⵎⴰⵢⵓ).
ⵜⵉⵎⴻⴷⴷⴰⵍⵜⵉⵏ ⵏ ⴷⴷⵀⴻⴱ ⴷ ⵓⴼⵓⵙ ⵏ ⵀⵓⵓⵙⵙⴰⵎ ⴻⴷⴷⵉⵏⴻ ⴱⵓⵓⵀⴰ (ⵍⵇⴻⴷⴷ ⵏ 48 ⴽⴳ), ⴱⵓⵓⵎⴰⴰⵣⴰ ⵍⵢⴻⵙ (ⵍⵇⴻⴷⴷ ⵏ 51 ⴽⴳ), ⴷ ⴱⵓⵓⵜⴰⵔⴼⴰⵉⴰ ⵀⵓⵓⵣⴰⵉⴼⴰ (ⵍⵇⴻⴷⴷ ⵏ 71 ⴽⴳ) ⴷⴻⴳ ⵡⴰⵏⴰⵡ ⵏ ⵜⵎⴻⵏⵖⵉⵡⵜ ⵜⴰⵖⵔⵉⵇⵉⵜ-ⵜⴰⵕⵓⵎⵉⵜ. ⵎⴰ ⴷ ⵜⵉⵎⴻⴷⴷⴰⵍⵜⵉⵏ ⵏ ⵍⴼⴻⵟⵟⴰ, ⵓⵡⵢⴻⵏ-ⵜⴻⵏⵜ ⴱⴻⵏⴰⵎⴰⵔ ⴻⵍ ⴱⴰⵔⴰⴰ (60 ⴽⴳ), ⵎⴰⵏⴰⵙⵔⵉⴰ ⵜⴰⵀⴰ (92 ⴽⴳ), ⴱⵓⵓⵛⵀⵉⴱⵉ ⴱⴰⵛⵀⵉⵔ (65 ⴽⴳ) ⴷ ⵎⴻⵔⵉⴻⵎ ⴳⵀⴰⵔⵉⴱ (43 ⴽⴳ) ⴷⴻⴳ ⵜⵎⴻⵏⵖⵉⵡⵜ ⵏ ⵜⵍⴰⵡⵉⵏ.
ⵜⴰⵔⴱⴰⵄⵜ ⵜⴰⵣⵣⴰⵢⵔⵉⵜ ⵜⴻⵜⵜⴻⴽⴽⵉ ⵙ 53 ⵏ ⵢⵉⵎⵓⵔⴰⵔ ⴷⴻⴳ ⵢⴰⴽⴽ ⵜⵙⴻⴷⴷⴰⵔⵉⵏ ⵏ ⵢⵉⵙⴻⴳⴳⴰⵙⴻⵏ (ⵙ ⴷⴷⴰⵡ ⵏ 17 ⵏ ⵢⵉⵙⴻⴳⴳⴰⵙⴻⵏ, ⵙ ⴷⴷⴰⵡ ⵏ 20 ⵏ ⵢⵉⵙⴻⴳⴳⴰⵙⴻⵏ, ⴷ ⵢⵉⵎⴻⵇⵇⵔⴰⵏⴻⵏ), ⴷⴻⴳ ⵡⴰⵏⴰⵡⴻⵏ ⵏ ⵜⵎⴻⵏⵖⵉⵡⵜ ⵜⵉⵍⴻⵍⵍⵉⵜ, ⵜⴰⵎⴻⵏⵙⴰⵢⵜ ⵜⴰⵖⵔⵉⵇⵉⵜ-ⵜⴰⵕⵓⵎⵉⵜ ⴷ ⵜⵉⵏ ⵏ ⵜⵍⴰⵡⵉⵏ. ⵢⵉⵎⵓⵔⴰⵔ-ⵏⵏⴻⵖ ⵙⵙⴰⵔⴰⵎⴻⵏ ⴰⴷ ⴷ-ⴰⵡⵉⵏ ⵢⵉⴳⴻⵎⵎⴰⴹ ⵉⴼⴰⵣⴻⵏ ⵉⵡⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⴰⵄⴻⵍⴰⵎ ⴰⵖⴻⵍⵏⴰⵡ ⴷⴻⴳ ⵜⵎⴻⵖⵔⴰ-ⴰⴳⵉ ⵏ ⵜⴻⴼⵔⵉⵇⵜ.
ⴰⵔⵏⵓ ⵖⴻⵔ
