ⵜⵃⴻⵟ-ⴷ, ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵍⵎⴻⵔⵚⴰ ⵏ ⵍⴻⵣⵣⴰⵢⴻⵔ, ⵜⵉⵍⵉⵡⴰ ⵉ ⴷ-ⵢⵓⴱⴱⴰⵏ ⵜⴰⵛⴻⴷⴹⵜ ⵜⴰⵎⴰⵢⵏⵓⵜ ⵏ ⵢⵉⵣⴰⵏ ⵉ ⴷ-ⵢⴻⵜⵜⵡⴰⵡⵉⵏ ⵙⴻⴳ ⴱⴻⵔⵔⴰ. ⴰⵢⴰⴳⵉ ⴷⴻⴳ ⵓⵏⴰⴳⵔⴰⵡ ⵏ ⵓⵙⵏⴻⵔⵏⵉ ⵏ ⵓⵙⴻⵎⵔⴻⵙ ⵏ ⵙⵙⵓⵇ ⴰⵖⴻⵍⵏⴰⵡ ⵉⵍⵎⴻⵏⴷ ⵏ ⵍⵄⵉⴷ ⵏ ⵜⴼⵓⵚⴽⴰ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⴽⴻⴱⴱⴰⵏⵉⵜ ⵏ ⵍⵎⴻⵔⵚⴰ ⵏ ⵍⴻⵣⵣⴰⵢⴻⵔ.
ⵉⵙⴻⴳⵣⵉ-ⴷ ⵓⴷⵢⴰⵏ-ⵏⵏⵉ ⴱⴻⵍⵍⵉ ⴰⵎⴻⵀⵍⴰⵏ-ⴰⴳⵉ ⵢⵓⵙⴰ-ⴷ ⵉ ⵓⵙⴻⵍⴽⴻⵎ ⵏ ⵢⵉⵏⴻⵔⵡⴰⵢⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉ ⵓⵃⵔⴰⵣ ⵏ ⵜⵣⴻⵎⵎⴻⵔⵜ ⵏ ⵓⵙⵡⴰ (ⵇⵓⴷⵔⴰ ⵛⵀⵉⵔⴰⵉⴰ) ⵏ ⵢⵉⵖⴻⵔⵎⴰⵏⴻⵏ ⴷ ⵓⵙⴻⴳⴷⴻⴽ ⵏ ⵙⵙⵓⵎⴰ ⵏ ⵢⵉⵣⴰⵏ ⵉⵍⵎⴻⵏⴷ ⵏ ⵍⵄⵉⴷ ⵏ ⵜⴼⵓⵚⴽⴰ. ⴰⴽⴽⴻⴷ ⵓⴹⴼⴻⵔ ⵏ ⵢⵉⵏⴻⵔⵡⴰⵢⴻⵏ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴰⵍⵍⴰⵍ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉ ⵓⵀⴻⴳⴳⵉ ⵏ ⵢⵉⵙⵡⵉⵔⴻⵏ ⵏ ⵓⵙⴻⴷⴷⴻⵙ ⵉ ⵓⴼⴻⵔⵔⴻⵣ ⵏ ⵓⵎⴻⵀⵍⴰⵏ-ⴰⴳⵉ.
ⵜⴻⴱⴳⴻⵙ-ⴷ ⵜⴽⴻⴱⴱⴰⵏⵉⵜ ⴱⴻⵍⵍⵉ ⵓⴼⵔⴰⵖ ⵏ ⵜⵛⴻⴷⴹⵜ-ⴰⴳⵉ ⵢⴻⴹⵔⴰ-ⴷ ⴷⴻⴳ "ⵜⵉⴳⵏⴰⵜⵉⵏ ⵏ ⵓⵙⴻⴷⴷⴻⵙ ⵢⴻⵍⵀⴰⵏ", ⵉ ⴷⴻⴳ ⵙⵙⴻⵎⵔⴰⵙⴻⵏ ⴰⴽⴽ ⵡⴰⵍⵍⴰⵍⴻⵏ ⵏ ⵓⴼⵓⵙ ⵏ ⵓⵅⴻⴷⴷⵉⵎ ⴷ ⵡⵉⴷ ⵏ ⵜⵏⵉⴽⵏⵉⵜ (ⵍⵓⴳⵉⵙⵜⵉⵇⵓⴻ) ⵉ ⵓⴹⵎⴰⵏ ⵏ ⵓⵙⴻⵍⵍⴻⴽ ⵢⴻⵍⵀⴰⵏ ⵏ ⵓⵎⴻⵀⵍⴰⵏ-ⴰⴳⵉ ⴷⴻⴳ ⵍⵎⴻⵔⵚⴰ.
ⵜⴰⵛⴻⴷⴹⵜ-ⴰⴳⵉ ⴷ ⵢⵉⵡⴻⵜ ⴷⴻⴳ ⵜⵉⴷ ⴰⵔⴰ ⴷ-ⵢⴻⵔⵏⵓⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴳⴰⵔ ⵏ ⵢⵉⵣⴰⵏ ⴷⴻⴳ ⵙⵙⵓⵇ ⴰⵖⴻⵍⵏⴰⵡ, ⵍⴰⴷⵖⴰ ⵉⵎⵉ ⴷ-ⵉⵇⴻⵔⵔⴻⴱ ⵍⵄⵉⴷ. ⵜⴻⴱⴷⴻⵔ-ⴷ ⴷⴰⵖⴻⵏ ⴱⴻⵍⵍⵉ ⵍⵍⴰⵏ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵜⵣⴰⵖⵜ ⴷ ⵜⴰⵙⴻⵏⵟⴱⵉⴱⵜ ⵏ ⵢⵉⵖⴻⵔⵙⵉⵡⴻⵏ ⵉ ⵓⴹⵎⴰⵏ ⵏ ⵜⵖⴻⵍⵍⵉⵙⵜ ⵏ ⵓⵇⴻⴹⵄⵉ ⴷ ⵙⵚⵉⴼⴰ ⵏ ⵍⵎⴰⵍ ⵉ ⴷ-ⵢⴻⵜⵜⵡⴰⴼⴻⵔⵖⴻⵏ ⵉ ⵓⵙⴻⵎⵔⴻⵙ.
ⴰⵔⵏⵓ ⵖⴻⵔ
