ⵉⵙⴰⵍⴰⵏ ⵏ ⵜⵎⵓⵔⵜ ⵉ ⴷ-ⵢⴻⴼⴼⵖⴻⵏ ⴰⵙⵙ ⵏ ⵜⵜⵍⴰⵜⴰ ⵔⵔⴰⵏ ⵜⴰⵎⴰⵡⵜ ⵖⴻⴼ ⵓⵥⵓⵏⴻⵢ ⵏ ⵍⵎⴻⴳⴳⴻⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵢⴻⵣⵔⵉⵏ, ⴰⵎⵊⴰⵀⵉⴷ ⵍⵉⴰⵎⵉⵏ ⵣⴻⵔⵡⴰⵍ, ⵙ ⵓⴱⴻⴳⴳⴻⵏ ⵏ ⵜⵓⵍⵎⵉⵙⵉⵏ-ⵉⵙ ⴷ ⵜⵣⴻⵎⵎⴰⵔ-ⵉⵙ ⵉ ⵉⵡⴻⵣⵏⴻⵏ ⵉ ⵓⵖⵔⴻⴼ ⴷ ⵜⵎⵓⵔⵜ.
ⴷⴻⴳ ⵓⵖⵎⵉⵙ "ⵛⵛⴰⵄⴱ", ⵙ ⵢⵉⵙⴻⵎ "ⴰⵣⵓⵏⴻⵢ ⵏ ⵢⵉⵎⴻⵇⵇⵔⴰⵏⴻⵏ... ⴰⵣⴻⵏⵣⵉⵖ ⵏ ⵢⵉⵔⴳⴰⵣⴻⵏ", ⴼⴽⴰⵏ-ⴷ ⵢⵉⵡⴻⵏ ⵏ ⵓⴼⴻⵔⴷⵉⵙ ⴷ ⴰⵎⴻⵇⵇⵔⴰⵏ ⵖⴻⴼ ⵜⵎⴻⴹⴻⵍⵜ ⵏ ⵡⵉⵏ ⵉ ⵢⴻⵏⴶⴰⴼⴻⵏ. ⴱⴻⴳⴳⵏⴻⵏ-ⴷ ⴰⴷⴷⴰⴷ ⵓⵏⵚⵉⴱ ⵉ ⵢⴻⵙⵙⴻⵃⵔⴻⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵙ ⵜⵎⵓⵖⵍⵉ ⵏ ⵢⵉⵎⴹⴻⴱⴱⵔⴻⵏ ⵏ ⵓⵡⴰⵏⴰⴽ, ⵉⵎⵊⴰⵀⴷⴻⵏ ⴷ ⵡⴰⵟⴰⵙ ⵏ ⵢⵉⵎⴻⵣⴷⴰⵖ ⵉ ⴷ-ⵢⵓⵙⴰⵏ ⵙⴻⴳ ⵢⴰⵍ ⵜⴰⵎⵏⴰⵟ ⵏ ⵜⵎⵓⵔⵜ ⵖⴻⵔ ⵜⴰⵎⴰⵏⴰⵖⵜ ⵏ ⵍⴻⵡⵔⴰⵙ, ⴱⴰⵜⵏⴰ.
ⴰⵖⵎⵉⵙ "ⵍⴶⵓⵎⵀⵓⵓⵔⵉⴰ" ⵉⵙⵙⴻⴽⵏⴻⴷ-ⴷ ⵍⵎⵓⴶ ⵏ ⵜⵎⴻⴹⴻⵍⵜ ⴷⴻⴳ ⵜⴰⴷⴷⴰⵔⵜ-ⵉⵙ ⴷⴻⴳ ⴱⴰⵜⵏⴰ. ⴷⴻⴳ ⵓⵎⴰⴳⵔⴰⴷ ⵙ ⵢⵉⵙⴻⵎ "ⴰⵣⴻⵏⵣⵉⵖ ⵏ ⵓⵔⴳⴰⵣ ⵏ ⵜⵉⴳⴳⴰⵜⵉⵏ", ⵉⵙⵙⴻⴼⵀⴻⵎ-ⴷ ⴰⴱⵔⵉⴷ ⵏ ⵓⵎⵊⴰⵀⵉⴷ-ⴰⴳⵉ ⴷⴻⴳ ⵜⴻⴳⵔⴰⵡⵍⴰ ⴷ ⵓⵚⴻⴳⴳⴻⵎ ⵏ ⵜⵎⵓⵔⵜ, ⵍⴰⴷⵖⴰ ⴰⵙⵎⵉ ⵉⵟⵟⴻⴼ ⵜⴰⵎⴰⵙⵉⵜ ⵏ ⵓⵡⴰⵏⴰⴽ ⴷⴻⴳ ⵜⴰⵍⵍⵉⵜ ⵏ ⵜⵉⵍⵍⴰ ⵉ ⵜⵄⴻⴷⴷⴰ ⵍⴻⵣⵣⴰⵢⴻⵔ. ⵉⵙⴻⵎⵎⴰ-ⴰⵙ "ⴰⵔⴳⴰⵣ ⵏ ⵜⴰⵍⵍⵉⵜ ⵏ ⴷⴷⵉⵇ", ⵡⵉⵏ ⵓⵔ ⵏⴻⴶⴶⵉⵍ ⴰⵔⴰ ⵉ ⵓⵙⵉⵡⴻⵍ ⵏ ⵜⵎⵓⵔⵜ.
ⴰⵖⵎⵉⵙ "ⵛⵛⵓⵔⵓⵓⵇ" ⵢⵓⵔⴰ ⴷⴻⴳ ⵓⵙⴻⴱⵜⴻⵔ ⴰⵎⴻⵣⵡⴰⵔⵓ: "ⵉⵎⴻⵟⵟⴰⵡⴻⵏ ⴷ ⵜⵍⵉⵢⵍⵉⵡⵉⵏ ⴷⴻⴳ ⵜⵎⴻⴹⴻⵍⵜ ⵏ ⵓⵙⴻⵍⵡⴰⵢ ⵍⵉⴰⵎⵉⵏ ⵣⴻⵔⵡⴰⵍ". ⴱⴻⴳⴳⵏⴻⵏ-ⴷ ⴰⵎⴻⴽ ⵉ ⴷ-ⵓⵙⴰⵏ ⵎⴻⴷⴷⴻⵏ ⵙ ⵣⵉⴽ ⵖⴻⵔ ⴱⴰⵜⵏⴰ ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏ ⴰⵙⴻⵍⵡⴰⵢ-ⵏⵙⴻⵏ ⵎⴻⴱⵍⴰ ⵎⴰ ⵡⴰⵍⴰⵏ ⴰⵙⴻⵎⵎⵉⴹ ⵉⴶⴻⵀⴷⴻⵏ.
ⵎⴰ ⴷ ⴰⵖⵎⵉⵙ "ⵍⵅⴰⴱⴰⵔ", ⵉⵙⵙⴻⵎⵎⴰ ⵉ ⵜⵎⴻⴹⴻⵍⵜ-ⴰⴳⵉ ⴷ "ⵜⴰⵍⵍⵉⵜ ⵜⴰⵙⴻⵔⵜⵉⵜ ⴷ ⵜⵏⴻⵖⵎⴰⵙⵜ ⵉ ⵢⴻⵙⵄⴰⵏ ⵓⵏⴰⵎⴻⴽ ⵍⵇⴰⵢⴻⵏ", ⵜⴻⵙⵙⴻⴽⵏⴻⴷ ⴰⵎⴻⴽ ⵉ ⵜ-ⵉⵃⴻⵎⵎⴻⵍ ⵓⵖⵔⴻⴼ ⴷⴻⴳ ⵡⵓⵍ-ⵉⵙ. ⴰⵖⵎⵉⵙ "ⵍⵎⵓⴷⵊⴰⵀⵉⴷ" ⵉⵙⵙⴻⴳⵔⴰ-ⴷ ⵜⵉⵎⵓⵛⵓⵀⴰ ⵏ ⵢⵉⵎⴻⵣⴷⴰⵖ ⵖⴻⴼ ⵜⵓⵍⵎⵉⵙⵉⵏ ⵢⴻⵍⵀⴰⵏ ⵏ ⵣⴻⵔⵡⴰⵍ ⴷ ⵜⵓⵛⵛⵉⵜ-ⵉⵙ ⵉ ⵜⵎⵓⵔⵜ.
ⴰⵖⵎⵉⵙ "ⵀⵓⵔⵉⵣⵓⵏⵙ" ⵜⵡⴰⵍⴰ ⴱⴻⵍⵍⵉ ⵍⵉⴰⵎⵉⵏ ⵣⴻⵔⵡⴰⵍ ⴷ "ⴰⴳⴻⵔⵔⵔⵓⵊ ⴰⵖⴻⵍⵏⴰⵡ" ⵉ ⵉⵍⴰⵇ ⴰⴷ ⵢⵓⵖⴰⵍ ⴷ ⵍⴼⴻⵟⵔⴰ ⵉ ⵜⵙⵓⵜⵉⵡⵉⵏ ⵏ ⵓⵣⴻⴽⴽⴰ. ⵎⴰ ⴷ ⴰⵖⵎⵉⵙ "ⵍⵡⴰⵜⴰⵏ", ⵉⵙⵎⴻⴽⵜⵉ-ⴷ ⴰⴱⵔⵉⴷ-ⵉⵙ ⴰⵙⴻⵔⴷⴰⵙ ⴷ ⵓⵙⴻⵔⵜⵉ ⴷ ⵓⵃⵔⴰⵣ-ⵉⵙ ⵉ ⵜⵉⵎⵓⵎⴻⵏⵜ ⵏ ⵜⵎⵓⵔⵜ ⵣⴷⴰⵜ ⵏ ⵢⴰⵍ ⵓⵏⴻⴽⵛⵓⵎ ⵏ ⵢⵉⵎⴱⴻⵔⵔⴰⵏⵉⵢⴻⵏ ⴷⴻⴳ ⵜⴻⵎⵙⴰⵍ ⵏ ⴷⴰⵅⴻⵍ ⵏ ⵍⴻⵣⵣاⵢⴻⵔ.
ⴰⵔⵏⵓ ⵖⴻⵔ
