ⵉⵜⴻⴽⴽⵉ ⵓⵡⴻⵅⵅⴰⵎ ⴰⵣⵣⴰⵢⵔⵉ ⵏ ⵓⵙⴻⵏⵣⵉ ⴷ ⵓⴼⴻⵔⵔⴻⵇ ⵏ ⵢⵉⴼⵓⵔⴰⵙ ⵏ ⵓⴱⵉⵜⵕⵓⵍ ⴷ ⵍⴳⴰⵣ "ⵏⴰⴼⵜⴰⵍ" ⴷ ⵓⴳⴻⵎⵎⴰⵢ ⴰⵣⵣⴰⵢⵔⵉ ⵏ ⵓⴱⵉⵜⵕⵓⵍ (ⵉⴰⴱ), ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵏⴶⴰⵎⵉⵏⴰ (ⵜⵛⴰⴷ), ⴷⴻⴳ ⵢⵉⵡⴻⵜ ⵏ ⵜⵜⵉⵖⵔⵉ ⵏ ⵓⵎⴰⵀⵉⵍ ⵢⴻⵔⵣⴰⵏ ⵓⵙⴽⴰⵏ ⵏ ⵜⵎⵓⵙⵏⵉ ⵜⴰⵣⵣⴰⵢⵔⵉⵜ ⴷⴻⴳ ⵢⵉⴱⵉⵜⵕⵓⵍⵉⵢⴻⵏ ⴷ ⵓⵙⵉⵍⴻⵖ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⵉⵢⴰⵏ ⵏ ⵜⵏⴻⵖⵍⴰⴼⵜ.
ⴰⵏⴻⵖⵎⵉⵙ ⵢⴻⵏⵏⴰ-ⴷ ⴱⴻⵍⵍⵉ ⵓⵏⴰⴱⴰⴹ ⵏ ⵜⴼⵉⵔⵎⴰ "ⵏⴰⴼⵜⴰⵍ", ⴶⴰⵎⴰⵍ ⵛⴻⵔⴷⵓⴷ, ⴷ ⵓⵎⴻⴷⴷⴰⴱⴻⵔ ⴰⵎⴰⵜⴰ ⵏ ⵓⴳⴻⵎⵎⴰⵢ ⴰⵣⵣⴰⵢⵔⵉ ⵏ ⵓⴱⵉⵜⵕⵓⵍ, ⵎⵓⵃⴰⵎⴻⴷ ⵅⵓⴶⴰ, ⵜⵜⴻⴽⴽⴰⵏ ⵔⵔⵉⴼ ⵏ ⵜⵎⴻⵖⵔⴰ ⵜⴰⵎⴰⴳⵏⵓⵜ ⵏ ⵍⵎⵉⵏⴰ ⴷ ⵍⴱⴻⵜⵕⵓⵍ "ⵙⵉⵎⵉⴽⴰ ⵜⵛⴰⴷ 2026", ⴷⴻⴳ ⵢⵉⵡⴻⵜ ⵏ ⵜⵎⵍⵉⵍⵉⵜ ⵖⴻⴼ "ⵜⵎⵓⵙⵏⵉ ⵏ ⵔⵔⴻⴱⴻⵃ ⴰⵣⵣⴰⵢⵔⵉ ⴷ ⵢⵉⵛⴻⵡⵡⵉⵇⴻⵏ ⵉⵎⴻⵇⵇⵔⴰⵏⴻⵏ ⵏ ⵜⴻⵎⴳⵓⵔⵉⵡⵉⵏ ⵏ ⵓⵙⵓⴼⴼⴻⵖ ⴷⴻⴳ ⵜⵛⴰⴷ", ⵉ ⵢⴻⵍⵍⴰⵏ ⴷ ⴰⵎⴽⴰⵏ ⵏ ⵓⵎⵢⴰⴱⴰⴷ ⵏ ⵜⵎⵓⵙⵏⵉⵡⵉⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⴰⵎⴳⵓⵔⵉ ⵏ ⵓⵙⵓⴼⴼⴻⵖ ⴷⴻⴳ ⵜⴼⵔⵉⵇⵜ.
ⵉⵎⴻⵜⵜⴻⴽⴽⵉⵢⴻⵏ ⴷⴻⴳ ⵜⵎⵍⵉⵍⵉⵜ-ⴰⴳⵉ ⵡⴰⵍⴰⵏ ⵜⴰⵎⵓⵙⵏⵉ ⵜⴰⵣⵣⴰⵢⵔⵉⵜ ⴷⴻⴳ ⵢⵉⴱⵉⵜⵕⵓⵍⵉⵢⴻⵏ ⴷ ⵓⵙⵉⵍⴻⵖ, ⴷⴷⴻⵇⵇⴻⵏ ⵖⴻⴼ ⵡⴰⵣⴰⵍ ⵏ ⵜⴷⴻⴱⴱⵉⵔⵜ ⵢⴻⵍⵀⴰⵏ, ⵓⵙⵏⴻⵔⵏⵉ ⵏ ⵜⵣⴻⵎⵎⴰⵔ ⵏ ⵡⴻⵎⴷⴰⵏ, ⴷ ⵓⵏⴻⵇⵇⴻⵍ ⵏ ⵜⴻⵜⵉⴽⵏⵓⵍⵓⵊⵉⵜ ⵉⵡⴰⴽⴽⴻⵏ ⴰⴷ ⵢⴻⵍⵍⵉ ⵓⵙⵏⴻⵔⵏⵉ ⵉⴷⵓⵎⴻⵏ. ⵎⴰⵙ ⵛⴻⵔⴷⵓⴷ ⴷ ⵎⴰⵙ ⵅⵓⴶⴰ ⵜⵜⴻⴽⴽⴰⵏ ⴷⴻⴳ ⵜⵎⵍⵉⵍⵉⵜ ⴷⵓⴷⴻⵙ ⴷ ⵓⵎⴻⴷⴷⴰⴱⴻⵔ ⵏ ⵜⴼⵉⵔⵎⴰ ⵏ ⵓⵇⴷⴰⵙ ⵏ ⵏⴶⴰⵎⵉⵏⴰ (ⵏⵔⵛ), ⵎⴰⵀⴰⵎⴰⵜ ⴳⵉⵍⴰⵜ ⵀⴻⵎⵛⵉ, ⴷ ⵓⵏⴰⴱⴰⴹ ⵏ ⵓⵙⵍⵓⴳⴻⵏ ⵏ ⵓⴱⵉⵜⵕⵓⵍ ⴷⴻⴳ ⵜⵛⴰⴷ (ⴰⵔⵙⴰⵜ), ⵃⴰⵙⴰⵏ ⴰⴷⵓⵎ ⵢⵓⵏⵙⵎⵉ.
ⵉⵎⴻⵙⵍⴰⵢⴻⵏ ⵏ ⵍⴻⵣⵣⴰⵢⴻⵔ ⴱⴻⴷⵔⴻⵏ-ⴷ ⵡⴰⵣⴰⵍ ⵏ ⵜⴼⵉⵔⵎⵉⵡⵉⵏ ⵜⵉⵏⴰⵎⵓⵔⵉⵏ, ⵍⴰⴷⵖⴰ "ⵏⴰⴼⵜⴰⵍ" ⴷ ⵓⴳⴻⵎⵎⴰⵢ ⵏ ⵓⴱⵉⵜⵕⵓⵍ, ⴷⴻⴳ ⵓⵙⵏⴻⵔⵏⵉ ⵏ ⵓⵙⵉⵍⴻⵖ ⴷ ⵓⵄⵉⵡⴻⵏ ⵏ ⵜⵛⴰⵔⴰⴽⵉⵏ ⵜⵉⴼⵔⵉⵇⵉⵢⵉⵏ ⵉ ⵢⴻⴱⵏⴰⵏ ⵖⴻⴼ ⵍⴼⴰⵢⴷⴰ ⵏ ⴽⵓⵍ ⵢⵉⵡⴻⵏ.
ⵜⵉⴽⴽⵉ-ⴰⴳⵉ ⵜⵓⵙⴰ-ⴷ ⴷⴻⴳ ⵓⵙⴰⵜⴰⵔ ⵏ ⵓⵃⴰⴹⴻⵔ ⵏ ⵍⴻⵣⵣⴰⵢⴻⵔ ⴷⴻⴳ ⵜⵎⴻⵖⵔⴰ "ⵙⵉⵎⵉⴽⴰ ⵜⵛⴰⴷ 2026", ⵉ ⴷ-ⵢⴻⵍⴷⴰⵏ ⵙ ⵓⵃⴰⴹⴻⵔ ⵏ ⵓⵎⴻⵙⵍⴰⵢ ⵏ ⵓⵙⴻⵍⵡⴰⵢ ⵏ ⵜⴳⵓⴷⴰⵢⵜ, ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰ, ⵎⵓⵃⴰⵎⴻⴷ ⵄⴻⵔⵇⴰⴱ. ⴰⵢⴰ ⵢⴻⵙⴽⴰⵏ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵇⵙⴻⴷ ⴰⴷ ⵜⵄⴰⵡⴻⵏ ⵜⵉⵎⵓⵔⴰ ⵏ ⵜⴼⵔⵉⵇⵜ ⴷⴻⴳ ⵓⵃⵔⵉⵛ ⵏ ⵓⵇⴷⴰⵙ, ⵓⴼⴰⵔⴻⵙ ⴷ ⵓⵙⵉⵍⴻⵖ.
ⵜⵉⵎⵍⵉⵍⵉⵜ-ⴰⴳⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ, ⵜⴻⵙⴽⴰⵏ-ⴷ ⴰⴱⵖⴻⵙ ⵏ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵎⵙⴰⵡⴰⴹ ⵖⴻⴼ ⵢⵉⵎⴰⵍ ⵏ ⵜⴻⵎⴳⵓⵔⵉⵡⵉⵏ ⴷⴻⴳ ⵜⴼⵔⵉⵇⵜ ⴷ ⵓⵙⴱⴻⴷⴷⵉ ⵏ ⵜⴷⴰⵎⵙⴰ ⵜⴰⴼⵔⵉⵇⵉⵜ ⵉⵊⴻⵀⴷⴻⵏ.
ⴰⵔⵏⵓ ⵖⴻⵔ
