ⴰⵏⴻⵖⵍⴰⴼ ⴰⵎⴻⵣⵢⴰⵏ, ⵎⴰⵙ ⵙⵉⴼⵉ ⵖⴰⵔⵉⴱ, ⵉⵟⵟⴻⴼ ⴰⵙⵙ ⵏ ⵜⵜⵍⴰⵜⴰ ⵉ ⵉⵄⴻⴷⴷⴰⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴳⴰⵔ ⵜⵓⴳⴻⵜ ⵏ ⵜⵎⴰⵡⴰⵙⵉⵏ ⵉⵡⴰⴽⴽⴻⵏ ⴰⴷ ⵙⴱⴻⴷⴷⴻⵏ ⵜⴰⵔⴱⴰⵄⵜ ⵏ ⵓⵅⴻⴷⴷⵉⵎ ⴰⵔⴰ ⴷ-ⵢⴻⵍⵀⵓⵏ ⴷ ⵓⵀⴻⵢⵢⵉ ⵏ ⵓⵙⴻⵍⴽⴻⵏ ⴰⵖⴻⵍⵏⴰⵡ ⵏ ⵡⴰⵍⵍⴰⵙ (Référentiel National d'Intégration) ⴷⴻⴳ ⵓⵃⵔⵉⵛ ⵏ ⵜⴰⵎⴳⵓⵔⵉ ⵏ ⵜⴽⴻⵔⵔⵓⵙⵉⵏ, ⵉⵙⴰⴽⴰⵍⵏⴻⴹ ⴷ ⵉⵎⵓⵜⵓⴰⵜ.
ⴰⵙⴻⵍⴽⴻⵏ-ⴰⴳⵉ ⴷ ⵡⵉⵏ ⴰⵔⴰ ⵢⵉⵍⵉⵏ ⴷ ⵍⵙⴰⵙ ⵉⵡⴰⴽⴽⴻⵏ ⴰⴷ ⵅⴻⵙⴱⴻⵏ ⴰⵛⵃⴰⵍ ⵉ ⴷ-ⵜⴻⴽⵛⴻⵎ ⵍⵎⴰⴽⵍⴰ ⵏ ⵜⵎⵓⵔⵜ ⴷⴻⴳ ⵓⴼⴰⵔⵉⵙ ⵉ ⵅⴻⴷⴷⵎⴻⵏ ⵉⵙⴻⵍⴷⴰⵢⴻⵏ (manufacturiers). ⴰⵢⴰ ⴰⴷ ⴰⵙⴻⵏ-ⵢⴻⴼⴽ ⴰⵣⵔⴻⴼ ⵉⵡⴰⴽⴽ ⴰⴷ ⴰⵡⵉⵏ ⵉⵏⴻⴼⵄⴻⵏ ⵏ ⵜⴻⵚⵔⴻⴼⵜ (avantages préférentiels) ⵉ ⴷ-ⵢⴻⵜⵜⴰⴽ ⵓⵙⴰⴹⵓⴼ (ⵍⵇⴰⵏⵓⵏ) ⵉ ⵓⵃⵔⵉⵛ-ⴰⴳⵉ, ⴰⵎⴻⴽ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⵎⴰⵡⴰⵙⵜ.
ⵜⴰⵎⵙⴰⵍⵜ-ⴰⴳⵉ ⴰⴷ ⴷ-ⵜⴻⴼⴽⴻⵎ ⵍⵍⵙⴰⵙ ⵉⵊⴻⵀⴷⴻⵏ ⵉⵡⴰⴽⴽⴻⵏ ⴰⴷ ⴷ-ⵜⵉⵍⵉ ⵜⵣⴻⵟⵟⴰ ⴰⵖⴻⵍⵏⴰⵡ ⵏ ⵢⵉⵎⴰⵅⵅⴰⴷⴻⵏ (sous-traitants) ⴰⵔⴰ ⵢⴻⵅⴻⴷⵎⴻⵏ ⵍⴻⵔⵢⴻⵍ ⴷ ⵜⵛⴻⴽⴽⵉⵍⵉⵏ ⵏ ⵜⴽⴻⵔⵔⵓⵙⵉⵏ ⴷⵉ ⵍⵣⵣⴰⵢⴻⵔ. ⵉⵙⵡⵉ ⵏ ⵛⵛⵖⴻⵍ-ⴰⴳⵉ ⴷ ⴰⵙⵏⴻⵔⵏⵉ ⵏ ⵓⴼⴰⵔⵉⵙ ⵏ ⵜⵎⵓⵔⵜ ⵛⵡⵉⵟ ⵛⵡⵉⵟ, ⵉⵡⴰⴽⴽⴻⵏ ⴰⴷ ⴷ-ⵜⴻⴱⵏⵓ ⵜⴰⵎⴳⵓⵔⵉ ⵏ ⵜⴽⴻⵔⵔⵓⵙⵉⵏ ⵏ ⵚⵚⴻⵃ ⵢⴻⵔⵏⴰ ⴰⴷ ⵉⴷⵓⵎ. ⴰⵢⴰ ⴰⴷ ⴷ-ⵉⵅⴻⵍⵇⴻⵏ ⴷⴰⵖⴻⵏ ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵉⵎⴻⵇⵇⵔⴰⵏⴻⵏ ⵉ ⵜⵙⵓⵜⵉⵡⵉⵏ ⵉ ⴷ-ⵉⵜⴻⴷⴷⵓⵏ, ⴰⴷ ⴷ-ⵢⴰⵡⵉ ⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ, ⵢⴻⵔⵏⴰ ⴰⴷ ⵢⴻⵃⴱⴻⵙ ⴰⵙⴰⵙⵜⴰⵔ ⵏ ⵍⴻⵔⵢⴻⵍ ⵏ ⵜⴽⴻⵔⵔⵓⵙⵉⵏ ⵙⴻⴳ ⴱⴻⵔⵔⴰ ⵙ ⵍⴷⴻⴼⵉⵣ.
ⴰⵔⵏⵓ ⵖⴻⵔ
