ⵙ ⵢⵉⵙⵓⵔⵉⴼⴻⵏ ⵏ ⵓⵙⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴱⴷⴻⵍⵎⴰⴷⵊⵉⴷ ⵟⴻⴱⴱoⵓⵏⴻ, ⵢⴻⵡⵡⴻⴹ-ⴷ ⵜⴰⵎⴻⴷⴷⵉⵜ ⵏ ⴰⵙⵙ-ⴰ ⵏ ⵜⵜⵍⴰⵜ, ⵖⴻⵔ ⵜⵎⴰⵏⴰⵖⵜ ⵏ ⵏⵏⴻⵔⵡⵉⵊ Oⵙⵍo, ⵓⵏⴻⵖⵍⴰⴼ ⵏ ⵡⴰⵡⴰⵏⴻⴽ, ⵓⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵏ ⴱⴻⵔⵔⴰ ⴷ ⵜⵎⴻⵜⵜⵉ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ ⴷ ⵢⵉⵡⴻⵥⵍⴰ ⵉⴼⵔⵉⵇⵉⵢⴻⵏ, ⵎⴰⵙⵙ ⵄⵀⵎⴻⴷ ⵄⵜⵜⴰⴼ, ⴷⴻⴳ ⵜⵉⵔⵣⴰ ⵜⴰⵎⵙⵙⵓⵔⵜ ⵖⴻⵔ ⵜⴰⴳⴻⵍⴷⴰ ⵏ ⵏⵏⴻⵔⵡⵉⵊ, ⵙ ⵢⵉⵙⴰⵍⵍⴻⵏ ⵉ ⴷ-ⵢⴻⵡⵡⵉⵏ ⵓⵍⵉⵖ ⵏ ⵜⵏⴻⵖⵍⴰⴼⵜ.
ⵜⴻⵍⵍⴰ-ⴷ ⵜⵉⵔⵣⴰ-ⴰ, ⵙ ⵢⵉⵙⴰⵍⵍⴻⵏ ⵏ ⵓⵖⴱⴰⵍⵓ-ⵏⵏⵉ, ⴷⴻⴳ ⵓⴽⴰⵜⴰⵕ ⵏ ⵓⵙⵊⴻⵀⴻⴷ ⵏ ⵢⵉⵣⴰⵣⴻⵏ ⵏ ⵜⴰⵍⵍⴻⵍⵜ ⵓⵙⵏⴰⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴷ ⵓⵙⵏⴻⵖⵔⴻⵖ ⵏ ⵓⵙⵙⴻⵎⵍⴻⵍ ⴷ ⵓⵙⵙⴻⴱⴷⵓⴷ ⵖⴻⴼ ⵢⴻⵎⴳⴰⵔⴰⴷⴻⵏ ⵢⵉⵙⴰⴳⵓⵔⴻⵏ ⵉ ⵉⵞⵓⴷⴷⴻⵏ ⵙⵏⴰⵜ ⵏ ⵜⵎⵓⵔⴰ.
ⴰⵎ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⵓⵏⴻⵖⵍⴰⴼ ⵏ ⵡⴰⵡⴰⵏⴻⴽ ⴷⴻⴳ ⵢⵉⵔⵎⵓⴷⴻⵏ ⵏ ⵜⵙⴻⵎⵀⵉⵜ ⵜⵉⵙ ⵙⵏⴰⵜ ⵏ ⵜⵎⴻⵔⵡⵉⵏ ⴷ ⴽⵕⴰⴹ (23) ⵏ ⵓⵏⵎⵓⴳⴳⴰⵔ ⵏ ⵢⵉⵏⴻⵖⵍⴰⴼⴻⵏ ⵏ ⵢⵉⵡⴻⵥⵍⴰ ⵏ ⴱⴻⵔⵔⴰ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴷ ⵜⵎⵓⵔⴰ ⵏ ⵓⴳⴰⴼⴰ ⵏ ⵜⵓⵔⵓⴼⵜ, ⵉ ⴰⴷ ⵢⵉⵍⵉⵏ ⴷ ⵜⴰⴳⵏⵉⵜ ⵉ ⵓⵙⵊⴻⵀⴻⴷ ⵏ ⵓⵙⵙⴻⵎⵍⴻⵍ ⴷ ⵓⵙⵙⴻⴱⴷⵓⴷ ⵖⴻⴼ ⵢⵉⵙⴰⴳⵓⵔⴻⵏ ⵉⵎⴻⵧⵕⴰⵏⴻⵏ ⴷ ⵡⵓⴳⵓⵔⴻⵏ ⵉⴳⵔⴰⵖⵍⴰⵏⴻⵏ ⵏ ⵜⵓⵔⴰ.
ⴷⴻⴳ ⵢⵉⴷⵉⵙ ⵏ ⵓⵏⵎⵓⴳⴳⴰⵔ-ⴰ ⴰⵎⴻⴳⴳⴰⵔⵓ, ⴰⴷ ⵉⵙⵙⴻⴱⵔⴻⵇ ⵎⴰⵙⵙ ⵄⵜⵜⴰⴼ ⴰⵞⵃⴰⵍ ⵏ ⵢⵉⵙⴻⵎⵍⴻⵍⴻⵏ ⵓⵙⵏⴰⵏⴻⵏ ⴷ ⵢⵉⵙⴻⴼⵔⴰⵏ ⴷ ⴰⵞⵃⴰⵍ ⵏ ⵢⵉⵎⵙⵙⵉⵙⴰⵢⴻⵏ-ⵉⵏⴻⵙ ⵙⴻⴳ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴷ ⵜⵎⵓⵔⴰ ⵏ ⵓⴳⴰⴼⴰ ⵏ ⵜⵓⵔⵓⴼⵜ, ⴰⵎ ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵉⵖ ⵏ ⵜⵏⴻⵖⵍⴰⴼⵜ.

