ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵇⴱⴻⵍ ⵓⵏⴻⴱⴷⴰⴷ ⴰⵎⴰⵜⵓ ⵏ ⵜⵏⴻⴱⴷⴰⴷⵜ ⵜⴰⵣⵣⴰⵢⵔⵉⵜ ⵉ ⵓⵙⵉⴷⴷⴻⵔ ⵏ ⵓⵙⵓⵎⴻⵔ (Investment), ⵎⴰⵙⵙ ⵄⵓⵎⴰⵔ ⵔⴻⴽⴽⴰⵛ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵡⴰⵙⵉⵔⴰ ⵏ ⵜⵏⴻⴱⴷⴰⴷⵜ, ⵜⴰⵔⴱⴰⵄⵜ ⵏ ⵎⵎⵓⵊⵎⵎⵓⵄ ⴰⵜⵓⵔⴽⵉ "ⵀⴰⵢⴰⵜ DHC" (HAYAT DHC), ⵉ ⵢⴻⵣⵡⵉⵔⴻⵏ ⴷⴻⴳ ⵓⵎⴰⴹⴰⵍ ⴷⴻⴳ ⵓⴼⴰⵔⵉⵙ ⵏ ⵍ lⴽⴰⵯⴻⴹ ⴷ ⵡⴰⵍⴰⵜⴻⵏ ⵏ ⵓⵃⴰⴷⴰⵔ ⵏ ⵢⵉⵎⴷⴰⵏⴻⵏ ⴷ ⵢⵉⵅⴰⵎⵎⴻⵏ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵔⵣⴰ ⴰⵙⴻⵏⴼⴰⵔ ⴰⵎⴻⵇⵇⵔⴰⵏ ⵉ ⵢⴻⴱⵯⴰ ⵎⵎⵓⵊⵎⵎⵓⵄ-ⴰⴳⵉ ⴰⴷ ⵜ-ⵢⴻⴳ ⴷⴻⴳ ⵍⵣⵣⴰⵢⴻⵔ. ⵉⵙⵡⵉ-ⵙ ⴷ ⴰⴼⴰⵔⵉⵙ ⵏ ⵍ lⴽⴰⵯⴻⴹ ⴰⵎⴻⵇⵇⵔⴰⵏ ⵙ ⵡⴰⵜⵉⴳ ⵏ 70 ⵏ ⵢⵉⴼⴻⵏ ⵏ ⵢⵉⵜⵓⵏⵏⴻⵏ ⴽⵓⵍ ⴰⵙⴻⴳⴳⴰⵙ. ⴰⵢⴰ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵓⴼⴰⵔⵉⵙ ⴰⵖⴻⵍⵏⴰⵡ ⵢⴻⵔⵏⴰ ⴰⴷ ⵢⴻⵙⵏⴻⵇⴻⵙ ⵡⴰⵢⴻⵏ ⵉ ⴷ-ⵏⴻⵜⵜⴰⵡⵉ ⵙⴻⴳ ⴱⴻⵔⵔⴰ. ⴰⴷ ⴷ-ⵢⴻⵙⴼⵓⴼⵓⵖ ⴷⴰⵖⴻⵏ ⵜⵉⵏⵙⵉⵔⵉⵏ ⵏ ⵍ lⴽⴰⵯⴻⴹ (24.275 ⵏ ⵢⵉⵜⵓⵏⵏⴻⵏ) ⴷ ⵡⴰⵍⴰⵜⴻⵏ ⵏ ⵓⵙⵉⵣⴷⴻⴳ ⵏ ⵜⵣⵎⴻⵔⵜ (20.000 ⵏ ⵢⵉⵜⵓⵏⵏⴻⵏ). ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⴱⴷⴰⴷⵜ.
ⵢⴻⵔⵏⴰ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴰⵜⵉⴳ (ⵙⵙⵓⵎⴰ) ⵏ ⵓⵙⵓⵎⴻⵔ-ⴰⴳⵉ ⵢⴻⴳⴳⴰ 13.4 ⵏ ⵢⵉⵎⵍⵢⴰⵔⴻⵏ ⵏ ⴷⵉⵏⴰⵔ ⴰⵣⵣⴰⵢⵔⵉ, ⵢⴻⵔⵏⴰ ⵙⵙⴰⵡⴹⴻⵏ ⴰⴷ ⴷ-ⵢⴻⴼⴽ 960 ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⵓⵏⵚⵉⴱⴻⵏ.
ⴷⴻⴳ ⵜⵉⵎⵍⵉⵍⵉⵜ-ⴰⴳⵉ, ⵎⴰⵙⵙ ⵔⴻⴽⴽⴰⵛ ⵢⴻⴼⴽⴰ ⵜⴰⵡⵇⵜ ⵏ ⵓⵊⴻⵔⵔⴻⴷ ⵏ ⵓⵙⵓⵎⴻⵔ ⵉ ⵢⵉⵎⴻⵎⵎⴻⵜⵜⵉⵍⴻⵏ ⵏ ⵎⵎⵓⵊⵎⵎⵓⵄ ⴰⵜⵓⵔⴽⵉ ⵉ ⵡⴰⴽⴽⴻⵏ ⴰⴷ ⴱⴷⵓⵏ ⵍⴻⵇⴷⵉⵛ-ⵏⵙⴻⵏ. ⴰⵙⴻⵏⴼⴰⵔ-ⴰⴳⵉ ⴰⴷ ⵢⴻⵍⴷⵉ ⵜⵉⴱⴱⵓⵔⴰ-ⵉⵙ ⴷⴻⴳ ⵜⵡⵉⵍⴰⵢⵜ ⵏ ⵖⵍⵉⵣⴰⵏ ⵉⵎⵉⵔⴻⵏ ⴽⴰⵏ.
ⵎⴱⴰⵄⴻⴷ ⵎⴰ ⵢⴻⵙⵍⴰ ⵓⵏⴻⴱⴷⴰⴷ ⴰⵎⴰⵜⵓ ⵖⴻⴼ ⵡⴰⵎⴻⴽ ⴰⵔⴰ ⵢⴻⵜⵜⵓⵙⴻⴷⵎⴻⵔ ⵓⵙⴻⵏⴼⴰⵔ, ⵢⴻⵙⵙⴻⵊⴷⴻⴷ ⴰⵣⴰⵍ ⵏ ⵓⴼⴰⵔⵉⵙ ⴰⴷⵉⴳⴰⵏ. ⵢⴻⵏⵏⴰ-ⴷ ⴱⴻⵍⵍⵉ ⵜⴰⵏⴻⴱⴷⴰⴷⵜ ⵡⴻⵊⵊⴷⴻⵜ ⴰⴷ ⵜⴻⴼⴽ ⵎⴰⵕⵕⴰ ⵜⴰⵍⵍⴻⵍⵜ ⵉ ⵎⵎⵓⵊⵎⵎⵓⵄ-ⴰⴳⵉ ⵉ ⵡⴰⴽⴽⴻⵏ ⴰⴷ ⵙⵙⴻⵎⵖⴻⵔⵏ ⵍⴻⵇⴷⵉⵛ-ⵏⵙⴻⵏ ⴷⴻⴳ ⵍⵣⵣⴰⵢⴻⵔ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵓⵙⵊⴻⵀⴻⴷ ⵏ ⵓⵎⵢⴻⵍⵍⴻⵍ ⴷ ⵢⵉⵎⴻⵙⴽⴰⵔⴻⵏ ⵏ ⵜⵎⵓⵔⵜ.
ⵜⴰⴳⴳⴰⵔⴰ, ⵎⴰⵙⵙ ⵔⴻⴽⴽⴰⵛ ⵢⴻⵙⵙⵓⵜⴻⵔ ⵙⴻⴳ ⵎⵎⵓⵊⵎⵎⵓⵄ ⴰⵜⵓⵔⴽⵉ, ⵢⴻⵙⵄⴰⵏ 67 ⵏ ⵜⵎⴻⵔⵙⴻⵍⵉⵏ ⴷⴻⴳ 17 ⵏ ⵜⵎⵓⵔⴰ, ⴰⴷ ⵙⵏⴻⴼⵍⴰⵢⴻⵏ ⴰⵙⵓⵎⴻⵔ-ⵏⵙⴻⵏ ⴷⴻⴳ ⵍⵣⵣⴰⵢⴻⵔ ⴷⴻⴳ ⵡⴰⵟⴰⵙ ⵏ ⵢⵉⵃⵔⵉⵛⴻⵏ, ⴰⴽⴽⴻⵏ ⴰⴷ ⵊⵊⴻⵀⴷⴻⵏⵜ ⵜⵎⴷⵓⴽⴽⵍⵉⵡⵉⵏ ⴳⴰⵔ ⵍⵣⵣⴰⵢⴻⵔ ⴷ ⵜⵓⵔⴽⵢⴰ ⵢⴻⵔⵏⴰ ⴰⴷ ⵜⴻⵏⴼⴻⵍ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
ⴰⵔⵏⵓ ⵖⴻⵔ
