ⵜⴻⵡⵡⵉ-ⴷ ⵜⵙⵓⴷⴰ ⵏ ⵓⵙⴰⴳⵡⴻⵏ ⵏ ⵜⴻⵏⴻⵙ ⴷⴻⴳ ⵜⵡⵉⵍⴰⵢⵜ ⵏ ⵛⵍⴻⴼ, ⴷⴻⴳ ⴷⴷⵓⵕⵜ-ⴰⴳⵉ, ⴰⵙⵓⴼⴼⴻⵖ (ⴻⵅⵃⵓⵔⵜ) ⵏ ⵙⵏⴰⵜ ⵏ ⵜⵉⴷⴷⵉⵢⵉⵏ (ⵛⴰⵔⴳⴰⵉⵙⵓⵏⵙ) ⵏ ⵙⵙⵉⵎⴰⵜ ⴷ ⵍⵣⵢⴰⵊ ⵖⴻⵔ ⵜⵎⵓⵔⴰ ⵏ ⵜⵓⵔⵓⴼⵜ. ⴰⵢⴰⴳⵉ ⵢⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵃⴻⵔⵔⴻⴽ ⵉⵞⴻⵀⴷⴻⵏ ⵉ ⵓⵙⵓⴼⴼⴻⵖ ⵏ ⴷⴷⵡⴰⵜ ⵏⵏⵉⴹⴻⵏ (ⴱⴻⵔⵔⴰ ⵏ ⵢⵉⵎⴻⵃⵔⵓⵇⴻⵏ).
ⵉⵙⴻⴳⵣⵉ-ⴷ ⵓⵏⴱⴻⴷⴷⴰⴷ ⴰⵎⴰⵜⵓ ⵙ ⵓⵎⴹⵉⵇ ⵏ ⵓⵙⴰⴳⵡⴻⵏ ⵏ ⵜⴻⵏⴻⵙ, ⵎⴰⵙⵙ ⵍⴰⴽⵀⴷⴰⵔ ⵉⴱⵔⴰⵀⵉⵎ, ⴷⴻⴳ ⵡⴰⵡⴰⵍ ⵉ ⵡⴰⵊ, ⴱⴻⵍⵍⵉ ⵉⵍⵎⴻⵏⴷ ⵏ ⵢⵉⵏⴻⵔⵡⴰⵢⴻⵏ ⵏ ⵜⵙⵓⵍⵟⴰⵏⵉⵏ ⵜⵓⵏⵏⵉⴳⵜ ⵉⵡⴻⵙⵏⴻⵔⵏⵉ ⵏ ⵓⵙⵓⴼⴼⴻⵖ ⴱⴻⵔⵔⴰ ⵏ ⵢⵉⵎⴻⵃⵔⵓⵇⴻⵏ, ⴰⵙⴰⴳⵡⴻⵏ ⵏ ⵜⴻⵏⴻⵙ ⵢⴻⵅⴷⴻⵎ ⴰⵎⴻⵀⵍⴰⵏ ⵏ ⵏⴼⴰⵄ ⵙ ⵓⵙⵓⴼⴼⴻⵖ ⵏ ⵍⵣⵢⴰⵊ ⴷ ⵙⵙⵉⵎⴰⵜ ⵖⴻⵔ ⵜⵓⵔⵓⴼⵜ.
ⴰⵙⴻⵍⵍⴰⵍ (ⴱⴰⵯⵉⵔ) ⴰⵎⴻⵏⵣⵓ ⵢⴻⵜⵜⵡⴰⵄⴻⵎⵎⴻⵔ ⴷⴻⴳ ⵓⵔⵚⵉⴼ ⵓⵟⵟⵓⵏ 2 ⵙ ⵡⴰⵣⴰⵍ ⵏ 2787 ⵏ ⵓⵟⵓⵏ ⵏ ⵍⵣⵢⴰⵊ, ⵎⴰ ⴷ ⴰⵙⴻⵍⵍⴰⵍ ⵡⵉⵙ ⵙⵉⵏ ⵢⴻⵜⵜⵡⴰⵄⴻⵎⵎⴻⵔ ⴷⴻⴳ ⵓⵔⵚⵉⴼ ⵏ ⵓⵏⵥⵓⵍ (ⵙⵓⴷ) ⵙ 7360 ⵏ ⵓⵟⵓⵏ ⵏ ⵙⵙⵉⵎⴰⵜ. ⴰⵢⴰⴳⵉ ⵉⵙⴱⴻⴳⴳⴻⵏ-ⴷ ⵜⴰⵣⵎⴻⵔⵜ ⵏ ⵓⵙⴰⴳⵡⴻⵏ ⵏ ⵜⴻⵏⴻⵙ ⵉ ⵓⵟⵎⴰⵏ ⵏ ⵢⵉⵎⴻⵀⵍⴰⵏ ⵏ ⵓⵄⴻⵎⵎⴻⵔ ⵢⴻⴷⴷⵓⴽⴽⵍⴻⵏ.
ⵉⵡⴰⴽⴽⴻⵏ ⴰⴷ ⴷ-ⵏⴻⵎⵎⴻⴽⵜⵉ, ⵜⴰⵙⵓⴷⴰ ⵏ ⵓⵙⴰⴳⵡⴻⵏ ⵏ ⵜⴻⵏⴻⵙ ⵙⴻⴳ ⵓⵎⴻⵏⵣⵓ ⵏ ⵢⴻⵏⵏⴰⵢⴻⵔ 2026 ⵜⴻⵙⵙⵓⴼⴼⴻⵖ ⴰⵣⴰⵍ ⵏ 313.250 ⵏ ⵓⵟⵓⵏ ⵏ ⴷⴷⵡⴰⵜ ⵏⵏⵉⴹⴻⵏ ⵙ ⵓⴱⵔⵉⴷ ⵏ 56 ⵏ ⵢⵉⵙⴻⵍⵍⴰⵍ.
ⴰⵔⵏⵓ ⵖⴻⵔ
