ⵍⵣⵣⴰⵢⴻⵔ ⵜⴰⵎⴰⵏⴻⵯⵜ – ⵜⴻⴱⴱⴻⵔⵔⴻⵒ-ⴷ ⵜⴷⵓⴽⴽⵍⵉ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ (FAF) ⴱⴻⵍⵍⵉ ⵜⴻⵇⴱⴻⵍ ⵢⵉⵡⴻⵜ ⵏ ⵜⴷⴻⵎⵎⵉ ⵜⴰⵙⵜⵔⴰⵜⵉⵊⵉⵜ ⵉ ⵢⴻⴱⵯⴰⵏ ⴰⵙⴻⴳⴳⴻⵎ ⴷ ⵓⵙⵏⴻⴼⵍⴰⵢ ⵏ ⵡⴰⵏⴰⴳⵔⴰⵡ ⵏ ⵜⵎⵣⵉⵣⵣⴻⵍⵜ. ⵉⵙⵡⵉ ⴰⵎⴻⵇⵇⵔⴰⵏ ⴷ ⵓⵙⴻⴳⴳⴻⵎ ⵏ ⵜⵄⵓⵇⵉⵏ ⵢⴻⵍⵍⴰⵏ ⴷⴻⴳ ⵡⴰⴷⴷⴰⴷ ⵏ ⵜⵓⵔⴰ ⴷⴻⴳ ⵜⴳⴳⴰⵢⵉⵏ ⵏ ⵢⵉⵍⵎⴻⵣⵢⴻⵏ, ⵉ ⵡⴰⴽⴽⴻⵏ ⴰⴷ ⵀⴻⴳⴳⵉⵏ ⵜⴰⵙⵓⵜⵉⵡⵉⵏ ⵉ ⴷ-ⵢⴻⵜⵜⴻⴼⴼⵓⵖⵓⵏ ⵉ ⵓⴼⵔⴰⵣ ⴰⴷⴷⴰⵍⴰⵏ ⵓⵏⵏⵉⴳ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵯⵓ ⵏ ⵜⴷⵓⴽⴽⵍⵉ ⴷⴻⴳ ⵓⵙⵎⴻⵍ-ⵉⵙ ⵓⵏⵚⵉⴱ, ⴰⵙⵉⵔⴰ ⴰⴼⵉⴷⵉⵔⴰⵍⵉ ⵢⴻⵎⵍⴰⵍ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵙⵓⵜⵍⵜ ⵜⴰⵎⴻⵣⴳⵓⵏⵜ ⵙ ⵏⵏⵡⴰⵢⴰ ⵏ ⵓⵎⵙⴻⵍⵡⴰⵢ ⵏ ⵜⵎⴻⵔⵙⴻⵍⵜ, ⵎⴰⵙⵙ ⵡⴰⵍⵉⴷ ⵚⴰⴷⵉ. ⴷⴻⴳ ⵜⵉⴳⵏⵉⵜ-ⴰⴳⵉ, ⵙⵍⴰⵏ ⵯⴻⵔ ⵢⵉⵡⴻⵏ ⵓⵙⴻⴼⵔⴻⵯ ⵉ ⵢⴻⴼⴽⴰ ⵓⵏⴻⴱⴷⴰⴷ ⴰⵜⴻⴽⵏⵉⴽ ⴰⵯⴻⵍⵏⴰⵡ, ⵎⴰⵙⵙ ⵄⵍⵉ ⵎⵓⵙⴻⵔ. ⵙⵙⴰⵡⵍⴻⵏ ⵍⴰⴷⵯⴰ ⵯⴻⴼ ⵓⵙⵏⴻⴼⵍⴰⵢ ⵏ ⵜⴽⵓⵔⵜ ⵏ ⵓⴹⴰⵔ ⴷⴻⴳ ⵜⵏⴻⵎⵎⴰⵍ, ⴰⵙⴻⴳⴳⴻⵎ ⵏ ⵜⵎⵣⵉⵣⵣⴻⵍⵉⵏ ⵜⵉⵯⴻⵍⵏⴰⵡⵉⵏ ⴷ ⵓⵙⴰⵍⴰⵢ ⵏ ⵡⴰⴷⴷⴰⴷ ⵏ ⵜⵎⴻⵔⵙⴻⵍⵉⵏ ⵜⴰⴷⴷⴰⵍⴰⵏⵉⵏ.
ⵢⴻⵔⵏⴰ-ⴷ ⵡⴰⵍⵯⵓ-ⵏⵏⵉ ⴱⴻⵍⵍⵉ ⵜⴰⵎⵓⵖⵍⵉ-ⴰⴳⵉ ⵜⴰⵎⴰⵢⵏⵓⵜ ⴷ ⴰⵎⵓⵔ ⵙⴻⴳ ⵢⵉⵡⴻⵏ ⵓⴱⵔⵉⴷ ⴰⵎⴰⵜⵓ ⵉ ⵢⴻⴱⵯⴰⵏ ⴰⵙⵊⴻⵀⴻⴷ ⵏ ⵓⴼⴰⵔⵉⵙ ⴷ ⵓⵙⴻⴳⴳⴻⵎ ⵏ ⵡⴰⵏⴰⴳⵔⴰⵡ ⵏ ⵜⵓⵔⴰ. ⴰⵎⴻⴷⵢⴰ ⴰⵎⴰⵢⵏⵓ ⵢⴻⴱⵏⴰ ⵯⴻⴼ ⵓⵙⵏⴻⴼⵍⴰⵢ ⵏ ⵢⵉⵡⴰⵀⵉⵍⴻⵏ ⵏ ⵓⵙⴻⴳⴳⴻⵎ ⴷ ⵓⵙⵊⴻⵀⴻⴷ ⵏ ⵓⵙⵉⵍⴻⵯ ⵏ ⵢⵉⵎⵓⵙⵏⴰⵡⴻⵏ ⴰⵜⴻⴽⵏⵉⴽⵉⵢⴻⵏ, ⵯⴻⵔ ⵜⴰⵎⴰ ⵏ ⵓⵏⴰⴷⵉ ⴷ ⵓⴹⴰⴼⴻⵔ ⵏ ⵢⵉⵍⵎⴻⵣⵢⴻⵏ ⵢⴻⵙⵄⴰⵏ ⵜⵉⵣⵎⴰⵔ ⵢⵓⴼⵔⴰⵔⴻⵏ.
ⵙⴻⴳ ⵍⵊⵉⵀⴰ ⵏⵏⵉⴹⴻⵏ, ⵜⴰⵏⴻⴱⴷⴰⴷⵜ ⵜⴰⵜⴻⴽⵏⵉⴽⵜ ⵜⴰⵯⴻⵍⵏⴰⵡⵜ ⵜⴻⴳⴳⴰ ⴰⵡⴰⵀⵉⵍ ⵏ ⵜⵙⵓⵜⵍⵉⵏ ⵏ ⵢⵉⵍⵎⴻⵣⵢⴻⵏ ⵢⵓⴼⵔⴰⵔⴻⵏ ⴰⴽⴽⴰ:
- ⵜⴰⵙⵓⵜⵍⵜ ⵜⴰⵎⴻⵣⵡⴰⵔⵓⵜ ⵏ ⵜⵏⴻⵎⵎⴰⵍ ⵏ ⵜⴽⵓⵔⵜ ⵏ ⵓⴹⴰⵔ (ⴷⴷⴰⵡ 11 ⵏ ⵢⵉⵙⴻⴳⴳⴰⵙⴻⵏ): ⵎⴰⵢⵢⵓ 2026, ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵯⵜ.
- ⵜⴰⵙⵓⵜⵍⵜ ⵜⵉⵙ ⵙⵏⴰⵜ ⵏ ⵜⵏⴻⵎⵎⴰⵍ ⵓⵏⵏⵉⴳⵉⵏ (ⴷⴷⴰⵡ 13 ⵏ ⵢⵉⵙⴻⴳⴳⴰⵙⴻⵏ): ⵙⴻⴳ 29 ⵎⵖⴻⵔⴻⵙ ⴰⵍⴰⵎⵎⴰ ⴷ 01 ⵉⴱⵔⵉⵔ 2026, ⴷⴻⴳ ⵡⴻⵀⵔⴰⵏ.
- ⵜⴰⵙⵓⵜⵍⵜ ⵜⵉⵙ ⴽⵔⴰⴹⵜ "ⵜⵉⵣⵎⴰⵔ ⵜⵉⵍⵎⴻⵣⵢⵉⵏ" (ⴷⴷⴰⵡ 15 ⵏ ⵢⵉⵙⴻⴳⴳⴰⵙⴻⵏ): ⵙⴻⴳ 23 ⴰⵍⴰⵎⵎⴰ ⴷ 26 ⵎⵖⴻⵔⴻⵙ 2026, ⴷⴻⴳ ⵡⴻⵀⵔⴰⵏ.
- ⵜⴰⵙⵓⵜⵍⵜ ⵜⵉⵙ ⴽⵔⴰⴹⵜ "ⵉⵣⴻⴳⵣⴰⵡⴻⵏ ⵏ ⵢⵉⵎⴰⵍ" (ⴷⴷⴰⵡ 17 ⵏ ⵢⵉⵙⴻⴳⴳⴰⵙⴻⵏ): ⵙⴻⴳ 26 ⴰⵍⴰⵎⵎⴰ ⴷ 28 ⵎⵖⴻⵔⴻⵙ 2026, ⴷⴻⴳ ⵡⴻⵀⵔⴰⵏ.
- ⵜⴰⴼⴰⵙⴽⴰ ⵜⵉⵙ ⵙⵏⴰⵜ ⵏ ⵜⴽⵓⵔⵜ ⵏ ⵓⴹⴰⵔ ⵏ ⵜⵍⴰⵡⵉⵏ (ⴷⴷⴰⵡ 14 ⵏ ⵢⵉⵙⴻⴳⴳⴰⵙⴻⵏ): ⵙⴻⴳ 16 ⴰⵍⴰⵎⵎⴰ ⴷ 18 ⵉⴱⵔⵉⵔ 2026, ⴷⴻⴳ ⵇⵙⴻⵏⵟⵉⵏⴰ.
ⵜⴰⴳⴳⴰⵔⴰ, ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⴱⴻⵍⵍⵉ ⵜⴰⴷⵓⴽⴽⵍⵉ ⵜⴰⵣⵣⴰⵢⵔⵉⵜ ⵜⴻⴱⵯⴰ ⴰⴷ ⵜⴻⵔⵔ ⵜⴰⴽⵓⵔⵜ ⵏ ⵓⴹⴰⵔ ⴷ ⵜⴰⵔⵉⵛⵜ ⵉⵊⴻⵀⴷⴻⵏ ⵏ ⵓⵏⴻⴳⵎⵓ ⴰⴷⴷⴰⵍⴰⵏ ⵢⴻⵔⵏⴰ ⴰⴷ ⵜⴻⵊⵊ ⵢⵉⵍⵎⴻⵣⵢⴻⵏ ⴰⵣⵣⴰⵢⵔⵉⵢⴻⵏ ⴰⴷ ⴰⵡⴹⴻⵏ ⵯⴻⵔ ⵓⵙⵡⵉⵔ ⴰⵎⴰⴹⵍⴰⵏ.
