ⵜⴻⵍⵍⴰ-ⴷ ⵉⴹⴻⵍⵍⵉ ⵏ ⵍⵀⴻⴷ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵜⴻⵙⵇⴰⵎⵓⵜ ⵉ ⵉⵜⴻⴷⴷⵓⵏ ⵢⴻⵄⵏⴰⵏ ⴰⵀⴻⴳⴳⵉ, ⵓⵙⴼⵓⵍⴻⵍ ⴷ ⵓⵙⴰⵜⵉⴳ (évaluation) ⵏ ⵜⵙⵔⴻⵟ (stratégie) ⵜⴰⵖⴻⵍⵏⴰⵡⵜ ⵏ ⵜⵎⴰⵏⴻⴳⵜ ⵏ ⵜⴰⵣⵣⵉⵜ 2025-2030 ⴷⴻⴳ ⵡⴰⵎⵎⴰⵙ ⴰⴷⴻⵍⵙⴰⵏ ⵏ ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵓⵜⴻⴽⴽⵉ ⵏ ⵢⵉⵎⴰⵣⴰⵏ ⵙⴻⴳ ⵢⵉⵏⵏⴰⵔⴻⵏ ⵏ ⵜⵏⴻⵖⵍⴰⴼⵉⵏ ⵢⴻⵎⴳⴰⵔⴰⴷⴻⵏ ⴷ ⵜⵎⵓⵙⵏⵉⵡⵉⵏ ⵢⴻⵄⵏⴰⵏ ⵜⴰⵍⵓⴼⵜ-ⴰⴳⵉ, ⵙⴻⵍⴷ ⴰⵙⴻⵙⵜⵔⴻⴼ ⵏ ⵜⴰⴳⴳⴰⵔⴰ ⵖⴻⴼ ⵜⵙⵔⴻⵟ-ⴰⴳⵉ ⵙ ⵜⴰⵎⴰ ⵏ ⵓⵙⵇⴰⵎⵓ ⵏ ⵓⵙⴻⵏⵄⴻⵜ ⵏ ⵜⴰⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⵎⴰⵏⴻⴳⵜ ⵏ ⵜⴰⵣⵣⵉⵜ ⴷⴻⴳ ⵜⵙⴻⵎⵎⵓⵏⵜ-ⵉⵙ ⵏ 06 ⵢⴻⴱⵔⵉⵔ 2026.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⴰⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⵎⴰⵏⴻⴳⵜ ⵏ ⵜⴰⵣⵣⵉⵜ, "ⵢⴻⵙⵙⴻⵍⵡⴰⵢ ⴰⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵜⴻⵎⵍⵉⵍⵉⵜ-ⴰⴳⵉ ⴰⴱⵕⵓⴼⵉⵙⵓⵔ ⴽⴰⵎⴻⵍ ⵚⴰⵏⵀⴰⵊⵉ, ⴰⵙⴻⵍⵡⴰⵢ ⵏ ⵜⵙⵏⵓⵔⴻⴼⵜ. ⵉⵙⴰⵜⵉⴳ (valorized) ⵍⵎⴻⴶⵀⵓⴷⴰⵜ ⵉⵎⴻⵣⴷⴰⵢⴻⵏ ⵉ ⵉⵄⴰⵡⵏⴻⵏ ⴷⴻⴳ ⵓⵙⴰⵍⵉ ⵏ ⵜⵙⵔⴻⵟ-ⴰⴳⵉ, ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵍⵍⵉⵜ ⵏ ⵓⵙⴻⵍⴽⴻⵎ ⴷ ⵜⴰⵍⵍⵉⵜ ⵉⵕⴻⵙⵙⴰⵏ ⵉ ⵉⵙⵙⵓⵜⵜⵓⵔⴻⵏ ⵓⵎⵙⴰⵙⴻⵢ (coordination) ⵉⵊⴻⵃⴷⴻⵏ ⴳⴰⵔ ⵢⵉⵏⵏⴰⵔⴻⵏ ⵎⴻⵕⵕⴰ, ⴷ ⵓⵙⴻⵎⵔⴻⵙ ⵏ ⵢⵉⴳⴻⵔⵔⵔⵓⵊⴻⵏ ⵙ ⵏⴼⴰⵄ, ⴷ ⵓⵟⵎⴰⵏ ⵏ ⵡⴰⵍⵍⴰⵍⴻⵏ ⵉⵕⴻⵙⵙⴰⵏⴻⵏ ⵉ ⵓⵙⴼⵓⵍⴻⵍ ⴷ ⵓⵙⴰⵜⵉⴳ ⵉⵡⴰⴽⴽⴻⵏ ⴰⴷ ⴷ-ⵜⵜⵓⵡⴰⵅⴻⴷⵎⴻⵏ ⵢⵉⵙⵡⵉⵢⴻⵏ ⵢⴻⵜⵜⵡⴰⵙⴻⵔⵙⴻⵏ ⴷⴻⴳ ⵡⴰⵏⵏⴰⵔ ⵏ ⵜⵉⴷⴻⵜ".
ⴷⴻⴳ ⵓⵏⵏⴰⵔ-ⴰⴳⵉ, "ⴰⴱⵕⵓⴼⵉⵙⵓⵔ ⴽⴰⵎⴻⵍ ⵚⴰⵏⵀⴰⵊⵉ ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵎⴰⵏⴻⴳⵜ ⵏ ⵜⴰⵣⵣⵉⵜ ⵜⵓⵖⴰⵍ ⴷ ⴰⵎⴻⵛⵡⴰⵇ ⴰⵙⵔⴰⵜⵉⴷⵊⵉ (enjeu stratégique) ⵣⴷⴰⵜ ⵏ ⵢⵉⴽⴰⵢⴰⴷⴻⵏ ⵢⴻⵄⵏⴰⵏ ⵜⴰⵣⵣⵉⵜ, ⵜⴰⵙⵓⵜⵉⵜ (nutrition), ⵜⴰⵡⵏⵏⴰⴹⵜ ⴷ ⵜⵉⵜⵉⴽⵏⵓⵍⵓⵊⵉⵢⵉⵏ ⵉ ⵉⵜⴻⴷⴷⵓⵏ ⵙ ⵓⵖⵉⵡⴻⵍ. ⴰⵢⴰⴳⵉ ⵉⵙⵙⵓⵜⵜⵓⵔ ⴰⵙⴻⴶⵀⴻⴷ ⵏ ⵜⵣⴻⵎⵎⴰⵔ ⵏ ⵓⵙⴼⵓⵍⴻⵍ ⴷ ⵓⵀⴻⴳⴳⵉ ⵉⵡⴰⴽⴽⴻⵏ ⴰⴷ ⵜⴻⵜⵜⵡⴰⵃⵔⴻⵣ ⵜⴰⵣⵣⵉⵜ ⵏ ⵢⵉⵎⴻⵣⴷⴰⵖ. ⵉⵙⵔⴻⵚ-ⴷ ⴷⴰⵖⴻⵏ ⵜⵓⵛⵛⵉⵜ ⵏ ⵜⴰⵙⵏⵓⵔⴻⴼⵜ ⵉ ⵓⵙⴼⵓⵍⴻⵍ ⵏ ⵢⵉⵎⵉⴳⴰⵡⴻⵏ ⵎⴻⵕⵕⴰ ⴷⴻⴳ ⵓⵣⴻⵏⵣⵉⵖ ⵏ ⵜⴷⵓⴽⵍⵉ ⵉ ⵢⴻⴱⵖⴰⵏ ⴰⵙⴱⴻⴷⴷⵉ ⵏ ⵢⵉⵡⴻⵏ ⵏ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵉ ⵓⵟⵎⴰⵏ ⵏ ⵜⵎⴰⵏⴻⴳⵜ ⵏ ⵓⵖⵔⵉⵎ".
ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ, ⴰⵙⵉⵡⴹ ⵉⵙⵙⴻⴽⵜⵉ-ⴷ ⴱⴻⵍⵍⵉ "ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⴼⴽⴰⵏ-ⴷ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⴷⴻⴳ ⴷ-ⵙⵎⴻⴽⵜⵉⵢⴻⵏ ⵜⴰⵙⵔⴻⵟ ⵜⴰⵖⴻⵍⵏⴰⵡⵜ ⵏ ⵜⵎⴰⵏⴻⴳⵜ ⵏ ⵜⴰⵣⵣⵉⵜ 2025-2030, ⵙ ⵓⵙⴻⴽⵏⴻⴷ ⵏ ⵢⵉⵙⵓⴽⴰ-ⵙ ⵉⵎⴻⵇⵇⵔⴰⵏⴻⵏ ⴷ ⵢⵉⵙⵡⵉⵢⴻⵏ-ⵉⵙ. ⴷⴰⵖⴻⵏ, ⴼⴽⴰⵏ-ⴷ ⵢⵉⵡⴻⵜ ⵏ ⵜⴰⵔⵔⴰⵢⵜ (méthodologie) ⵉ ⵓⵙⴻⵍⴽⴻⵎ, ⴰⵙⴼⵓⵍⴻⵍ ⴷ ⵓⵙⴰⵜⵉⴳ ⵏ ⵓⵎⴰⵀⵉⵍ, ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⴰⵍⵍⴰⵍⴻⵏ ⵏ ⵓⵎⵙⴰⵙⴻⵢ ⴳⴰⵔ ⵢⵉⵏⵏⴰⵔⴻⵏ ⴷ ⵓⵏⴰⵎⴻⵍ ⵏ ⵜⴰⵎⵉⵡⵉⵏ ⴰⵔⴰ ⵢⴻⵙⵙⴻⵍⴽⵎⴻⵏ ⵉⵙⴻⵏⴼⴰⵔⴻⵏ".
"ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⴰⵎⵔⴰⵃ ⵏ ⵓⴷⵉⵡⴻⵏⵏⵉ ⴷ ⵓⵎⵛⴻⵡⵡⴻⵔ ⴳⴰⵔ ⵢⵉⵎⴰⵣⴰⵏ ⵏ ⵜⵏⴻⵖⵍⴰⴼⵉⵏ ⴷ ⵜⵎⵓⵙⵏⵉⵡⵉⵏ ⵢⴻⵄⵏⴰⵏ ⵜⴰⵍⵓⴼⵜ-ⴰⴳⵉ, ⵉⵡⴰⴽⴽⴻⵏ ⴰⴷ ⴷ-ⵏⴻⵔⵏⵉⵏⵜ ⵜⵎⵓⵖⵍⵉⵡⵉⵏ ⵓ ⴰⴷ ⵜⵜⵓⵏⴻⵎⵍⴻⵏ ⵢⵉⵎⴰⵀⵉⵍⴻⵏ ⵏ ⵢⴰⵍ ⵜⴰⵎⴰ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵜⵙⵔⴻⵟ ⵜⴰⵖⴻⵍⵏⴰⵡⵜ ⵏ ⵜⵎⴰⵏⴻⴳⵜ ⵏ ⵜⴰⵣⵣⵉⵜ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴰⵔⵏⵓ ⵖⴻⵔ
