ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ, ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵖⴻⴼ ⵓⵍⴷⴰⵢ ⵓⵏⵚⵉⴱ ⵏ ⵡⴻⵃⵔⵉⵛ ⵏ ⵓⵙⵉⵍⴻⵖ ⵏ ⵡⴰⵀⵉⵍ "ⵚⴰⵏⵄⴰ", ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵉⵕⴻⵙⵙⴰⵏ. ⴰⵢⴰⴳⵉ ⴷ ⴰⵙⵓⵔⵉⴼ ⵉ ⵢⴻⴱⵖⴰⵏ ⴰⴷ ⵢⴻⵙⵏⴻⵔⵏⵉ ⴰⵙⵉⵍⴻⵖ ⵏ ⵜⵎⵓⵀⴰⵍ ⵜⵉⵎⴻⵏⵙⴰⵢⵉⵏ ⴷ ⵓⵙⵉⵍⴻⵖ ⴰⵎⴻⵣⵣⵓⵍⴰⵏ ⵉ ⵏⴼⴰⵄ ⵏ ⵢⵉⵍⴻⵎⵣⵢⴻⵏ ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ ⵜⵣⴻⵎⵎⴰⵔ ⵏ ⵍⵍⵙⴰⵙ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵜⴰⵍⵍⵉⵜ ⵏ ⵓⵊⴻⵔⵔⴻⴷ (inscription) ⵏ ⵡⴰⵀⵉⵍ "ⵚⴰⵏⵄⴰ" ⵜⵣⴻⵔ, ⵙⴻⴳ 31 ⵎⴰⵢⵓ ⴰⵔⵎⵉ ⴷ 4 ⵢⵓⵏⵢⵓ, ⵜⵉⴷⴷⵉ ⵉⴶⴻⵀⴷⴻⵏ ⵏ ⵢⵉⵍⴻⵎⵣⵢⴻⵏ ⵢⴻⴱⵖⴰⵏ ⴰⴷ ⴷ-ⴰⴳⵎⴻⵏ ⵙⴻⴳ ⵜⵉⴳⴳⴰⵡⵜ-ⴰⴳⵉ, ⴰⵏⵉⴷⴰ ⵓⵎⴹⴰⵏ ⵏ ⵡⵉⴷ ⵉ ⴷ-ⵢⵓⵔⴰⵏ ⵢⴰⵡⴻⴹ 173.800 ⵏ ⵢⵉⵎⴽⴻⵜⴱⴰⵢⴻⵏ ⵙ ⵜⵜⴰⵡⵉⵍ ⵏ ⵜⴻⵙⴰⵍⵜ ⵜⴰⵇⵎⵉⵜ (ⵒⵍⴰⵜⴻⴼⵓⵔⵎⴻ ⴷⵉⴳⵉⵜⴰⵍⴻ).
ⵙⴻⵍⴷ ⴰⵙⵎⴻⴷ ⵏ ⵢⵉⵙⵡⵉⵔⴻⵏ ⵏ ⵜⴻⵣⵔⴰⵡⵜ ⴷ ⵓⵙⴻⵏⵄⴻⵜ, "ⵜⵜⵡⴰⵇⴻⴱⵍⴻⵏ ⵓ ⵜⵜⵓⵏⴻⵎⵍⴻⵏ 114.133 ⵏ ⵢⵉⵎⵏⴻⴼⵄⴻⵏ ⵉ ⴷⴻⴳ ⵍⵍⴰⵏⵜ ⵜⴻⵡⵜⵉⵍⵉⵏ (conditions) ⵉⵕⴻⵙⵙⴰⵏⴻⵏ ⵖⴻⵔ ⵜⵎⵓⵀⴰⵍ ⵉ ⴷ-ⴼⵔⴻⵏⴻⵏ".
ⴰⵃⵔⵉⵛ-ⴰⴳⵉ ⵏ ⵓⵙⵉⵍⴻⵖ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ — ⵉⵜⴻⴷⴷⵓ "ⵙ ⵜⴰⵍⵍⴻⵍⵜ ⵏ ⵓⵣⴻⵟⵟⴰ ⵡⴻⵙⵙⵉⵄⴻⵏ ⵏ ⵜⵎⵓⵙⵏⵉⵡⵉⵏ ⵏ ⵓⵙⵉⵍⴻⵖ ⵉ ⵢⴻⴱⴹⴰⵏ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ, ⴰⵏⵉⴷⴰ ⵜⵜⵓⵙⴱⴻⴷⴷⴻⵏ ⵓⴳⴰⵔ ⵏ 600 ⵏ ⵡⴰⵎⵎⴰⵙⴻⵏ ⴷ ⵢⵉⵎⴰⵄⵀⴷⴻⵏ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ ⵉ ⵓⵟⵎⴰⵏ ⵏ ⵓⵃⵔⴰⵣ ⵢⴻⵍⵀⴰⵏ ⵉ ⵢⵉⵎⵏⴻⴼⵄⴻⵏ".
ⴷⴰⵖⴻⵏ, "ⵜⵜⵓⵙⴱⴻⴷⴷⴻⵏ ⵓⴳⴰⵔ ⵏ 2000 ⵏ ⵢⵉⵎⴹⴻⴱⴱⵔⴻⵏ ⴷ ⵢⵉⵙⵉⵍⴻⵖⴻⵏ ⵉ ⵓⵙⴼⵓⵍⴻⵍ ⵏ ⵓⵙⴻⵍⴽⴻⵎ ⵏ ⵡⴰⵀⵉⵍ-ⴰⴳⵉ ⴷⴻⴳ ⵢⴰⴽⴽ ⵉⵙⵡⵉⵔⴻⵏ ⵏ ⵓⵙⵉⵍⴻⵖ, ⵉⵡⴰⴽⴽⴻⵏ ⴰⴷ ⴷ-ⵜⵉⵍⵉ ⵜⵖⴰⵔⴰ ⵏ ⵓⵙⴻⵍⵎⴻⴷ ⴷ ⵓⵡⴻⵣⵣⵉ ⵏ ⵢⵉⵙⵡⵉⵢⴻⵏ ⵏ ⵡⴰⵀⵉⵍ ⴷⴻⴳ ⵓⵏⵏⴰⵔ ⵏ ⵓⵙⵏⴻⴼⵍⵉ ⵏ ⵜⵣⴻⵎⵎⴰⵔ ⵏ ⵓⵎⴰⵀⵉⵍ ⴷ ⵜⵎⵓⵀⴰⵍ".
ⴷⴻⴳ ⵜⴰⵎⴰ ⵏ ⵜⵔⴰⴽⴰⵍⵜ, "ⴰⵊⴻⵔⵔⴻⴷ ⵢⴻⵍⵍⴰ-ⴷ ⴷⴻⴳ 38 ⵏ ⵜⵡⵉⵍⴰⵢⵉⵏ, ⴰⵏⵉⴷⴰ ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵉ ⴷ ⵜⴰⵎⴻⵏⵣⵓⵜ ⵙ 23.054 ⵏ ⵢⵉⵎⴽⴻⵜⴱⴰⵢⴻⵏ (ⴰⵣⴰⵍ ⵏ 13.41 ⴷⴻⴳ ⵜⵎⵉⴹⵉ)".
ⴰⵀⵉⵍ "ⵚⴰⵏⵄⴰ" ⵢⴻⵜⵜⵡⴰⵃⴻⵙⴱ ⴷ ⵢⵉⵡⴻⵏ ⵏ ⵡⴰⵀⵉⵍ ⵉⵕⴻⵙⵙⴰⵏ ⵉ ⵢⴻⴱⵖⴰⵏ ⴰⴷ "ⵢⴻⵙⵏⴻⵔⵏⵉ ⵜⴰⵎⴰⴳⵉⵜ ⵏ ⵓⵙⵉⵍⴻⵖ ⴰⵎⴻⵣⵣⵓⵍⴰⵏ ⴷ ⵓⵙⴻⵀⵔⴻⵙ ⵏ ⵢⵉⵍⴻⵎⵣⵢⴻⵏ ⵉ ⵓⵡⵡⵉ ⵏ ⵜⵣⴻⵎⵎⴰⵔ ⵏ ⵍⵍⵙⴰⵙ, ⵉⵎⵉ ⵢⴰⵍ ⴰⵏⴻⵍⵎⴰⴷ ⴰⴷ ⵢⴻⵙⵄⵓ 90 ⵏ ⵜⵙⴰⵄⵜⵉⵏ ⵏ ⵓⵙⵉⵍⴻⵖ ⴷⴻⴳ ⵓⵎⴻⵣⵡⴰⵔ ⵏ ⵜⵎⵓⵀⴻⵍ-ⵉⵙ".
ⵜⴰⵏⴻⵀⵍⴰⴼⵜ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ ⵜⴻⵙⵙⴻⵏⴽⴰⴷ "ⵜⵓⵛⵛⵉⵜ-ⵉⵙ ⵉ ⵓⵙⴼⵓⵍⴻⵍ ⵏ ⵢⵉⵎⵏⴻⴼⵄⴻⵏ ⴷ ⵓⵟⵎⴰⵏ ⵏ ⵢⴰⴽⴽ ⵡⴰⵍⵍⴰⵍⴻⵏ ⵏ ⵜⴰⵍⵙⴰ ⴷ ⵡⵉⴷ ⵏ ⵍⵍⵙⴰⵙ ⵉ ⵓⵟⵎⴰⵏ ⵏ ⵔⵔⴻⴱⴻⵃ ⵏ ⵡⴰⵀⵉⵍ-ⴰⴳⵉ, ⵉⵡⴰⴽⴽⴻⵏ ⴰⴷ ⵉⵄⴰⵡⴻⵏ ⴷⴻⴳ ⵓⵙⵏⴻⴼⵍⵉ ⴰⵖⴻⵍⵏⴰⵡ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
