ⵜⴻⵜⵜⴻⴷⴷⵓ ⵢⵉⵡⴻⵜ ⵏ ⵜⴻⵔⴱⴰⵄⵜ ⵏ ⵓⵙⵡⵉⵔ ⵉⵄⵍⴰⵢⴻⵏ ⵙⴻⴳ ⵓⵙⴻⵏⴷⵓⵇ ⴰⵣⴻⴳⵣⴰⵡ ⵏ ⵜⵉⴳⵏⴻⵡⵜ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵖⴻⵔ ⵍⴻⵣⵣⴰⵢⴻⵔ ⴳⴰⵔ 27 ⵢⴻⴱⵔⵉⵔ ⴷ 1 ⵎⴰⵢⵓ. ⴰⵢⴰⴳⵉ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵓⵙⴻⵏⴷⵓⵇ ⴷⴻⴳ ⵓⵏⵏⴰⵔ ⵏ ⵜⵉⴳⵏⴻⵡⵜ ⴷ ⵓⵡⴻⵣⵣⵉ ⵏ ⵢⵉⵙⵡⵉⵢⴻⵏ ⵏ ⵓⵙⵏⴻⴼⵍⵉ ⵉ ⵉⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵜⴰⵡⵏⵏⴰⴹⵜ ⴷ ⵜⵖⴰⵔⴰ ⵏ ⵜⵓⴷⴻⵔⵜ.
ⴷⴻⴳ ⵜⴰⵍⵍⵉⵜ ⵏ ⵜⵉⵔⵣⵉ-ⴰⴳⵉ, ⴰⴷ ⴷ-ⵢⵉⵍⵉ ⵓⵙⴻⵏⴽⴻⴷ ⵏ ⵡⴰⵀⵉⵍ ⵏ ⵓⵏⵏⴰⵔ ⵏ ⵜⴰⵡⵏⵏⴰⴹⵜ ⴷ ⵜⵖⴰⵔⴰ ⵏ ⵜⵓⴷⴻⵔⵜ, ⴷ ⵢⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⵉ ⵜⴻⵙⵙⴻⵍⵡⴰⵢ ⵜⵏⴻⵖⵍⴰⴼⵜ ⴷⴻⴳ ⵢⵉⵏⵏⴰⵔⴻⵏ ⵢⴻⵎⴳⴰⵔⴰⴷⴻⵏ, ⵍⴰⴷⵖⴰ ⵉⴱⴻⴷⴷⵉⵍⴻⵏ ⵏ ⵜⵉⴳⵏⴻⵡⵜ ⴷ ⵓⵙⴻⵎⵓⵣⵣⴻⴳ ⵏ ⵜⴰⵍⵙⴰ . ⴷⴰⵖⴻⵏ, ⴰⴷ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵏ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ ⴷ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ ⵏ ⵜⵎⵓⵔⵜ ⵉ ⵓⵙⵏⴻⴼⵍⵉ ⵏ ⵢⵉⵙⴻⵏⴼⴰⵔⴻⵏ ⵏ ⵜⴰⵡⵏⵏⴰⴹⵜ ⵉ ⵉⵜⴻⴷⴷⵓⵏ ⵢⴻⵔⵏⴰ ⵙⵄⴰⵏ ⵏⴼⴰⵄ ⵏ ⵜⵉⴷⴻⵜ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵔⴱⴰⵄⵜ-ⴰⴳⵉ ⴰⴷ ⴷ-ⵜⴻⵔⵣⵓ ⵉⵡⴰⴽⴽⴻⵏ ⴰⴷ ⵜⵡⴰⵍⵉ ⵙ ⵜⵎⵓⵖⵍⵉ ⵜⵓⵙⵔⵉⴷⵜ ⵉⵎⴰⵀⵉⵍⴻⵏ ⵏ ⵓⵄⴰⵡⴻⴷ ⵏ ⵓⵣⵉⵣⵣⴻⴷ ⵏ ⵓⵙⴰⴷⴷ ⴰⵣⴻⴳⵣⴰⵡ (Barrage Vert), ⵉⵎⵉ ⴷ ⵢⵉⵡⴻⵏ ⵏ ⵢⵉⵙⴻⵏⴼⴰⵔⴻⵏ ⵏ ⵜⴰⵡⵏⵏⴰⴹⵜ ⵉⵙⵔⴰⵜⵉⴷⵊⵉⵢⴻⵏ ⵉ ⵉⵜⵜⴻⴽⴽⵉⵏ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵜⵓⵏⴻⵥⵔⵓⴼⵜ ⴷ ⵓⵙⴰⵎⵙⵉ ⴷ ⵢⵉⴱⴻⴷⴷⵉⵍⴻⵏ ⵏ ⵜⵉⴳⵏⴻⵡⵜ.
ⵜⴰⵏⴻⵖⵍⴰⴼⵜ ⵏ ⵜⴰⵡⵏⵏⴰⴹⵜ ⴷ ⵜⵖⴰⵔⴰ ⵏ ⵜⵓⴷⴻⵔⵜ, ⵉⵎⵉ ⵉ ⴷ ⴰⵎⵎⴰⵙ ⵏ ⵜⴻⵢⵡⴰⵍⵜ ⴰⵖⴻⵍⵏⴰⵡ ⴷ ⵓⵙⴻⵏⴷⵓⵇ ⴰⵣⴻⴳⵣⴰⵡ ⵏ ⵜⵉⴳⵏⴻⵡⵜ, ⵜⴻⵙⵙⴻⵃⵔⴻⵙ ⴰⵎⴰⵀⵉⵍ-ⵉⵙ ⴷⴻⴳ ⵓⵙⴻⴶⵀⴻⴷ ⵏ ⵜⴰⵍⵍⴻⵍⵜ ⴷ ⵓⵙⴼⵓⵍⴻⵍ ⴷⴻⴳ ⵓⵣⴻⵏⵣⵉⵖ ⵏ ⵡⴰⵍⵍⴰⵍⴻⵏ ⵉⴳⵔⴰⵖⵍⴰⵏⴻⵏ ⵉ ⵓⵙⵔⵉⵎ ⵏ ⵜⵉⴳⵏⴻⵡⵜ ⴷ ⵢⴰⴽⴽ ⵜⵉⴳⴳⴰⵜⵉⵏ ⵉ ⵢⴻⴱⵖⴰⵏ ⴰⴷ ⴷ-ⴰⵡⴹⴻⵏⵜ ⵖⴻⵔ ⵓⵙⵏⴻⴼⵍⵉ ⵉ ⵉⵜⴻⴷⴷⵓⵏ ⵢⴻⵔⵏⴰ ⴷ ⴰⵎⴰⵜⵓ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴰⵔⵏⵓ ⵖⴻⵔ
