ⵜⴻⵙⵙⴻⴽⵜⵉ-ⴷ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵜⴻⴼⵔⴰⵏⵉⵏ (ANIE), ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵙⵙ-ⴰ ⵏ ⵜⵜⵍⴰⵜⴰ, ⵙ ⵜⴰⵔⵔⴰⵢⵉⵏ ⵏ ⵜⵣⴰⴽⴰⵏⵜ (endorsement) ⵏ ⵜⵉⴳⴳⵓⵔⴰ ⵏ ⵢⵉⵎⴻⵙⵜⵉⵔⴻⵏ ⵙ ⴷⴷⴰⵡ ⵏ ⵓⵃⵔⴰⵣ ⵏ ⵓⴽⴰⴱⴰⴱ ⴰⵙⴻⵔⵜⵉ ⵏⴻⵖ ⵓⴳⴰⵔ, ⵉ ⵜⴻⴼⵔⴰⵏⵉⵏ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (APN) ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 2 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ ⵉ ⴷ-ⵓⵡⵢⴻⵏ ⵓⴳⴰⵔ ⵏ 4 ⴷⴻⴳ ⵜⵎⵉⴹⵉ ⵏ ⵚⵚⵡⴰⵜ ⴷⴻⴳ ⵜⴻⵎⵏⴰⵟ ⵏ ⵜⴻⴼⵔⴰⵏⵜ ⴷⴻⴳ ⵜⴻⴼⵔⴰⵏⵉⵏ ⵏ ⵓⵙⴻⵍⴳⴻⵏ ⵜⵉⵏⵏⴻⴳⴳⵓⵔⴰ, ⵜⴰⴷⴱⴻⵍⵜ ⵜⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⴷⴻⴳ ⵜⴻⴳⵏⵉⵜ-ⴰⴳⵉ "ⵓⵔ ⵢⴻⵣⵎⵉⵔ ⴰⵔⴰ ⵓⵏⵏⴻⵛⵜ-ⴰ, ⵉ ⵢⵉⴽⴰⴱⴰⴱⴻⵏ ⵉ ⴷ-ⵓⵡⵢⴻⵏ ⴰⵣⴰⵍ ⵉⵄⴻⴷⵍⴻⵏ ⵏⴻⵖ ⵉ ⴷ-ⵢⵓⵙⴰⵏ ⵙ ⴷⴷⴰⵡ ⵏ 4%, ⴰⴷ ⵙⴷⵓⴽⴽⴻⵍⴻⵏ ⵍⵇⴻⴷⴷ ⵉ ⴷ-ⵓⵡⵢⴻⵏ ⴷ ⵡⵉⵏ ⵏ ⵓⴽⴰⴱⴰⴱ ⵏⵏⵉⴹⴻⵏ ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵓⴳⴰⵔ ⵏ 4% ⵉ ⵓⵙⴱⴻⴷⴷⵉ ⵏ ⵜⴻⴱⴰⵍⴰⵅⵜ ⵏ ⵜⴷⵓⴽⵍⵉ (coalition)".
ⵢⵉⵡⴻⵏ ⵏ ⵍⵍⵙⴰⵙ ⵉ ⴷ-ⵉⵜⵜⵓⵙⴻⵎⵔⴰⵙⴻⵏ ⵉ ⵢⵉⴽⴰⴱⴰⴱⴻⵏ ⵉ ⵢⴻⵙⵄⴰⵏ ⴰⵣⴰⵍ ⵏ ⵎⵔⴰⵡ (10) ⵏ ⵡⵉⴷ ⵉ ⴷ-ⵉⵜⵜⵡⴰⴼⴻⵔⵏⴻⵏ (éⵍⵓⵙ) ⵙ ⵍⵇⴻⴷⴷ ⴰⵎⵉⵣⵢⴰⵏ ⴷⴻⴳ ⵜⴻⵎⵏⴰⵟ ⵏ ⵜⴻⴼⵔⴰⵏⵜ. ⵓⵔ ⵢⴻⵣⵎⵉⵔ ⴰⵔⴰ ⵓⴽⴰⴱⴰⴱ ⵢⴻⵙⵄⴰⵏ ⵙ ⴷⴷⴰⵡ ⵏ ⵎⵔⴰⵡ ⵏ ⵡⵉⴷ ⵉ ⴷ-ⵉⵜⵜⵡⴰⴼⴻⵔⵏⴻⵏ ⴰⴷ ⵜⴻⵏ-ⵢⴻⵙⴷⵓⴽⴽⴻⵍ ⴷ ⵡⵉⴷ ⵏ ⵓⴽⴰⴱⴰⴱ ⵏⵏⵉⴹⴻⵏ ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵍⵇⴻⴷⴷ ⵏ ⵎⵔⴰⵡ (10) ⵏ ⵡⵉⴷ ⵉ ⴷ-ⵉⵜⵜⵡⴰⴼⴻⵔⵏⴻⵏ ⴷⴻⴳ ⵜⴻⵎⵏⴰⵟ-ⵏⵏⵉ.
ⵜⴰⴷⴱⴻⵍⵜ ⵜⴻⵙⵙⴻⴽⵏⴻⴷ-ⴷ ⴱⴻⵍⵍⵉ "ⵉⵍⴰⵇ ⵉ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ ⵓⵔ ⵏⴻⵙⵄⵉ ⴰⵔⴰ ⵢⵉⵡⴻⵜ ⴷⴻⴳ ⵜⴻⵡⵜⵉⵍⵉⵏ-ⴰⴳⵉ (conditions), ⵏⴻⵖ ⵉⴽⴰⴱⴰⴱⴻⵏ ⴰⵔⴰ ⵢⴻⵜⵜⴻⴽⴽⵉⵢⴻⵏ ⵉ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ ⴷⴻⴳ ⵜⴻⴼⵔⴰⵏⵉⵏ, ⴰⴷ ⵙⴷⴻⴳⴳⴻⵔⴻⵏ (support) ⵜⴰⴱⴰⵍⴰⵅⵜ ⵏ ⵢⵉⵎⴻⵙⵜⵉⵔⴻⵏ-ⵏⵙⴻⵏ ⵙ 150 ⵏ ⵢⵉⵙⵜⴻⵢⵏⵉⵢⴻⵏ (signatures) ⵏ ⵢⵉⴼⵔⴰⵏⵉⵏ ⵏ ⵜⴻⵎⵏⴰⵟ-ⵏⵏⵉ ⵉ ⵢⴰⵍ ⵓⵇⵡⵉⵔ (siège) ⴰⵔⴰ ⵢⴻⵜⵜⵡⴰⵟⵟⴼⴻⵏ".
ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ, ⵜⴰⴷⴱⴻⵍⵜ ⵜⵉⵍⴻⵍⵍⵉⵜ ⵜⴻⵄⵍⴻⵏ-ⴷ ⵉ ⵢⵉⴽⴰⴱⴰⴱⴻⵏ ⵉ ⴷ-ⵢⴻⵜⵜⴻⴽⴽⵉⵢⴻⵏ ⴷⴻⴳ ⵜⴻⴼⵔⴰⵏⵉⵏ ⵏ 12 ⵢⵓⵏⵢⵓ 2021, ⴱⴻⵍⵍⵉ "ⵣⴻⵎⵔⴻⵏ ⴰⴷ ⴷ-ⵔⵔⴻⵏ ⵜⵉⵛⴻⵇⵇⴰⴼⵉⵏ (copies) ⵓⵏⵚⵉⴱⴻⵏ ⵏ ⵡⴰⵔⵔⴰⵜⴻⵏ ⵏ ⵢⵉⴳⴻⵎⵎⴰⴹ ⵏ ⵓⴼⵔⴰⵏ ⵉ ⴷ-ⵉⵜⵜⵓⵏⴻⴼⴽⴻⵏ ⵉ ⵢⵉⵎⵉⴳⵍⴰⵜⴻⵏ-ⵏⵙⴻⵏ (représentants), ⵏⴻⵖ ⴰⴷ ⵙⵙⵓⵜⵜⵔⴻⵏ ⵜⵉⵛⴻⵇⵇⴰⴼⵉⵏ-ⴰⴳⵉ ⵙ ⵜⴰⵎⴰ ⵏ ⵓⵎⵙⵓⵏ (coordinateur) ⵏ ⵜⵡⵉⵍⴰⵢⵜ ⵏⴻⵖ ⵙ ⵜⴰⵎⴰ ⵏ ⵜⴰⴷⴱⴻⵍⵜ ⴷⴻⴳ ⵓⵙⵡⵉⵔ ⴰⵍⴻⵎⵎⴰⵙ".
ⴰⵔⵏⵓ ⵖⴻⵔ
