ⵜⴻⵙⵙⵉⵡⴻⵍ ⵜⴻⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵜⴻⴼⵔⴰⵏⵉⵏ , ⴰⵙⵙ-ⴰ ⵏ ⵍⵀⴻⴷ, ⵜⵉⵡⵉⵏ (ⵜⴰⴱⴰⵍⴰⵅⵉⵏ) ⵏ ⵢⵉⵎⴻⵙⵜⵉⵔⴻⵏ ⵢⴻⵄⵏⴰⵏ ⵜⵓⴽⵛⵉ ⵏ ⵜⴼⴻⵔⵔⴻⵜ ⵏ ⵢⵉⵙⵜⴻⵢⵏⵉⵢⴻⵏ ⵏ ⵢⵉⵡⴻⵏ , ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵜⴰⵔⵔⴰⵢⵜ-ⴰⴳⵉ ⵓⵇⴱⴻⵍ ⵜⴰⵍⵍⵉⵜ ⵜⴰⵏⴻⴳⴳⴰⵔⵓⵜ ⵏ ⵓⵙⴱⴻⴷⴷⵉ ⵏ ⵢⵉⵎⴻⵙⵜⵉⵔⴻⵏ, ⵉ ⴷ-ⵉⵜⵜⵓⵏⴻⵎⵍⴻⵏ ⴰⵙⵙ ⵏ 18 ⵎⴰⵢⵓ ⵉ ⴷ-ⵉⵜⵜⴻⴷⴷⵓⵏ. ⴰⵢⴰⴳⵉ ⵉ ⵓⵀⴻⴳⴳⵉ ⵏ ⵜⴻⴼⵔⴰⵏⵉⵏ ⵏ ⵓⵙⴻⵍⴳⴻⵏ ⵏ 2 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ.
ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ ⵖⴻⴼ ⵓⴱⵔⵉⴷ ⵏ ⵓⵙⴱⴻⴷⴷⵉ ⵏ ⵢⵉⴼⴰⵢⵍⴻⵏ ⵏ ⵓⵊⴻⵔⵔⴻⴷ ⵏ ⵜⴻⴳⵔⵓⵎⵎⴰ ⵉ ⵓⵙⵉⴼⵔⴻⵏ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (APN), ⵜⴰⴷⴱⴻⵍⵜ ⵜⴻⵙⵙⴻⵃⵔⴻⵙ ⴱⴻⵍⵍⵉ "ⵉⵍⴰⵇ ⵖⴻⴼ ⵜⴻⴱⴰⵍⴰⵅⵉⵏ ⵏ ⵢⵉⵎⴻⵙⵜⵉⵔⴻⵏ ⵢⴻⵄⵏⴰⵏ ⵜⵓⴽⵛⵉ ⵏ ⵜⴼⴻⵔⵔⴻⵜ ⵏ ⵢⵉⵙⵜⴻⵢⵏⵉⵢⴻⵏ ⵏ ⵢⵉⵡⴻⵏ ⴰⴷ ⵜⴻⵏⵜ-ⴼⴽⴻⵏ ⵓⵇⴱⴻⵍ ⵜⴰⵍⵍⵉⵜ ⵜⴰⵏⴻⴳⴳⴰⵔⵓⵜ ⵏ 18 ⵎⴰⵢⵓ 2026, ⵣⴷⴰⵜ ⵏ ⵓⵙⴻⵍⵡⴰⵢ ⵏ ⵜⴻⵙⵇⴰⵎⵓⵜ ⵏ ⵜⴻⴼⵔⴰⵏⵉⵏ ⵏ ⵜⵡⵉⵍⴰⵢⵜ, ⵏⴻⵖ ⵣⴷⴰⵜ ⵏ ⵓⵙⴻⵍⵡⴰⵢ ⵏ ⵜⴻⵙⵇⴰⵎⵓⵜ ⵏ ⵜⴻⴼⵔⴰⵏⵉⵏ ⴷⴻⴳ ⵜⵉⵎⵜⴻⵍ ⵜⴻⴷⵉⵒⵍⵓⵎⴰⵙⵉⵢⵉⵏ ⵏⴻⵖ ⵜⵉⵇⵓⵏⵙⵓⵍⵉⵢⵉⵏ ⴷⴻⴳ ⴱⴻⵕⵕⴰ, ⵉⵡⴰⴽⴽⴻⵏ ⴰⴷ ⵜⵜⵓⵣⵔⴻⵏⵜ ⵓ ⴰⴷ ⵜⵜⵓⵙⵜⴻⵏⵢⴰⵏ ⵓ ⴰⴷ ⴷ-ⵢⴰⴼⴼⴻⵖ ⵢⵉⵡⴻⵏ ⵏ ⵡⴰⵔⵔⴰⵜ ⵓⵏⵚⵉⴱ ⴰⵔⴰ ⴷ-ⵢⴻⵜⵜⵓⵏⴻⴼⴽⴻⵏ ⵉⵡⴰⴽⴽⴻⵏ ⴰⴷ ⵢⴻⵜⵜⵡⴰⵔⵏⴰ ⴷⴻⴳ ⵓⴼⴰⵢⵍⵓ ⵏ ⵓⵊⴻⵔⵔⴻⴷ ⵏ ⵜⴻⴳⵔⵓⵎⵎⴰ ⵏ ⵓⵎⴻⵙⵜⵉⵔ".
ⵜⴻⵙⵙⴻⴽⵜⵉ-ⴷ ⴷⴰⵖⴻⵏ ⵜⴰⴷⴱⴻⵍⵜ ⵜⵉⵍⴻⵍⵍⵉⵜ ⴱⴻⵍⵍⵉ "ⴰⵎⴰⵣⴰⵏ ⵉ ⴷ-ⵢⴻⵡⵡⵉ ⴰⴼⴰⵢⵍⵓ ⵏ ⵓⵊⴻⵔⵔⴻⴷ ⵏ ⵜⴻⴳⵔⵓⵎⵎⴰ ⵉⵍⴰⵇ ⴰⴷ ⴷ-ⵢⵉⵍⵉ ⴷ ⴰⵎⴻⵙⵜⵉⵔ ⴷⴻⴳ ⵜⴻⴱⴰⵍⴰⵞⵜ-ⵏⵏⵉ ⵉ ⴷ-ⵉⵜⵜⵓⵏⴻⴼⴽⴻⵏ".
ⴰⵔⵏⵓ ⵖⴻⵔ
